Blader door transcripties » Stadsarchief Mechelen

archieftoegang 2, inventarisnummer 936, pagina 37

vier jaeren tyt daer naer ter stont vervolgende
ende elken penning daeraf met twintich der gelike
penningen een met vollen chyse, daervoir te betalen
Ende oft de selve Jan, dat alsoe niet ende quete, soe sal
den voirscreven chys, erffelic ende eeuwelic opten voirscreven
selve bempt, sonder quyten, bliven staende
XVIIa january tempore simile
Wouter vander Beke
Hamme, Bossche
Jan van Blaesvelt ende Cornelis de Clerc van svaders
wegen ende Jan vanden Brande vander moeder wegen
als momboiren ende naeste vriende ende maghe van
gebruederen
Robbrecht ende Aert van Blaesvelt,^ wettege kinderen
van Jacoppe van Blaesvelt ende van wylen Katlinen vanden
sine wive infic 
bywesene
Brande, by consente ende consente van Reyneren de Haelt
ende
als commoingmeesters    oppemomboir van allen weesen
vanden Wouteren vander Beke een huys metten hove
gronde etcetera ende metten toegange van eene heymelicheyd
gelegen op Neckerspoele inde Rydderstraete tusschen
Henricx de Byn ende der voirscreven kinderen erve. A Domino Mechliniensi,
Waranderende. Op zessentwintich scellinge Lovens ende dertich
scellinge payments daer jaerlycx vutgaende
Assignavit IX Peters eens
Ut supra tempore simile
Peter Aelbrecht alias
van Ghele
Mol, Berct. Anthonis van Overreycke, heeft opgedragen ende
overgegeven, tot behoef van Peteren Aelbrechts alias van
Ghele, alle alsulke erffelike ende onberuerlike goeden
ende fadore, bynnen etcetera gelegen, die hem den selve
Anthonis byder doot van wylen Kathelinen van
Herent, synder nichten ende des voirscreven Peters wyf
doen sy leefde, in eeniger manieren toecomen ende
verstorven mogen syn. A Domino Mechliniensi, Waranderende etcetera. Ende
dair toe heeft de selve Anthonis, Quytgeschonden
los vry ende ledich den voirgenoemde Peteren van allen den
haeffeliken goeden die den voirgenoemde Anthonis, byder doot
vander selver wilen Kathelinen synder nichten, verstorven
syn ende allen anderen des quitancie behoeven geheelic ende
al
Assignavit VI Rinsgulden eens, voir al
XVIIa January
Hubrecht Nys
Mol, Berct. Peter Nys heeft quytgeschonden los vry
ende ledich, Hubrechten Nys synen vader van allen den
haeffeliken goeden, den die den selven Peteren byder doot
van wylen Kathelinen Scheerders synder moeder ende die
wyf was doen sy leefde des voirscreven Hubrechts syns vaders
in eeniger manieren verstorven mogen syn
XVIIa January tempore simile
Peter Nys
Item. De voirscreven Hubrecht dat den voirscreven Peteren sinen
sone, twee hondert gouden Peters vander munten etcetera gronde etcetera
te wetene XXXVI groten Vlaems gelts voir elken Peter gerekent
Te betalen deen helft tot Bamisse naestcomende ende
dander helft tot Sinte Jansmisse dair naer ter stont vervolgende
van obliget ora sua bona mobilia presenta et futura, Waranderende.
ut supra
Jan vander
Nuwermolen
Hamme, Berct. Margriete Walravens wylen Walraven
Walravens dochter met Henricken Goes Jans haren
man voir haer selven, Ende Willem vander Straten ende
Gheerd Walravens, als momboire ende inden name van
Kathelyne Walravens, wylen Peter Walravens dochter onder
haere jaeren etcetera wesende, die sy in hen vervingen, hebben vercocht
Janne vander Nuwermoelen alle der voirgenoemde Magrieten
ende Kathelinen Walravens recht ende deel, dwelc hy hadde
in alle de onberuerlike ende erffelike goeden metten gronde etcetera
bynnen ende buyte etcetera gelegen, die henlieden byder doot van
wylen Lysbetten Walravens, die der voirscreven Magrieten ende moeye
des voirscreven wylen Peter, den voirscreven Kathelinen oude moeye
ende des voirscreven Jans vander Nuwermoelen wyf was doen sy
leefde in eeniger manieren versterven ende toecomen moegen syn
A Domino Mechliniensi, Waranderende etcetera.
XVIIa january tempore simile
Henrick van
Fonteynen
Hamme, Bossche. Jan van Maeyegheem, natuerlic soon wylen
Philips van Maeyegheem, heeft opgedragen ende overgegeven tot
behoef van Henricke vander Fonteyne, de helft van achtien
gulden, te wetene veertich groten Brabants gelts voir elken van
dien gerekent lyfpensien, die hy syn leven lange geduerende
hadde, Op alle de erffelike goeden, metten gronde etcetera toebehoerende
jouffrou Lysbetten van Voesdonc, weduwe wylen Henric Keermans
als tot haren tocht ende Janne Kerman ende wylen jouffrou
Agneesen Keermans, tot haren kinderen, tot haer erffelicheyt by
der stad ende vryheyt van Mechelen gelegen. A Domino Mechliniensi, Waranderende.
XVIIIa January