Blader door transcripties » Stadsarchief Mechelen

archieftoegang 2, inventarisnummer 952, pagina 28

sal, de twaelf Rynsgulden jaerliker lyfrenten, die hy oic tot
synen live heeft, Opte selve stad van Dordrecht, Ende dair
toe in gereeden penningen, dertich der voirgenoemde ponden groten
Vlaems eens, die hy oic te samen totter sommen van driehondert
Rynsgulden eens, comende. Item dat de voirgenoemde Barble Huens
voir haer gedeelte ende porcie der voerscreven goeden, by crachte den
voerscreven scheydingen, hebben houden ende besitten sal, vier Ryns
gulden erffeliker renten, Op Jan Mathys huys metten hove
bogaerde ende met eenen stuck lants opten Hanswyckerdriesch
gelegen, Ende Seven Andries gulden elken van dien tot veertich
groten Vlaems gelts gerekent, oic erffeliker renten, de de voercrevest:t;
Barble de wedue haer moeder alle jaer alsoe lange als sy leven
sal haer vuten voirgenoemde haeren bempde, byde voirscreven Spruyn ende vanst:t;
haeren voirscreven sesse, Op der voerscreven weduen haer moeder beempt
byde voirscreven soe ende op haer voerscreven eeussel aende Muysenbrugge
gelegen, die de selve haer moeder alsoe lange als sy leven sal
haer vut dien haeren beempde ende eeussel, alle jaer gelden ende
vutgenomen Sermartensmisse
betalen sal tot Sinte Martensmisse. Behoudelic dien, datmen
naestcomende
die Seven Andries gulden altyt sal moegen lossen ende quiten
Te wetene elken van dien met sestien geliker gulden ende
met vollen chyse, Ende dat sy dair toe in gereeden penningen
hebben sal, hondert ende vierentwintich Andries gulden vanden voerscreven
pryse, die oic met haeren voirscreven erffeliken renten te samen comen
totter sommen van driehondert Rynsgulden eens, Ende
dat de voergenoemde Peter Huens voir syn porcie ende deel der voirgenoemde
goeden, by crachte vander selver deylingen, hebben houden ende
besitten sal, vier croenen elken van dien tot vier scellingen
groten Vlaems gerekent, jaerliker ende erffeliker renten, Op een
huys metten hove ende beempdeken tot Oudegeem gelegen
toebehoerende den kynderen van wylen Henricken de Cale
Ende Sesse Rynsgulden oic jaerliker ende erffeliker renten, Op
een huys metten hove Gielis Putteman toehoerende inde Augustynstrate
gelegen, Ende noch dair toe in gereeden penningen de
somme van hondert ende sevenentwintich, Andries gulden vanden
voerscreven pryse ende vier stuvers eens, die oic te samen gedragen
drie hondert Rynsgulden eens, Ende dat naer der voergenoemde Barblen
der weduen der voerscreven kynderen moeder doot, alle de voirgenoemde
erfgoeden, die de selver weduen tot haer tocht gelyc voir
toegevueght syn te besittene, allen den voerscreven haeren kynderen
toecomen bliven ende versterven zelen, Om die alsdan evengelyc
onder hen allen oic te houden te hebben ende te deylen, voirtaen
hebben oic de voirgenoemde Symoen, Rommond, Marten, Cornelis ende
Barble Huens, die vut haeren vryen wille, hen bekenden ge vanden
voirgenoemde gereeden penningen wel vernueght ende betaelt te wesen
van haer voerscreven moeder
in haeren namen ende oic inden name vanden voerscreven Peteren Huens
haeren brueder, Quytgesconden los vry ende ledich, der voergenoemde
Barblen der weduen haer moeder van allen den haeffeliken
goeden, die henlieden bydes voirgenoemde wylen Symoens haers vaders
ende der selver weduen mans doot gebleven ende verstorven
zyn, ende alle andere dies quitancie behoeven, welke scheydinge
ende deylinge der voergenoemde goeden, ende oic de voerscreven quitancie hebben
de voerscreven partien ende eenyegelyc van hen gelooft voir hen haer
hoir ende nacomelingen altyt ten eeuwigen dagen, goet
vast gestentich ende onverbrekelic te onderhoudene, Ende
dair tegen nemmermeer te doene te seggen, oft te comen
by hen selven oft by iemande anders heymelic oft openbaer
in gheender manieren, Alle argelist vutgescheyden
XXIII septembry
Gregoris Scheers
uxor
Lange alingen, Henrick Scheers, heeft opgedragen in puerder ghiften
tot behoef van Gregoris Scheers synen neve ende van Lysbetten vanden
Hornicke synen wive, Een huys metten hove ende met twee anderen huysen
dair achterstaende ende met eender poirten voir ende oic metten gronde etcetera
gelegen inde Begaertstrate tusschen des huys vanden begaerden erve
aen deen zyde ende den vlyeten aldair aen dander zyde. A Domino Mechliniensi, Waranderende.
Opten erffeliken chys, Ende op twaelf gouden Rynsgulden, elken van
dien tot veertich groten Vlaems gelts gerekent, jaerliker lyfrenten, staende
ten live van jouffrou Jacomynen van Nyspen beghinen, dair jaerlicx vutgaende
die de voerscreven Gregoris ende syn wyf der voergenoemde jouffrou Jacomen alle
jaer alsoe lange als hy leven sal, gulden ende betalen zelen. Behoudelic
dien, dat de voerscreven Henrick Scheers int voerscreven ierste huys alleene
sal moegen bliven woenen, op dat hem belieft syn leven lange geduerende
ende dair inne maken ende breken, ten profyte dies huys, al tgene dat hem
sal believen, sonder des voerscreven Gregoris ende synde wyfs wederseggen
supra tempore simile
Henrick Scheers
Item. De selve Gregoris ende Lysbeth syn wyf, hebben gelooft ende
elc van hen besunder ende voir al, voir hen hair hoir ende nacomelingen, oft
gebeurde, dat de voerscreven jouffrou Jacomyne Stormen aflivich waerde
voir den voerscreven Henricken Scheers, dat sy alsdan ende in dien gevalle
des voerscreven haer
den selven Henricken des voerscreven Gregoris een alle jare, alsoe lange
als hy alsdan leven sal, Eenen ende betalen zelen, Twaelf gouden Ryns
gulden vanden voerscreven pryse, sonder eenich wederseggen, Om welke
gelooften alsoe volstentelic tonderhoudene, Ende om der meerder
zekerheit den selven Henricken, dairaf te doene, Soe hebben de
voirgenoemde Gregoris ende syn wyf hem dair voir verbonden ende te pande
geset haer voirgenoemde huys met allen synen voerscreven toebehoerten, Ende
dair toe alle haeffelike ende andere erffelike goeden metten gronde etcetera bynnen
wesene ende gelegen, die sy nu tertyt hebben ende hier namaels op
hebben ende vercrigen zelen
ut supra