Blader door transcripties » Stadsarchief Mechelen

archieftoegang 2, inventarisnummer 952, pagina 25

I
Mathys de Ridde
Borch, Keyenooghe. Jan van Turnout heeft vercocht
Mathys de Riddere, Twee gouden Andries guldenen elken van
die tot veertich grooten Vlaems gerekent oft de weerde daer
voer in anderen goeden gelde erffelix chys, Te heffene
altyt opten vyfthienden dach van meye Op ende aen syn
twee huysen metten hoven gronde etcetera gelegen deen neven
dandre inde Kerchofstrate tusschen der weduwen ende
kynderen erve van wylen Janne Boydens aen deen zyde ende
Jans Croene erve aen dander zyde. A Domino Mechliniensi, Waranderende. Op
twee gouden Peters elken van dien tot zessendertich groten
waert gelts gerekent vyfthien schellingen ende negen
penningen grooten Brabants daer voir vutgaende
VIII July tempore simile
Henrick van Balen
alias van Molle
Schoof, Lange, Cornelis Yngelram onse medescepen, heeft
Bake alias van
bekent dat hy ontfanghen heeft van Henricke van Molle
de somme van twaelf pond thien scellingen grooten Brabants gelts
als voer de lossinge ende quitinghe van alsulken twaelf veertelen
vyf
Rocx Mechelscher maten, als de selve Cornelis tegen Jacop
vanden Poele ende jouffrouwen Jaquemynen vanden Heetvelde
tyde
synder huysvrouwen, tanderen gecocht ende gecregen heeft op
zekere erffelike goeden, hen beyden toebehoerende ter Boenheyden
ende tot Rymenam gelegen, gelis dat byden scepenen brieve van
Antwerpen daer op gemaect claerlic blyct van welker somme
van twaelf pondt thien scellinge der voirscreven grooten ende oick
vanden voirscreven lyfrenten, heeft de voirscreven Cornelis Quytgesconden
los vry ende ledich de voirscreven Henrick van Beke alias van Molle
tot syne ende tot der voirscreven Jacops ende synder huysvrouwe behoef
ende oic syne voirgenoemde erffelike goeden ende alle andere dies
quitancie behoeven geheelic ende al
XXI July
Gheens Gherys
et uxore
Muysene, Heelt. Gheens Ghorys ende Katheline Pruyssens syn
wyf seggende dat sy gheen wettige kynderen en hadden
Ende hebben daeromme voir ons gewilt ende oppenbaerlic
geordineert, dat de langhstlevende van hen beyden soe langhe
die alsdan leven sal payselic ende vredelic besitten ende gebruyken
sal alle de haeffelike goeden die sy nu tertyt tsamen
1
hebben ende hier namaels oic hebben ende vercrigen selen, Ende
metten selven haeffeliken goeden in synder noot moegen disponeren
den wederseggene van yemande ende oic den rechten ende costumen
der voirscreven stad daerinne ter contrarien onderhouden niet tegenstaende
Behoudelic die dat alle de voirgenoemde goeden dat naer des
langhstlevende doot vanden voirgenoemde Gheerm ende synen wive bliven
toecomen ende versterven selen haeren gerechten erfgenamen dien
die goeden naer den rechte vander selver stad sculdich selen syn
toe te comene ende te verstervene, oft den ghenen dien sy deselve
goeden samentlic met testamente oft anderssins geven ende
maken selen, welke ordinantie wy ende oic borch, Langhe, meer
Yngelram, Cale, Keynoegen ende Gheylinck onse medescepenen
by crachte vanden statute tanderen tyden daer op gemaect
hebben
geconfirmeert ende geapprobeert ende vut onser ordinairder macht
confirmen ende approberen Alle argelist vutgesceyden
IIasy
Jacop Bake
Oeyenbrugge, Gheylinck haere ende Meester Joos Cloet docteurs inderen
ende cureyt vanden beghynhove tot Bruessele macht hebbende van
jouffrou Lysbetten van Heffene wylen Vrancx derst:t; dochter, weduwe
van wylen Joos Cloet synder moeder, om tgene te doene dat hier
naer bescreven staet gelyck ons dat by eender porcien bezegelt
metten zegel ten zaken vander stad van Bruessele ende oick by scepenen
brieven der selver stad claerlick bleke, heeft inden name vander
selver synder moeder opgedragen ende overgegeven haer tocht die
sy hadde in Een huys metten hove plaetssen achterhuysen
gronde etcetera ende allen anderen synen toebehoorten geheeten den Blancker
gelegen aenden Steenwech van deser stad, tusschen Victors van
Merenden erve aen deen zyde ende Henricx de Langhe erve aen
dander zyde. A Domino Mechliniensi, Jurati tot behoef vanden selven heeren
Joos ende Janne Cloet synen brueder ende oick tot behoef van jouffrou
Lysbetten Cloets haerlieder zuster, haeren kynderen, die sy vanden
voirgenoemde wylen Joos Cloet wettelick vercregen heeft, die daer
yerst inne geerft waren, Ende daer naer hebben de voirscreven
heer ende Meester Joos Cloet ende Jan Cloet gebruederen ende oic de voirscreven
jouffrou Lysbeth Cloets haerlieder zuster ende weduwe wylen Aerts
vander Noot cum tutore vercocht Jacop Bake, tvoirgenoemde huys
metten hove plaetssen gronde ende alle synen toebehoerten
boven bescreven. A Domino Mechliniensi, Waranderende. Op vierentwintich scellingen
grooten Brabants gelts erffelick ende eenen capuyn, daer jaerlicx
vutgaende
V augusty