Blader door transcripties » Stadsarchief Mechelen

archieftoegang 2, inventarisnummer 936, pagina 102

Item een pondt groten daer af tot Sint Jansmisse daer naer volgende
Ende alsoe voirtaen telken Sint Jansmisse alsdan deen naer dander
volgende een pond groten daer af tot dat de voirscreven scult geheele
ende al betaelt sal wesen, Ende hier voir heeft hy verbonden alle
syne haeffelike ende erffelicke goeden presenta et futura futura infra etcetera
XXII may
Jan Bogaert et uxore
Hamme, Mol. Rommond Bernaerts diemen heet Int Vliegelken heeft by
Janne Bogaert ende Lysbetten vanden Campe synen wive, Een hy
met eender cleynder plaetsen gronde etcetera gelegen inde Zween
ende streckende inde Derde Vleeschouwerstrate tusschen des
voirscreven Rommond ende huys aen deen zyde ende den vliet
wel
alsoe verre als achter aen dander zyde. A Domino Mechliniensi, Waranderende. Op
negentwintich scellinge Lovens ende Seven gouden Peter
vander munten goede etcetera te wetene XVIII stuvers voir elken
Peter gerekent daer vutgaende
Assignavit
octobry tempore simile
Marie Ghysels ende
Katheline vander Roven
Mol, Ghoeten. Everaert vanden Wyere ende Lysbeth Bogaerts syn
wyff hebben vercocht Marien Ghysels Jans van Postelle wyf tot
haeren lyve ende tot behoef ende ten live van Kathelinen vander Roven
Gielis dochter vander Roven ende tot des langhstlevenden live
vander selver Marien ende Kathelinen, Twee gouden Peters vanden
munten etcetera goede etcetera te wetene zessendertich groten Vlaems gelts
voir elken der selver Peters gerekent, jaerlike lyfpensien, Te
heffene altyt tot twee terminen, Te wetene deen helft daeraf opten
vyfthienden dach van Augusto ende dander helft opten vyftiende
dach van februario, Op des voirscreven Everaerds ende syns wyfs
drie gouden Peters vander voirscreven p munten ende pryse in
erffelike renten, die sy hebben Op een huys metten hove gronde etcetera
toehoirende Denys Sanders, Gielis ander soon, gelegen over de
Veemarct inde Keyserstrate tusschen wylen Jans van Boesschot
kynderen erve aen deen zyde ende Jans van Altere erve aen dander
zijde. A Domino Mechliniensi, Waranderende. Op thien scellinge ende sesse penninge groten Brabants
gelts vuten voirscreven huyse metten hove jaerlicx voir vutgaende
Domica Maria levabit et inde disponet
XXII may tempore simile
Jan Sol
Dyest, Bossche. Bartelmeus van Wyssenaken, heeft opgedragen ende
overgegeven, tot behoef van Janne Sol, de helft van eenen huyse, den
Roeden Haen geheeten, metten hove ende met eenen anderen huyse daer
achter staende ende oic metten gronde, dat eenen Peters toe plach
te hoiren, gelegen inde Befferstrate tusschen thuys den Coelant
geheeten, toehoerende Henricke Mathys aen deen zyde ende wylen
Bouwens van Berlaer huys aen dander zyde, streckende achterweert
metten voirscreven anderen huyse tot int ende van eenen cleynen straetken
aldaer ende metten voirscreven hove tot int Berckelenstraetken van welke
huyse met allest:t; den Roeden Haen geheeten met synen voirscreven
toebehoirten, dander helft, den voirscreven Janne Sol toebehoirt
A Domino Mechliniensi, de Waranderende. Op drie pond eenen scellinge ende sesse penninge groten
Brabants vuten voirscreven geheelen huyse jaerlicx gaende
XXIIII may
Jan Wouters
ende syn wyf
Dyest, Berct. Peter Croke ende Yde vander Beke syn wyf, hebben
vercocht Janne Wouters ende Barblen vanden Dale, synen wive
Een huys metten hove gronde etcetera gelegen tot Battele inde
Heysbroecstrate, tusschen Machiele vanden Bossche erve aen
deen zyde ende Machiel Stevens erve aen dander zyde. A Domino Mechliniensi,
Waranderende op vier veertelen Rogs goede etcetera Mechelschenst:t; dien
jaerlicx vutgaende
Assignavit XXX Peters
XXII may tempore simile
Lysbeth van
Dyepenbeke
Item de voirgenoemde Jan Wouters ende Barble syn wyf hebben
vercocht Janne Oelslaghen tot behoef ende ten live van Lysbetten
van Dyepenbeke, Jans van Dyepenbeke dochter, Eenen
gouden Peter vander munte etcetera goede, te wetene XXXVI groten Vlaems
gelts voir dien gerekent jaerlike lyfpensien, Te heffene altytst:t;
alle jaere opten drientwintichsten dach van meye
Op ende aen des voirgenoemde Jan Wouters ende syns wyfs huys
metten hove voire genoemt. A Domino Mechliniensi, Waranderende opten pacht
als voir daervoir vutgaende, Cale ende Johannes levabit
et inde disponet
supra tempore simile
Gielis Peters
Willem
Aa, Diest. Joes van Schoeten, Katheline van Schoeten syn zuster met
eenen momboir, Ende Margriete van Schoeten met Janne Sanders
haeren man hebben vercocht Gielisen Peters, Een huys metten
dander
schueren hove lange gronde etcetera houdende tsamen omtrent drie
vierendeel, gelegen te Hombeke by dervelt, tusschen wylen
Lodewycx vanden Vekene erve, dat nu toebehoirt, Andriese
Hannemans aen deen zyde ende wylen Lodewycx Vlemincx erve
Jan
dat nu toebehoirt Gheerde vander Aa, aen dander zyde. A Domino Mechliniensi,
Waranderende. Op vier veertelen Rogs twee capuynen ende viventwintich
scellinge payments daer vutgaende
Assignavit XLVIII Peters
XXV may tempore simile
Peter Melys ende
syn wyf
Aa, Diest. De voirscreven Gielis Peters heeft vercocht Peteren Melys
ende Margrieten Peters synen wive, een stuck lants metten
gronde houdende omtrent anderhalf vierendeel gelegen te
Hombeke byde Zypstrate tusschen des voirscreven Peters erve
aen deen zyde ende Peters van Schoeten erve, aen dander
zijde. A Domino Mechliniensi, Waranderende. Sonder eenigen last van chyse daer
vutgaende
Assignavit XXX Peters
ut supra