Blader door transcripties » Stadsarchief Mechelen

archieftoegang 2, inventarisnummer 936, pagina 40

metten gronde, toebehoerende de weduen ende kynderen wylen Jan
Storme gelegen opten hoeck vander Tweede Vleeschouwstraten
tusschen de selve strate aen deen zyde ende Aerde van Beneden
erve aen dander zyde. A Domino Mechliniensi, Waranderende etcetera
Assignavit XLIIII Peters
Xa Janne hy
Peter Caluwaerten
Hamme, Mol. Jan vander Hoeven Jans sone vander Hoeven, hen woenende tonden
Vrouwen, heeft gelooft ongevrydt naer der divisen recht Te
geven ende te betalene, Peteren Caluwaerts, tot Sinxenen naestcomende
Twintich gouden Rynsgulden goede etcetera te wetene XL groten Vlaems
gelts voir elken gulden gerekent, sonder eenich wederseggen
X January tempore simile
Aert Wabbele
Aa, Mol. Rommond van Baerderen, Henrick van Erpe ende Dierick
Adriaens kercmeester ende inden name vander fabriken van
Sinte Rommonds kercken, hebben opgedragen tot behoef van
Aerden Wabbele een huyse metten hove gronde gelegen opte
hoeck vander Schoffortstraten tusschen de selve strate aen
deen zyde ende Wouter Smeets diemen heet vander Broecstrate
aen dander zyde, gelyc ende inder manieren meester Jan van
Janne alias van Vost rentmeester ende tot behoef vander selver
fabriken tanderen tyden voir achterstelligen chys die de
selve daer op heeft, wettelic vuytgewonnen ende verreyct
heeft. A Domino Mechliniensi, Waranderende julio die fabries cons predicto
omme al
XXIII January tempore simile
Aert vanden Vekene
Hanne Mol huyse van Ypere heeft vercocht Aerde vanden Vekene
wylen Gielis soone, Een huys metten hove gronde etcetera gelegen
inde Bruesselstrate, tusschen Peters vanden Rode erve, aen deen
zyde ende Meester Jans van Ballaer erve aen dander zyde. A Domino
Katlyne vanden Duffle, Waranderende. Op twee capuyne ende zesse ouden
groten Turnoyse daer vutgaende
XI January tempore simile
Willem vanden Hove
o Mechlinen. Lysbeth vanden Dycke met Lembrecht de Weendt
haeren man heeft vercocht Willeme vanden Hove, tvierendeel
van eenen huyse geheeten den Wollesack metten hove gronde
goet daeraf dander drie vierendeelen den selven Willeme
toebehoirende, gelegen opte Wollemerct tusschen der Bruescape erve
van Sinte Rommonds aen deen zyde ende Jans van Aelst erve aen
dander zyde. A Beato Rumoldo, Waranderende. Opte weerde van vyfthien scellinge
groten Brabants vuten geheelen huys jaerlicx gaende
Assignavit XIII Rinsgulden
ut supra
Henrick de Pape
Hamme, Mol, de voirscreven Willem heeft vercocht Henricken de Pape
twee chysgulden ende eenen halven erffelic chys Te heffene
altyt tot Kersmisse daeraf den yersten termyn van betalinge
syn sal tot Kersmisse naestcomende, Op des voirscreven Willeme
huys boven genoemt A Beato Rumoldo, Waranderende. Opte weerde
van twee pondt groten Brabants gelts vuten selven huyse
jaerlicx voir vutgaende
XIa January
Willem Melise ende
syn wyf
Aa, Mol. Willem Melys ende Losse Claes syn wyf Seggende
dat zy gheen wettige kynderen en hadden ende hebben daerom
voir ons gewilt ende openbaerlic geordineert dat de langhe
van hen beyden soe lange die leven sal, paysselic rustelic
ende vredelic sal gebruyken alle der haeffelike ende erffelike
goeden bynnen der stad ende vryheit van Mechelen wesende ende
gelegen die zy nu ter tyt hebben ende namaels hebben ende vercrigen
es metten selven haer goeden inder noot mogen disponeren
zelen, den wederseggen vanden erfgenamen vander yersten staven
van hen beyden, Ende oic den rechten loven ende gewoenten vander
selver stad hier inne ter contrarien onderhouden niet tegenstaende
Behoudelic dien dat alle de selve goeden bliven naer de doot
vanden voirscreven langhstlevende toecomen ende versterven zelen
haeren gerechten erfgenamen dien zy na den rechten vander voirscreven
stad sculdich zelen syn toe te comene ende te versterven, oft
den ghenen dien sy die goeden samentlic met testamente
oft anderssins geven ende maken zelen, welke ordinancie wy
ende oic diet bossche ghooten et Berct, onse medescepenen
by crachte vanden statute
Jan
Wouter van
Boxthuyne
Aa, Mol. Lysbeth van Haesdonck met Janne Dogge haeren
man heeft vercocht Wouteren van Boxthuyne, de helft van
eenen hove met eenen cleynen huyse daer op staende ende oic
metten gronde, daer af dander helft wylen Henricken van
Boxthuyne toe plach te hoiren, gelegen buyten de Coepoorte
opten Scheyselberch, tusschen Jan Kerstiaens erve aen deen
zyde ende Willem Peters de Mandekere erve aen dander zyde
A Magriete Egidius de Muysene, Waranderende. Op thien groten Brabants
groten daer vuten geheelen hove jaerlicx gaende
Assignavit X Peters
XXIII novembry