Blader door transcripties » Stadsarchief Mechelen

archieftoegang 2, inventarisnummer 936, pagina 70

Katheline
al Bossche achiel de Weendt ende Katheline Mommaerts alias Gheerds
syn wyf deen de Meester Janne van Bost tot behoef van Joese
Vrancx viventwintich gouden Cronen goede etcetera te wetene
vierentwintich stuvers voir elke der selve Croonen gerekent
de betalene bynnen eenen jaer naestcomende, Ende hier voir
hebben sy verbonden alle huer haeffelike ende erffelicke goeden presenta
et futura infra etcetera ut
IXa January tempore simile
Aa, Mol. Lambrecht van Puersse ende Lysbeth Bogaerts syn
wyf ende oic Merten van Puersse, haer sone deent, Janne
Messeman van Duffle, negenendertich gouden Rynsgulden
gronde etcetera te wetene XL groten Vlaems gelts voir elken der selve
Rynsgulden gerekent, Te betalene, te terminen hier naer
volgende, te wetene, vyf Rynsgulden dair af tot Sinxene
naestcomende ende vyf Rynsgulden daeraff tot Kersmisse dair
naer ter stont vervolgende, Ende soe voirtaen telken zinen
Kermet
ende quitensmisse, alsdan deen na dander ter stont vervolgende
vyf der selve Rynsgulden over etcetera van oblighe over en boven
na et immobilia presenta et futura infra etcetera. Behoudelic oft
gebuerde dat den selven Lambrechten oft synen wive in
toecomende tyden met versterven, dat alsdan de selve scult
de selve Janne geheelic ende al verschenen sal syn
X Jan
Ghooten, van Jan vander Straten ende Margriete tSas syn wyf doet
Dierick Adriaen tot behoef van Mertene vander Straten des voirscreven
Jans natuerlic sone die hy van wylen Lysbetten vander Beke
vercregen heeft, hondert gouden Rynsgulden goede oft de
weerde daer voir te betalene naer haerer beyder doot ende
hier voir hebben zy verbonden alle huer haeffelike goeden prelaet
de
futura. Behoudelyc de voirscreven Jan ende syn wyf de voirscreven scult
sullen mogen meerderen minderen veranderen ende te nyeuwe doen
alsoe dicke ende manieren als hem dat goetduncken ende
gelieven sal, sonder eenich wederseggen
XI January
. Anthonis de Provane, debet Jan de
Mol, Philips Kerman, ende Willem de Gorttere, als proviseurs
ende tot behoef vanden gasthuyse van Sinte Petere, bynnen
Mechelen, hondert acht pond groten Vlaems gelts Te
betalen tot Bamisse naestcomende
Aa, Berct
Wouter Boght van Hevere dat Joerdan de Lepelere
twee pond acht schellinge groten Brabants gelts
te betalene bynnen daer aent van men naestcomende
hiervoer verbindende alle sine haeffelike goede presenta et
futura.
XII January tempore simile
Bossche, Ghoeten, Anthonis de Provane, debet Jan Mol
Philips Kerman ende Willem de Gorttere als proviseur ende tot behoef
vanden gasthuyse van Sinte Peters, binnen Mechelen, hondert
acht pond groten Vlaems gelts Te betalen tot Bamisse
naestcomende, Ende daer voir heeft hy verbonden ende te panden
geset syn huys oft woeninghe metter plaetsen hove ende
met twee anderen huysen daer by staende ende oic metten
gronde ende met allen syn haere toebehoirten, soe voir, soe achter
dat wylen Symoen sCoemans toe plach te horen, gelegen inden
Ouden Bruel, tusschen den vlyet aldaer, aen deen zyde ende
wylen Mathys tSermartens huys, aen dander zyde, opte
weerde van drie scellinge groten Brabants gelts vuten voirscreven woeningen
met alle haer toebehoirte ende op twee gouden Rynsgulden
vuten voirscreven twee huyse jaerlicx voir vutgaende, Ende oic
goeden waer die bevonden zelen worden en
dair, alle dander syne haeffelike ende erffelike goeden
metten gronde, alle dander min erffelike goeden metten gronde
bynnen etcetera gelegen, die hy nu heeft ende namaels hebben ende
vercrigen sal
ut supra
Hamme, Mol, Gielis Rootman, Jan van Beerzele de voirene Jan vander
Spike de jonge ende Jan vanden Scrieke, dat vut sal Lodewycke
van Berlaer ende Laureysen vanden Leemputte tot behoef van jare
Hubrechten vander Leemputte vut saken vanden doot soeningen
vanden dootslage gedaen inden persoen van Willem Janne vanden
Leemputte de voirscreven Hubrechts vader by Janne Rootman des voirscreven
ort
Gielis soe hondert zoengulden, te wetene twintich heer
stuvers voir elken gulden gerekent Te betalene deen derdendeel
daeraf bynnen XVII weken naestcomende, Ende alsoe voirtaen
telken XVII weken alsdan deen meer dander ter stont vervolgen
scult
wordende, over alhier van hier voir hebben zy verbonden alle haer haeffelike ende
erffelike goeden presenta et futura et promisit al
XXI may tempore simile