Blader door transcripties » Stadsarchief Mechelen

archieftoegang 2, inventarisnummer 936, pagina 78

Jacop van Conincxloe
Arthur
Hamme bossche, Jacop van Conincxloe heeft quytgesconden
los van ende ledich Jacopen van Conincxloe synen vader
van alle den haeffelike goeden, die den voirscreven te
byder doot van wylen Margrieten sVryesen synder moeder
ende des voirscreven Jacops wyf doen sy leefde, in eenige
manieren verstorven moegen syn
XIIIa marcy tempore simile
t retro
Noloco
geselscap vander
Poenen
Hane, Bossche, Claes van Berkele, wylen Machiels van
Berlaer natuerlic soon heeft vercocht heer Willem vanden
Wyele priester, Janne vander Messen ende Wouteren van
Battele, tot behoef vanden gemeynen geselscape ende oft bruederscape
vander Rethy diesscher Rechtken, geheeten tgeselscap
vander proven geordineert ende opverstaen inde voirscreven
stad van Mechelen, Een huys metten gronde etcetera geheeten
den Horen, dwelc den voirscreven wylen Machielen toe plach
te hoiren, gelegen byde Marck van Mechelen, tusschen de Croone
thuys de Croene geheeten toebehoeren Joerdaen Esschen aen
deen zyde ende Janne van Hamme huys aen dander zyde. A Domino
de Ghestelle, waranderende op drie pond groten Brabants, de ende drie pond
payments daer jaerlicx vutgaende
Assignavit II Peters
XVII marcy tempore simile
Item de voirgenoemde heer Willem Jan vander Messien ende Wouter vanden
int Battele, des debent van des voirscreven geselscaps wegen, den
voirscreven Clasen, hondert gouden Peters vander munten etcetera goeden
eer, te wetene sessendertich groten Vlaems gelts voir elken der selve
Peter gerekent Te betalen totten termynen hier naer volgende
te wetene de viventwintich Petere, dairaf vanden yersten
daige van meye, naestcomende, bynnen eenen jaere dair naer
volgende, Ende soe voertaen telken yersten daghe van meye
alsdan deen na dander ter stont vervolgende vierentwintich
der voirgenoemde Peters, tot dier tyt toe, dat de voirscreven hondert
gouden Petere, geheelic ende al betaelt zelen syn, Ende daer
voir hebben sy verbonden ende te pande geset tvoergenoemde huys metten
gronde etcetera, den Horen geheeten
Janne Bossche, heer Rommond Luyten priester, als capellaen ende inden
name van eender erffeliker capellenen, van twee missen, die wylen
Margriete van Lichter, weduwe wylen Peter Luytens voir de
zalicheyt van have ende desselfs haere mans zielen gefundeert
heeft, opten outaer van Onse Liever Vrouwen, tot eeuweliken
daghen, ter eenen van Onser Liever Vrouwen te doene in Sinte
Rommonts kerke opten outaer van Onser Liever Vrouwe, geheeten
der slapere outaer, heeft om der meeste orboirs wille vander
voirscreven capellenen ende om dat den erffeliken chys hier na bescreven
ter quitingen stont, by bywesene wetene wille ende volcomen
consente van meester Henricke van Ghestelle, deken ende
van Meester Robbrecht Herdincx lants der voirscreven Sinte
Jan vanden Boende
Moor al inden Palmboer
Rommonts kerken, vercocht Janne vanden Breyne
tot behoef van Janne de Moor diemen heet inden
Palmboem, Twaelff gouden Peters vander munten etcetera
goede, te weten zessendertich groten Vlaems gelts
voir elken van dien gerekent erffelicx chys, die de
voirgenoemde capellene hadde, Op alle trecht ende deel, dwelck
de voirgenoemde Jan de Moor heeft inde erffelike goeden
metten gronde ende haeren toebehoirten hier naer volgende
bescreven ierst in twee huysen, metten hove plaetse
ende anderen haeren toebehoirten daeraf deen den Palmboem
ende dander den Goekele geheeten syn gelegen deen neven dander
aenden Steenwech van Mechelen, tusschen thuys de Coelberch
geheeten, Lysbetten sMoors toebehoirende, aen deen zyde ende thuys
geheeten de Munte, toehoiren Godevaert vander Strepe, aen
dander zyde. Item in een hoeve met huysen hove wynnende
landen eensele ende allen anderen haeren toebehoirten, houdende
int geheel omtrent neghenthien buenderen, alsoe die tot
Hevere gelegen is ende wylen Henrick de Moor des voirscreven Jans
vader, die aldaer te besitten plach. Item in een stuck
bempts houdende omtrent drie vierendeel ende een halff
gelegen inde prochie van Hanswycke byde Berct, tusschen
de Dele aende twee zyden ende Henricx Moors erve
aende derde zyde. Item in een stuck bempts houdende omtrent
een buender de Bleect geheeten, gelegen tot Gheerdegheem
byde Voesbrugge, tusschen Aelst, den huyse vanden Ziekenlieden
van Mechelen toehoirende, aen deen zyde ende des gasthuys
erve van Onser Vrouwen, aen dander zyde. Item in een
stuc bempts houdende omtrent twee buenderen, gelegen inde
prochie van Musene, neven de zeven vondelen, tusschen wylen
Jacop de Necker erve aen deen zyde ende der kynderen
vander Streke erve aen dander zyde. Item in thien
gouden cronen vander munten etcetera goede etcetera erffelick
renten, opte stad van Mechelen, die jaerlicx verschinen
voir deen helft in Augusto ende voir dander helft in
februario, Ende in acht Rynsgulden oic erffeliken
renten, opte selve stad van Mechelen, die oic jaerlicx
voir deen helft in decembry ende voir dander
helft in inne voerscreve. A Domino Mechliniensi, Waranderende.
XII marty tempore simile