Blader door transcripties » Stadsarchief Mechelen

archieftoegang 2, inventarisnummer 936, pagina 22

Anno LXXI
Diest, Bossche. Godevaert tSulle, Wilen Jans sone, der meester Hubrechten
Weelmans docteur in Loye, derthien ponde groten Vlaems gelts
Te betalene tot Sint Jansmisse naestcomende, Ende hier voir
heeft hy wonden alle syn recht ende deel, dwelc hy heeft
thuys geheeten Vlorencost op Neckerspoele
zeker bempde neven want gelegen dwelc hem toecomen
ende verstorven es byder doot van wylen Willeme tSulle sinen
oem, Ende voirtaen op alle dander syne haeffelike ende erffelicx
goeden presenta et futura infra ut
XXa octobry tempore simile
Diest, Bossche. Willem vander Loe den Thynderen daen tot behoef
van Kerstiaen de Rende, drienvyftich gouden Rinsgulden
te wetene XL groten Vlaems gelts voir elken Rinsgulden gerekent
Te betalene tot Sint Jansmisse naestcomende, hier voir heeft
hy verbonden alle sine haeffelike ende erffelicx goeden presenta et
futura infra
XXa octobry tempore simile
Diest, Berct. Bartelmeus van Hoevorst dat meester Hubrechten
Weelmans docteur in loye, drie pondt grote Brabants
gelts Te betalen tot half vastene naestcomende, Ende
hier voir sal heeft hy verbonden alle syne haeffelike ende
erffelicx goeden presenta et futura infra
VIIa novembris tempore simile
Bossche, Berct. Jan de Poirtere van Heyst, Peter Wouteren vanden
Eenhove tot behoef vanden goidshuyse van Sinte Machiele
tAntwerpen, zesthien pont vier scellingen ende zesse
penningen groten Brabants gelts Te betalene deen helft
tot Bamisse naestcomende ende dander helft te Kersmisse
dair naer volgende, sicut obliget ora sua mobilia presenta
futura.
Nota dat dese scult spruyt vut saken vanden houwe van
eenen bossche, te Heyst gelegen, gelyc de vorweerden daer
op gemaect dat claerlic vutwysene
XIIa novembry tempore simile
Jan vander Hoeven