Blader door transcripties » Stadsarchief Mechelen

archieftoegang 2, inventarisnummer 936, pagina 87

zekerheit der voirscreven taflen des Heylichs Gheest vander betalinge
ende quytingen des voirscreven chys te doene, Soe heeft de voirscreven Jan
vanden Bogaerde daer voir verbonden ende te pande geset syn
stuck lants metten gronde, houdende omtrent een half buender
gelegen te Hombeke op tantelaer, tusschen Jan Schoofs erve
aen deen zyde ende Peter Caluwaerts erve aen dander zyde
A Domino Mechinieni, Waranderende. Op een derdendeel van eenen capuyne daer van
vutgaende. A Domino Mechliniensi
VIIIa aprilis tempore simile
groot ante
Jouffrou Katlyne sWalen
Hamme, Berct, jouffrou Katheline van Reet weduwe wylen
Anthonis de Wale, met haere momboir, heeft opgedragen ende
overgegeven tot behoef van jouffrou Kathelinen sWalen, haeren
dochter, alle have erffelike goeden, metten gronde etcetera die sy
nu heeft ende namaels hebben ende vercrigen sal bynnen der stad ende
verheyt van Mechelen gelegen. A Domino Mechliniensi, Warende. Behoudelic
der voirscreven jouffrou Kathelinen der weduen haer tocht
paysselic ende vredelic daerinne te gebruyken
VIIa aprilis
de wedue van wylen
Anthonis de Wale
Item de voirgenoemde jouffrou Katlyne de dochter met haeren momboir
heeft bewesen, der voirscreven weduen, haerer moeder, haer
tocht paysselic ende vredelic te gebruykene in alle de
voirgenoemde erffelike goeden. A Domino Mechliniensi, Waranderende etcetera.
ut supra
Daneel van Coelene
Mol, Berct, Daneel van Coelem haer weduere van Willem Cornelien
noyt heeft opgedragen syn tocht die hy hadde ende helft van
eenen huyse metten hove gronde, gelegen ende Reudestrate
tusschen Jan Stappaerts des ouden erve, aen deen zyde ende
Margrieten vander Schueren erve aen dander zyde. A Domino Godevader
Vylain milite jaerlic etcetera tot behoef van Lysbetten Woyten der voirscreven
Willen Cornelien zuster, dier inne gegoede waerdt, Ende daer
naer heeft de selve Lysbeth met eenen momboire opgedragen
tot behoef vanden voirscreven Daneelen, de voirscreven helft vanden
voirscreven huyse metten hove daeraf dander helft den selven Daneel
Waranderende etcetera
toebehoirt, Ende daer toe soe heeft de voirscreven Lysbeth quytgeschonden
los vry ende ledich den selven Daneelen van allen den haefflike
goeden die haer byder doot vander voirscreven wylen Cornelien haere
zuster ende des voirscreven Daneels wyfs doen zy leefde in eeniger
manieren verstorven mogen syn
Ut supra tempore simile
Bouwen vander Wyct, heeft achtervolgende
den vutersten wille van jouffrou Barblen van Hofstaden
vercocht heer Janne Weelmans priester, thien
Henrick de Byn heeft opgedragen, tot behoef van Barblen
ende Kathelinen de Bruyne synder dochteren, alle alsulke syne haeffelike
goeden waer die bevonden zelen worden, die naer syn doot int
eeniger manieren boven syne wettige scult, overschieten ende bliven
zelen transferens ac volens ut in forma, Behoudelic
Lysbetten Bellens nu tertyt synen tweesten wive haeren lantrechte
inde selve goeden
Jacop tSermartens
Mol, Berct, Cornelis Verhoute, natuerlic sone willen, Aerde Berthout
heeft vercocht Jacop tSermartens beckere, de helft van eenen huyse
metten gronde geheeten tGulden Hoot daeraf dander helft
der selven Jacoppe toebehoirt gelegen inde Aedegemstrate
tusschen den sleutel toebehoerende Peteren Ymbrecht aen
deen zyde ende den Campe toebehoerende Peteren Boots aen dander
zijde. A Domino Petro de Gemilite, Waranderende. Op negen chysgulden
Sesse scellinge Lovens ende sesse pondt payments vuten
geheelen huyse jaerlicx gaende
Assignavit XI Peters
Va aprilis tempore simile
Katheline vander Poirten, Jacops dochter vander
poirten heeft quytgesconden los vry ende ledich, den selven
Jacoppen haren vader van allen den haeffeliken goeden, die
der voirscreven Kathelinen byder doot van wylen Lysbetten
vanden Berge haer moeder ende des voirscreven Jacop Hane
vader yerste wyf in eeniger manieren verstorven moegen
syn, tot desen dage toe
Peer van Merende
Mol, Bossche
Peter Henrick Danckaert heeft vercocht Peteren de Bye, tot
behoef van Joes van Merende, Henricx sone, drie gouden
Rynsgulden goede, te wetene veertich groten Vlaems
voir elken van dien gerekent erffelicx chys, die hy hadde
Op ende aen des voirscreven Joes huys metten hove gronde etcetera
gelegen opte Mylane, tusschen wylen Aert Hoots erve aen
priester
deen zyde ende Heer Anthonis Yeudyns erve, aen dander zyde
streckende achterweerts metten voirscreven hove totten water
haeffelicke en
toe, Ende op alle des voirscreven Joes ende erffelike ende haeffelike
goeden, metten gronde etcetera, die hy nu heeft ende namaels
man
hebben ende vercrigen sal, bynnen der stad etcetera gelegen
A Domino Mechliniensi, Waranderende etcetera
Assignavit XL Rynsgulden
XIa aprilis