Blader door transcripties » Stadsarchief Mechelen

archieftoegang 2, inventarisnummer 952, pagina 105

Katlyne Oeyen
Hulst, Zuetens. Willem de Leyenmakere Willems de Lepelmake diemen heeft
inden Ezel natuerlic soon, heeft gelooft jaerlix te geven ende te
betalen, Kathelinen moeyen alsoe lange als de we elve Willem
ende dleven vander selve Kathelinen oic dueren
de soon leven sal ende niet langer anderhalve veertele Rogs van
alsulken sesse geliken veertelen Rogs lyfpachts, als hy tot
heeft ende
synen live jaerlix heeft endest:t; heffende is, Op een stuck beempts der
weduen ende kynderen wylen Henrick Eynaerts diemen heet Hoeckaerts
toehoerende, omtrent drie vierendeel houdende, gelegen tot Heffene inde Elst
tusschen Jans de Cale erve aen deen zyde ende Jan Bogaerts erve, aen
dander zyde, Ende op de helft van Eenen stuck lants houdende int
geheel omtrent drie buenderen, der voerscreven weduen ende kynderen
toebehoerende, tot Leest opten Couter gelegen, tusschen Wouters
van Voesdonck erve aen deen zyde ende Anthoenis van Voesdonck
erve aen dander zyde, jaerlix vallende ende verschinende, deen
helft opten jersten dach van meye ende dander helft, opten jersten
dach van Novembry gelyc de soe twee scepenen brieven van
Mechelen dair op gemaect dat claerlic vutwysen ende begrepen
Sonder eenich wederseggen, Ende hier inne heeft de voerscreven
Willem de vader voir oeghen, wesende, zyn consent gegeven
IIII July tempore simile
Dambacht vanden
oude schoemakers
Lange van Zuetens. Jan Standaert heeft vercocht Wouteren Cools ende Henricken
ende vander bruggen, als geswoirnen ende tot behoef vanden ambachte vanden
ouden schoenmakers bynnen Mechelen vier scellinge ende sesse penningen
grote Brabants gelts erffelix chys Te heffene altyt tot Sinte
Jansmisse, Op ende aen des voerscreven Jan Standaerts vier huysen
oft cameren metten gronde etcetera gelegen deen neven dandere inde
buyten der Kerchofpoirten inde Vingebeecstrate tusschen wylen
Henrix van Beringen erve aen beyde zyden. A Domino Mechliniensi, Waranderende.
Opte weerde van Twee chysgulden ende twee scellinge ende drie
penninge der voerscreven groten Brabants daervoir vutgaende, met
alsulker condicien, dat de voerscreven Jan Standaert sal moegen lossen
ende quiten altyt als hem dat gelieven sal, de voirgenoemde vier scellinge
ende sesse penningen groten Brabants des voerscreven chys, ende elken penningen
dair af met thien geliker penningen eens met vollen chyse
dair voir te betalen
July tempre simile
Joes Gielevoert
Hulst, Vos. Barble Lysbeth ende Katheline Gielevoerts, wylen Henrick
Gielevoirts kynderen, hebben by bywesene ende volcomen consente van Janne Gielevoirt
ende van Janne de Schotelere diemen heet de Staefmakere haeren momboeren
gewilt ende openbaerlic voir ons geconsenteert, dat Joos Gielevoirt haer
brueder, inder deylingen ende scheydingen die tusschen hen allen geschieden
sal vanden goeden naer haers voirgenoemde vaders ende oic haer moeder doot
gebleven, voir vut hebben ende aenveerden sal, Tderdendeel van hondert
Rynsgulden, ende dat derdendeel alsoe by hem gehadt, zelen zy voirtaen
dandere goeden onder henlieden deylen, alsoe dat naer den rechte vander voirscreven
stad behoeren sal, sonder eenich wederseggen
Vly tempore simile
Jan van Alen et uxore
Hulst, Vos. Jan vander Straten, wedue van wylen Margrieten tSas
heeft Opgedragen zyn tocht die hy hadde inde helft van Eenen stuck
beempts metten gronde etcetera geheeten den Oudenaermeest, houdende omtrent vyf
vierendeel, gelegen tot Neckerspoele inde Broeckstrate tusschen Henricx
de Moor diemen heet inden Palmboom beempt aen deen zyde ende heeren
Henrick van Ridders beempt aen dander zyde, streckende metten eenen eynde
tot aen Gielis de Vos bempt ende metten anderen eynde tot wylen Jan Pauwels
beempt. A Domino Mechliniensi, Juravit etcetra tot behoef van Kathelinen tSas der voerscreven
wylen Margrieten tSas zuster, dier ierst inne geerft wardt, Ende
dair naer, heeft de selve Katheline tSas met eenen momboir vercocht
Janne van Aken beckere tot synen ende tot Barblen vander Verryct zyns wyfs
stuck
behoef, den voergenoemde geheelen beempts metten gronde etcetera, Waranderende. Op
twee chysgulden ende drie pond payments, dair vutgaende
Assignavit LXXX Peters
ut supra
Aert Cleynaerts
Hulst, Gheylinck. Aert Cleynaerts heeft verreyct Twee stucken beempts metten
gronde etcetera de Elst geheeten, houdende te samen vyf vierendeel, die Willem
Putteman toe plagen te hoiren gelegen deen neven dander tot Heffene aende
Heerstrate, tusschen Jans de Meyere huyvetters erve aen deen zyde ende
Anthoenis de Borger erve aen dander zyde, Ende alle de haeffelike endest:t;
andere erffelike goeden metten gronde etcetera die oic den voerscreven Willem Putteman
toe plagen te hoiren, bynnen der stad etcetera wesende ende gelegen
Ex censu
VII July
Jouffrou Katlyne an Kets
Item. De selve tot behoef van jouffrou Kathelinen van Bets weduen wylen
Peters vanden Dale heeft verreyct, drie huysen metten gronde etcetera die Katheline
Ballen Jacops vanden Eynde wive toe plagen te hoeren, gelegen deen neven dander
inde Ierste Vleeschouwerstrate tusschen
Ex censu
supra tempore simile
tgasthuys vander Heylich
Drievuldicheit
Item. De selve tot behoef vanden gasthuyse vander Heylige Drievuldicheit
heeft verreyct, Een huys metten gronde etcetera geheeten Zweert, dat wylen
Rommond Thys toe plach te hoeren, gelegen opte Potmarct tusschen
Ende een huys metten
gronde etcetera dat den selven wylen Rommonde toe plach te hoiren, gelegen aldair
tusschen
Ex censu
ut supra