Blader door transcripties » Stadsarchief Mechelen

archieftoegang 2, inventarisnummer 952, pagina 103

Dambacht vanden
hantschoemakers
Hulst, Zoeten. Anthoenis Caluwaert wylen Anthoenis soon, ende Lysbeth
Caluwaert zyn zuster met Peteren Stocman haeren man hebben Opgedragen
ende overgegeven, tot behoef vanden ambachte vanden hantschoemakers inden
voerscreven stad, haere acht gouden Peters, te wetene sessendertich groten
Vlaems voir elken van dien gerekent erffelix chys, die zy hadden ende
jaerlix heffende waren, Op ende aen twee huysen metten hoven gronde etcetera
die wylen Janne Kerstiaens diemen hiet de Pape toe plagen te hoeren
ende die nu den voerscreven ambachte toebehoeren, gelegen deen neven dander
inden Nieuwen Bruel, tusschen Jans Verwilgaerden erve aen deen
zyde ende der kynderen erve vanden voerscreven wylen Anthoenis Caluwaerts
aen dander zyde, Ende op een huys metten hove gronde etcetera dat
oic den voerscreven wylen Janne Kerstiaens toehoirde ende nu den voerscreven
ambachte toehoert gelegen aldaer tegen de selve twee huysen over
tusschen der voerscreven Lysbetten Caluwaerts erve aen deen zyde ende der
kynderen erve van wylen Henricken vander Strepe aen dander zyde
A Domino Mechliniensi, Waranderende etcetera. Jan Barbier tot des voerscreven ambachts behoef
waert dair inne geerft
XXVII Juny tempore
Anthonis ende Lysbeth
Caluwaerts
Item. Henrick de Leeuw heeft bewesen den voergenoemde
Anthoenisen ende Lysbetten Caluwaerts, Seven gouden Andries
guldenen, elken van dien tot veertich groten Vlaems gelts gerekent
ende acht groote Vlaems erffelix chys Te heffene altyt opte
vierentwintichsten dach van julio naestcomendest:t;, dairaf den jersten
termyn van betalingen zyn sal, opten vierentwintichsten dach van
julio naestcomende, Op ende aen des voerscreven Henricx huys metter
plaetsen gronde etcetera gelegen inden Nieuwen Bruel, tusschen thuys
den Theems geheeten toebehoerende der weduen ende kynderen van wylen
Janne vanden Bossche aen deen zyde ende Jans Verwilgiaerden erve
aen dander zyde. Op vier gouden Peters elken van dien tot
sessendertich groten Vlaems gelts gerekent dair jaerlix voir vutgaende
Item Op zyn huys metten hove gronde etcetera gelegen aldair tegen
tvoerscreven huys over, tusschen Peters de Leeuw erve aen deen zyde
ende des voerscreven Jans Verwilgiaerden erve aen dander zyde, Op een
pond grote Brabants gelts daer jaerlicx oic voir vutgaende, Ende voirtaen
op alle syne haeffelike goedenst:t; ende alle dandere syne erffelike
goeden metten gronde etcetera bynnen etcetera wesende ende gelegen de
hy nu heeft ende namaels sal moegen hebben ende vercreven A Domino Mechliniensi, Waranderende.
ut supra
de momboeren Joes
Gielevoerts
Item. Joes Gielevoirt, wettich soon van wylen Henricken Gielevoert
heeft openbairlic voir ons bekent, dat Jan Gielevoert ende Jan de Schotelere
diemen heet de Staefmakere syne momboeren, hem goede ende rechtveerdige
Rekeninge ende bewys gedaen hebben van allen den haeffeliken ende
erffeliken goeden bynnen ende buyten der stad ende vryheit van Mechelen
wesene ende gelegen, die den voirgenoemde Joes Gielevoert byder doot
vanden voirgenoemde wylen Henricken st:t; Gielevoert ende van wylen Marie
Wynants synen wive synen vader ende moeder, in eeniger manieren toecomen
gebleven ende verstorven zyn ende van al tgene dat zy dairaff
ontfangen ende vutgegeven hebben, Ende daeraf ende oic van alle
tgene dat de voirgenoemde Joes den voerscreven synen momboeren, vut
zaken van dien goeden oft vanden bewinde ende Regimente dat zy
dairaf tot desen dage toe h gehadt hebben, soude moegen
heysschen, heeft de selve Joes den selven synen momboiren
Quytgesconden los vry ende ledich ende alle andere dies quitancie behoeven
geheelic ende al
XXVI tempore simile
Jan van Ghestele
Stocman, Zoeten. Margriete vander Berct met Janne Daems diemen heet de Maegh
haeren man, heeft opgedragen ende overgegeven tot behoef van Janne van Ghestele
alle trecht ende deel dat zy hadde in een stuck lants metten gronde etcetera houdende
een half buender ende dertich Roeden gelegen buyten Sinte Kathelinen poirte byden
Ziekerlieden tegen dMoortstraetken over, tusschen vrouwen, Margrieten van
Hoelaer erven aen de drie zyden, ende de gemeyn strate aende vierde zyde, warande
Domino Magriete de Heelt, Waranderende etcetera
supra tempre simile
Henrick vanden Vekene
Item. Thorie van Turnout wylen Thomaes dochter met Henricken hebben hueren man
heeft vercocht, Henricken vanden Vekene huyvettere, Een huys metten hove gronde etcetera
dat den voerscreven wylen Thomaes toe plach te hoiren, gelegen inden Crommenelleboghe
tusschen desselfs Henricx ander erve aen deen zyde ende Meester Aerts
van Dueren erve aen dander zyde streckende achterweerts metten voerscreven
hove ende met eenen anderen huyse dair achterstaende totten vliete toe aldair
A Domino Mechliniensi, Waranderende. Opte weerde van neghentien groten Brabants gelts erffelic
ende vier gouden peters jaerliker lyfpensien staende ten live van Lysbetten
Yngelrams dair vutgaende
ut supra
sitte es ende beter
et contract debet
ex confessor et de
consens kynderen doerts
XXVII septembry super:t;
te
Item. De voirgenoemde Henrick vanden Veken, dat de voerscreven hoven van
Turnout, Tweenveertich gouden Andries gulden, elken van dien tot
veertich groten Vlaems gelts gerekent, Te betalen veerthien dagen
voir Bamisse naestcomende, Ende dair voir heeft hy verbonden
ende te pande geset alle syne haeffelike goeden, waer die
bevonden zelen worden, die hy nu tertyt heeft, ende hier namaels
oic hebben ende vercrigen sal
Assignavit LXXXIIII Rinsgulden
ut supra