Blader door transcripties » Stadsarchief Mechelen

archieftoegang 2, inventarisnummer 935, pagina 9

Hubrecht Back, heeft terve gegeven Janne
de Snyder, de helft van eenen huyse metten gronde etcetera
gelegen in Onser Vrouwen strate tusschen Claes Ammans huys
aen deen zyde ende Jans van Halen erve aen diemen heet
Joos aen dander zyde. A Domino Mechliniensi. Te besittene op twee gouden Peters
ende eenen halven te heffene altyt
Ende opten voirchys
Dierick Adriaens
Hamme, Dorpe, Heer Jan Roebosch priester heeft vercocht
Diericken Adriaens, tot synen ende Kathelinen Meynaerts
alias van Tylborch syns wyfs behouff, tvyfstedeel ende alle
recht dat hy hadde inde helft vanden erffeliken
goeden ende onberuerliken goeden metten gronde etcetera
hier naer bescreven inden yersten inde bempde geheeten
de Beken, met eenen stucxken bosch houdende
tsamen, seven vierendeel tot Leest gelegen aen
beyde zyden vander beken aldair aen Rennecoutere
tusschen tselve Rennecoute ende Vrancx van Halen
Bastaerts goeden. Item van een stuck wynnents lants
geheeten Battele velt, houdende tsamen omtrent
tween buender ende een vierendeel gelegen aldaer tusschen
Tuytensvelt aen deen zyde ende des voirscreven Vrancx
van Halen landt aen dander zyde. Item van eenen stuck
winnents lants geheeten Vrancx bloken, houdende tsamen
omtrent anderhalff buender gelegen aldaer tusschen
des voirscreven Vranck lant ende wylen Jans van Walle lant
streckende metten eenen eynde tot aenden Berkenbosch
den voirscreven Diericken ^ toebehoerende. Item van een cleynen
een sinen wive
stucxken lants aldair neven aende Hoot gelegen
Item van eenen stucxken bempts gelegen aldaer
byde voirscreven beken, tusschen Gheerts vander Aa beke
drie
Henricx Rogiers lant ende
metten anderen eynde
dien deselve byder
doot van wylen Symon
de Lathouwers haeren
oem verstorven waer
s
aen beyde zyden. Item vyf Sinte geheeten
den goetst:t; Torrepoel metten bosschen wynende
lande ende eenen stuck lants geheeten Carlenblocx
ende allen anderen synen toebehoirten, houdende
tsamen omtrent acht buenderen, gelegen aldaer
deen neven dander tot eenen stucke tusschen
des voirscreven Vrancx van Halen erve ende der kynderen
vander Hoeven lant streckende metten eenen ende tot
tot aende thienschuerstrate aldaer. Item van eenen stucxken
lants aldaer opt Hertsvelt gelegen, Ende alsulker recht
als hy hadde in een stucxken bempts in Rogbrouck
gelegen, wel vyfstedeel de voirscreven goeden de voirscreven
heer Jan onlancx geleden negens Magrieten sLathouds
gecregen heeft. A Domino Mechliniensi, Waranderende. Opte weerde van
tweentwintich scellinge groten Brabants ende eenen
scellinge ende zesse penninge payments vuter voirscreven helft der
voirscreven goeden jaerlicx gaende, Ende om der meer
zekerheyt den voirscreven Diericken ende synen wive vanden
gelosten der voirscreven waerscapen te doene Soe heeft de
voirscreven heer Jan Robosch, den selven Diericken tot synen
ende zyn voirscreven wyfs behoeff verbonden ende tonderpande
geset zyn huys metten hove gronde etcetera gelegen
inde Lachelstratkens int Lachelstraetken, tusschen
der weduen wylen Aert Robbyns erve ende de Schole
aldair. A Domino Mechliniensi. Opte weerde van XVI scellinge groten
van gelts dair vutgaende
Xa may
Heer vanden Caert
prima
Kerman, Duffle. Jan Witte broot heeft vercocht heer Boudene trepe priester
anderhalven chysgulden erffelic chys, Te heffene altyt opten
yersten dach van meye, op des voirscreven Jans stuc lants
metten gronde houdende omtrent een vierendeel, gelegen
buyten der Oversterpoorten, tusschen Gielis int Zweert erve
aen deen zyde ende Rommonds de Beckere erve aen dander zyde
A Domino Mechliniensi, Waranderende. Op twee chysgulden daer voir vutgaende, met
conditie dat de voirscreven Jan oft syne nacomelingen den voirscreven
anderhalven gulden des voirscreven chys sal mogen quyten altyt
als hem dat gelieven sal, te wetene elken gulden dair
af met zestiene der geliker gulden den voirscreven heer Boudene
oft synen nacomelingen eens met vollen chyse dair voir
te betalene
Assignavit den XXVI denier
XVa may