Blader door transcripties » Stadsarchief Mechelen

archieftoegang 2, inventarisnummer 936, pagina 100

Item in een huys metten hove ende lande, houdende tsamen
int geheele omtrent drie vierendeel, gelegen buyten
der Oeversterpoirte inde strate, daermen gaet tot Hombeke
waert, tusschen des gasthuys erve van Onser Vrouwe
aen deen zyde ende Jans van Os erve aen dander zyde
Item in een stuc bempt, houdende oic int geheele omtrent
anderhalff buender, gelegen aldaer, by Verbroeck, tusschen
Jan Rabboots bempt aen deen zyde ende de voirscreven gasthuys
bempt aen dander zyde, Ende in een stuck lants
houdende omtrent twee buenderen, gelegen aldaer, naest
den selven stuc bempt, tusschen den selve aen deen zyde
des voirscreven Jan Rabboots bempt aen dander zyde ende
de voirscreven gasthuys bempt aende derde zyde. A Domino Mechliniensi,
Waranderende etcetera
XIII may tempore simile
Henric de Groote alias
van Henegouwe
v
Dyest, Berct. Jouffrou Katheline vander Straten vrouwe
des gasthuys van Onser Liever Vrouwen inde name
ende Gheerd vander Aa proviseur vanden selven gasthuyse
inde name desselfs hebben et pre, hebben vercocht
Henricken de Gaste, diemen heet van Henegouwe
Acht gouden Peters vander munten ter goede te
wetene achtien stuvers voir elken van dien gerekent
erffelicx chys, die tvoirscreven gasthuys hadde Op een
huys metten hove gronde etcetera, den voirscreven Henricken
toebehoerende gelegen in Onser Vrouwen strate tusschen
Thuys den Wytten Drake geheeten aen toehoerende
Philips vanden Bossche aen deen zyde ende wylen
Jacops de Clerck erve aen dander zyde. A Domino Mechliniensi, Waranderende.
Op
Assignavit den XXVI denier
XIIII may tempore simile
Anthonis Boom
Aa, Dyest.
Item Seger vanden Brande, heeft vercocht Anthonis Boom
Een huys metten hove gronde etcetera dat van een des
voirscreven Seghere anderen huyse metten hove, gescheyden ende
gedeylt is, gelegen inde Steenstrate, tusschen desselfs
Segere ander huys voirscreven aen deen zyde ende Henricx
Booms erve aen dander zyde. A Domino Mechliniensi, Waranderende. Op drie
chysgulden, Joes onsaert jaerlicx te betalen ende opte
jouffrou
weerde van de scellinge groten Brabants gelts, dair jaerlicx
vutgaende, voertaen hebben de voirscreven teghen ende
met hem Joes van Schoeten, dairom oic voir ons gecomen
gelooft ende elc van hen besunder ende voir al, oft gebuerde
dat den voirscreven Anthonis oft synen voirscreven huyse metten hove
dat mede verbonden staet inde scult van twintich Peters
die de voirscreven teghen, tanderen tyden, Henricke vanden Brande
gel syns brueder sone gelooft heeft tot synder manisse te betalen
in toecomenden tyden, eenigen stoot byder oft achterdeel van
dier scult quame, dat in dien gevallen sy dat den voirscreven he Anthonis
hic habet locum quitancie
Johannes haer posite
quit int
Drie
dueghdelic oprichten ende betalen ende restitueren zelen
Ende daervoir hebben sy verbonden ende te pande geset, alle
haere haeffelike ende erffelike goeden, bynnen etcetera wesenst:t;
gelegen, die sy nu hebben ende namaels hebben ende vercrigen
zelen, Ende sunderlinge de voirscreven Joes syn derdedeel van
eenen huyse metten hove gronde etcetera dwelc hem byder doot
van wylen Janne van Schoeten synen vader verstorven in
gelegen tot Hombeke, tusschen Loyc vanden Vekene erve aen
deen zyde ende der weduen van Schoeten erve aen dander
zijde. A Domino Mechliniensi, Waranderende etcetera int paysset alle
XIIII may tempore simile
de stad van Meche
Samme, Bossche. Jan vander Moelen voir hen selven voir deen vierendeel ende
Henric vander Molen syn brueder, oic inden name van hem selven ende
oic inden name van Wouteren vander Molen synen brueder absent ende
buyten lants wesende die hy in hem verving voir de twee vierendeele
oic voir haer selven
ende Katheline vander Molen haer zuster, cum tutore voir tvierde
vierendeel vanden huyse hierna bescreven, hebben vercocht Lodewycken
van Heyst rentmeester ende tot behoef vander stad van Mechelen
Een huys metten hove gronde gelegen inden Stompaerts hoeck
Sinte Jans prochie tusschen der vesten van Mechelen aen
deen zyde ende wylen Gielis Paridaens kynderen erve aen
dander zyde. A Domino Mechliniensi, Waranderende. Op drie pondt payments daer
vutgaende, Ende voirtaen soe heeft de voirscreven Henric vander
Molen, den voirscreven rentmeester toegeseet ende gelooft, dat hy
den voirscreven Wouteren synen brueder alsulc ende in dien hebben sal
dat hy tusschen dit ende Bamisse naestcomende alhier comen sal
ende aldaer beren confirmeeren ende van weerden we houden
den voirscreven vercoop veertienisse ende al tgene des hierinne van
synen wegen gedaen ende der voirscreven stad tegen den selven
he Wouteren costeloes ende scadeloos ontslaen, sonder eenich wederseggen
Ende om der meerder zekerheit de selver stad hieraf te doene
soe heeft de voirscreven Henric daer voir verbonden ende te panden
geset syn huys metten hove gronde gelegen oic aldaer opten
hoeck vanden voirscreven Stompaerts Hoeke tusschen den selver
Stompaerts hoeck aen deen zyde ende Henric Fierens erve
aen dander zyde. A Domino Mechliniensi,
XXI may
Gielis Vrancx
Hamme, Diest. Jan van st:t; Vorspoele bossate van Willem, heeft gelooft
ongevrydt naer de divisen recht Te gevene ende te betalen
Gielisen Vrancx oft den bringer des briefs, tot Bomisse naestcomende
sessendertich gouden Rynsgulden goeden te wetene veertich groten
Vlaems gelts voir elken der selver Rynsgulden gerekent, soude
eenich wederseggen, Ende hier voir heeft hy verbonden alle syne haeffelike
goeden presenta et futura infra etcetera utura
ut supra