Blader door transcripties » Stadsarchief Mechelen

archieftoegang 2, inventarisnummer 936, pagina 106

Margare
Jan Lambrecht van
Thienen
Dyest, Ghoeten. Margriete van Vleerackere wylen Jans dochter met
haere momboir, heeft Terve gegeven, Meester Lambrecht van Thienen
een der heeren van Zellaer in Sinte Rommonts kerken, Een huys metten
hove gronde etcetera dat Jacop Speelberch toe plach te hoiren, gelegen
inde Beghinenstrate tusschen Katheline vander Hage huys aen deen
zyde ende Lysbetten van Tricht huys aen dander zyde. A Domino
de Herlaer,st:t; Te besittene op eenen jairliken ende erffeliken
chys van Twee gouden Rynsgulden goede etcetera te wetene veertich
groten Vlaems gelts voir elken der selver Rynsgulden gerekent
Ende die te betalene, altyt tot twee terminen te wetene deen helft
daeraf tot Kersmisse ende dander helft tot Sint Jansmisse, daeraf den
yersten dach van betalinge syn sal tot Kersmisse naestcomende
Ende opten voirchys van anderhalven gel gouden Rynsgulden
vanden voirscreven pryse van drie chysgulden eenen oude groten
Turnoysen veertich scellinge Loevens ende twee capuynen ende
eenen halven vuten voirscreven huyse metten hove jaerlicx gaende
met alsulker condicien, dat de voirgenoemde Meester Lambrecht sal
moegen lossen ende quyte de voirscreven twee Rynsgulden des
voirscreven chys, tot elkest:t; twee male ende elken gulden de
af met zestien gelike gulden ende met vollen chyse
January tempore simile
Gheert vander
Spreet ende syn wyf
Diest, Bossche. Lysbeth vanden Vekene wylen Jans dochter vanden Vekene
met Janne Mast Plattynmakere haeren man, Ende Lijsbeth vanden
Vekene met Janne gemets haeren man, Ende oic Gheerdtruyd
cum tutore beyde
vanden Vekene waer Jans dochteren vanden Vekene, hebben
vercocht Gheerde vander Spreet tot synen Marien Fransoys syns
wyfs behoef, Een huys metten hove gronde etcetera dat de voirscreven
wylen Janne vanden Vekene der voirscreven yerster Lysbetten vader
ende der voirscreven zusteren vanden Vekene ouder vader toe plach te hoiren
gelegen byden Pennepoel, byde plaetse geheeten overheyde
tusschen de strate aldaer aen deen zyde ende Gheerdt de Vyde
erve aen dander zyde. A Domino Goder Vylain milite, Waranderende. Op
vyf pondt vier scellinge payments daer vutgaende
Assignavit XII Peters
Juny tempore simile
Hubrecht vander Beke heeft vercocht Claese de Vos ende Margriete
Gelots synen wive vier Rynsgulden goeden te wetene XL groten
Vlaems gelts voir elken der selve Rynsgulden gerekent erffelic chys
Te heffene deen helft daeraf tot Kersmisse ende dander helft tot
Sint Jansmisse, Op des voirscreven Hubrecht huys metten hove plaetse
gronde etcetera gelegen opte Merct van Mechelen, tusschen thuys de
Craen geheeten toebehoirende der weduen ende kynderen van wylen
Henricken van Oprode, aen deen zyde ende Lysbetten van
afbroeck huys aen dander zyde. A Domino Mechliniensi, Waranderende. Op negen ende
Sesse scellinge Lovens daer voir vutgaende
wedue Joes
sone
Hamme, Berct. Jan Libbens ende Margriete Lobbens syn zuster hebben
Wouteren Noot tot behouf
quytgeschonden los vry ende ledich Kerstinen Nachtegaels weduwe
wylen Joes Libbens haerlieder moeder van allen alsulkenst:t; haeffelike
goeden d henlieden byder doot vanden voirscreven wylen Joese
haeren vader ende die man was doen hy leefde vander voirscreven weduen
in eeniger manieren verstorven mogen syn
VII Juny
Vrancx Wabbels
op et suo loco
Hamme, Berct. Jan vander Straten heeft vercocht Vrancken Wabbels
Een huys metten hove gronde gelegen te Neckerspoele ende
Vriesestrate tusschen Henricx Camaerts erve aen deen zyde
ende Henricx Smets erve, aen dander zyde. A Domino Mechliniensi, Waranderende. Op Seven
scellinge Lovens daer vutgaende
Assignavit XI Peters
XXVIII Juny
Adriaen Persoons ende
syn wyf
Dyest, Ghoeten. Rommond vander Berct, Anthonis Boom ende Jacopst:t;
vander Berct als momboiren ende inden name van Janne vander Byest
wylen Jacops vander Byest wettich soon, onder syne jaeren etcetera wesen
die sy ende oic Machiel Syswyn ende Barble van Post syn wyf ende des
voirscreven Jans vander Byest moeder in hen vervangen hebben, hebben
quytgesconden los vry ende ledich, Adrianen Persoons ende Margrieten
sommen van
van Campenhout synen wive van allen den haeffelike goeden die penningen
den voirscreven Janne vander Byest, byder doot van wylen Kathelinen
vander Berct weduen van wylen Henricken van Campenhout
synder goeyvrouwen in eeniger manieren verstorven moegen syn
ende die de selve Janne vander Byest, byder selver wedue
met haeren testamente gemaect ende gelaten syn ende alle ander
dies quitancie behoeven geheelic ende al voirgaen heeft de voirscreven
Anthonis geconfirmeert ende gheapprobeert alsulken opdracht
veerthien
ende overgeven als de voirscreven Rommond vander Berct, Jacop vanden
syne mede
Berct ende oic de voirscreven Machiel, als momboire ende inde name
ende van wegen de voirscreven Jans vander Be Byest, opten zessen
suo
dach van deser tegewordiger maend van meyest:t; in lestleden
in synder absencien gedaen hebben, voir dessel ende scepen
van Duffle den voirnoemde Adriaen Persoons ende synen wive van
alle den rechte ende deel dwelc de voirscreven Jan vander Byest hadde
oft hebben mochte in een bloc houden twee buenderen met sinen
toebehoirten, tot Duffle gelegen, gelyc der d selver scepenen brief
van Duffle, daerop gemaect, al dat claerlic vutwyst ende begrypt
Ende heeft daertoe de voirscreven Anthonis gelooft, die opdracht
overgeven veerthyen ende de goedinge dairaff den voirscreven Adriaen
ende synen wive geschiet, ten eeuwigen daigen vast ende onverbrekelic
te houden ende daer tegen nemmermeer te doen oft te seggen in
gheender manieren
VI Juny tempore simile