Blader door transcripties » Stadsarchief Mechelen

archieftoegang 2, inventarisnummer 936, pagina 20

Mol, Ghooten. Katheline vander Moelene, heeft voir haeren vuterste
wille ende in simpelde aelmoessenen bekent sculdich
wesende, Annen vanden Voorde haerer natuerliker
dochter veertich gouden Rynsgulden goede et
valors Te betalene naer haer doot, Ende hier voir
heeft zy verbonden alle haere haeffelike goeden presenta et
futura, Ende behoudelic der voirscreven Kathelinen hier inne
haere volcomen macht om dese voerscult te meerderen te
minderen te veranderen ende nyeuwte te doene sonder
eenich wederseggen
XVIIIa novembry tempore simile
Pot Ret
Aa, Vossele. Wouter van Scelle ende Rommond ende Digne van
Scelle syn kynderen desen Jacop de Bock, veertich gouden Ryns
gulden goeder te wetene tweenveertich groten Vlaems gelts
voir elken de selve Rynsgulden gerekent Te betalen deen
helft daeraf tot Sinxenen ende dander helft tot Bamisse beyde
naestcomende, Ende hier voir hebben sy verbonden alle haer
haeffelike ende erffelike goeden presenta et futura.
XVI decembris
Lambrecht van Puersse ende Mertens van Puersse syn
sone, deent, Henricken de Kempenere woenende tot Laken, achthien
gouden Rynsgulden goede etcetera, te wetene XL groten Vlaems voir
elken Rynsgulden gerekent, Te betalene tot synder
manissen van obligh van sua bona mobilia et immobilia presenta et
futura infra etcetera
Diest, Bossche. Meester Marck Lossyen priester deken vander
Kerstenheyt van Bruessele, debet Henricke Bode, Peteren
Lent ende Janne Hoefman, hondert gouden Leeuwe, vanden
mette ende goedele, te wetene LXX LX groten Vlaems gelts
voir elken van dien gerekent, Te betalene binnen drie
jaeren tyts naestcomende, Ende daervoir heeft hy hen verbonden
ende te pande geset, ierst syn huyse metten gronde etcetera gelegen
opte Veemarct, tusschen Jan Mermans erve ende Peter Barbiers
erve. Item syn huys metten gronde, gelegen aldaer by Sinte
Peters kerchof, tusschen tselve ende Peters Van Puersse erve
Item een stuc lants, houdende omtrent een halff buender
gelegen tot Hevere, tusschen der heeren van Zellaere erve ende der kier erve
van Hevere, Ende syn XXII Rynsgulden lyfpensen, die hy syn leven lange
geduerende, heeft opt huys van Pytsenborch gestaen bynnen
Mechelen ende op desselfs huys goeden, Ende daertoe alle
meer
dander syne haeffelike ende erffelike goeden, die hy nu heeft
ende namaels hebben ende vercrigen sal, bynnen etcetera gelegen
XXVIIa novembris
de
Hanne, Diest. Henrick Boudens det Johannes de Bost thco tot behoef van
Janne Coolman alias int Paradys negen gouden Peters vander
dertich
munten etcetera te wetene achtenveertich groten Vlaems gelts voir
elken Peter gerekent Te betalene den eenen Peter daeraf
van Kersmisse naestcomende over een jaer daer naer volgende
Ende alsoe voirtaen alle Kersmisse alsdan deen naer dander
volgende eenen Peter Dover, Ende hier voir heeft hy
verbonden alle syne haeffelike goeden met condicie oft gebuerder
dat de selve Henric storve, eer de voirscreven scult volbetaelt
sal wesen, dat alsdan tgene des alnoch onbetaelt waere
geheelic ende al verschenen sal syn
hic est locum protocollen Jacob Bock aen
XVIIIa novembris positus
XXIX novembry tempore simile