Blader door transcripties » Stadsarchief Mechelen

archieftoegang 2, inventarisnummer 952, pagina 10

I
Tselve
Steynemoelen halven, de voirgenoemde Henrick Wychman heeft opgedragen ende
getransporteert tot behoef vanden voirgenoemde ambachte vandenst:t;
de voirscreven pancen byns ende Janne
spellemakers alsulken stal vanst:t;
voerscreven
Woyts als gezwoirne ende tot behoef vanden ambachte vanden
spellemakers, alsulken scult van negenentwintich pond
Grooten Vlaems gelts als Aert vander Byest spellemakere, hem
tanderen tyden Te wetene opten twaelfsten dach van Januario
int jaer ons heeren dusent vierhondert viventachtentich met scepen
brieve van deser stad bekent heeft sculdich wesende, Ende
oic alsulken scult als Gheeraert Ruts hem tanderen tyden met eender
cedullen met Gheeraerts naem ende Mercken getekent te wetene
van dertich ponde grooten Vlaems gelts by bekent heeft
Behouden dat al tgene dat vanden voirgenoemde sculden comen sal bekeert sal
sculdich wesende, transferens ac volens ut in forma
wesen tot behoef vanden ouden armen vanden voirscreven ambachte
XII february
actum in domino
Hubrecht van
Orssagen et uxore
Muysene, Steynemoelen. Hubrecht van Orssaghen ende Lysbeth van
Nuwen goede syn wyf seggende dat sy gheen wettige kynderen
en hadden, Ende hebben daeromme gewilt ende openbaerlic voir
ons geordineert, dat de lancxlevende van hem beyden soe lange
die alsdan leven sal payselic ende vredelic besitten ende gebruyken
sal alle de haeffelike goeden, die hy nu tertyt tsamen hebben
ende hier namaels oic hebben ende ven vercrygen selen ende
metten selven haeffeliken goeden in synder noot moegen disponeren
den wederseggende van yemande ende oic den rechten ende
lostumen vander voirscreven stad daer indest:t; ter contrarien onder houden
niet tegenstaende. Behoudelic dien dat alle de voirgenoemde
goeden na des lancxlevende doot vanden voirgenoemde Hubrecht
ende syne wive blivende, toecomen ende versterven selen
ende gerechte erfgenamen, dien die goeden naeden rechten
vander stadt selver stad sculdich selen syn toe te comen ende
te verstervene, oft den ghenen dien sy de selve goeden
samentlic met testamente oft anderssins geven ende maken
selen welke ordonancie wy ende oic ge Heelt, Langhe
Cale toebosch ende Roede onse medescepenen, by crachte vanden
statute tanderen tyden daerop gemaect geconfirmeert ende
geapprobeert hebben ende by onser ordinairder macht
confirmeren ende approberen, alle argelist vutgesceyden
XVI septembry
selve dies
I
testate vanden
Nuwerde uxoris
Hubert de Orssagen
Muysene, Langhe. De voirgenoemde Lysbeth van Nuwene, heeft
achtervolgende der ordinancien by haer ende Hubrechte van
Orssaghen haeren man op desen dach voir scepenen van Mechelen
geordineert ende gemaect, by bywesene ende volcomen consente
vanden voirgenoemde Hubrechte haeren man behoudelyc altyt
den selven Hubrechte in desen synen rechte voir haer
testament ende vutersten wille geordineert gemaect ende
gesloten, de makingen pointen ende ordinantien, hier naer
volgende, de welke sy woude ende vuterlic begheerde dat
onverbrekelic na haer doot, onderhouden voldaen ende tot
volcomender executien, by haeren executeurs gestelt ende
gevueght worden, Inden yersten, heeft de voirgenoemde Lysbeth
van Nuwenrode gewilt ende begheert, dat alle haere
wettige sculden metten costen van haerer vutvaert, ierst ende
voir al van allen haeren gereesten goeden betaelt worden, Ende
datmen naer haer doot voir haerer zyelen salicheit geven
ende distribueren sal den allen huysen bynnen der
Onser Vrouwen prochien van deser stad wesende vyftich
Rynsgulden eens, elken gulden te twintich stuvers gerekent
daer naer heeft de voirscreven Lysbeth van Nuwenrode, gemaect
beset ende gelegen, tgene dat hier na bescreven staet ierst
voir haer onrechtveerdich goet, op dat sy eenich hadde
der kerken van Onser Liever Vrouwen van Cameryke eenen
de fabriken van
Rynsguldenen ende Onser Liever Vrouwen kerke vander voirscreven
stad twee Rynsguldenen vanden voirscreven pryse, Item haeren
Oevergenaem vanden voirgenoemde Onsen Liever Vrouwen kerke van
deser stad eenen Rynsgulden vanden selven pryse, Item den
costers vander selver kerken vier stuvers eens. Item
heeft de selve Lysbeth by consente als boven, gegeven ende gemaect
Gommaer van Nuwende haeren vader hondert Rynsgulden eens
Item Henricke van Nuwenrode desselfs Gommaers soon ende haeren
brueder, vyftich Rynsguldenen eens. Lysbetten synder huysvromen
eenen moute beliers tabbaert ende eenen persschen viers, Ende
haer beyden dochter eenen selven Lepele. Item Johannen van
Nuwenrode ende Janne van Wildert haeren man vyftich
Rynsguldenen eens ende der selver Jehanne, Eenen blauw
tabbaert eenen voers ende eenen zwerten Ryn met selven
beslaghe. Item Kathelinen van Nuwende beghinen haer