Blader door transcripties » Stadsarchief Mechelen

archieftoegang 2, inventarisnummer 935, pagina 86

Anthonis Caluwaert
Veerdegeem, Dyest, Peter de Coninck alias vange ende Franse Briesen
woenende tot Reeth hebben gelooft ende elc van hen besunde
ende voir al ongevrydt naer der divisen recht Anthonisen
Caluwaert te ghevene ende te betalen bynnen veerthien dage
naer singenen naestcomende, Eenenvyftich gouden Ryns
gulden goede ende gerechte te wetene veertich groten Vlaems
gelts voir elken der selver Rynsgulden gerekent sonder
wederseggen
VII decembry tempore simile
Johannes Putteman
Baerdegeem, Bossche, Thomaes vander Elst heeft vercocht Janne
Putteman wylen Janssone van Heffene, Een veertel ende de tweedeel
van eenen muddest:t; moeken rogs goede etcetera Mechelscher maten
erfpacht, die hy hadde op een huys metten hove lande gronde
ende syne toebehoirten toehoirende Janne Storm gelegen tot Muysene
aende Venne tusschen een ander huys de selve Janne Storm toehoerende
aen deen zyde ende de gestrate aldaer, aen dander zyde. A Domino Mechliniensi, Waranderende.
ut supra tempore simile
is Ymbrechts
syn wyf
Item Henrick Bruegelman ende Barble Bogaert woende tot Calffoirt
onder Puersse, hebben gelooft ongevrydt na der divisen recht
te geven ende te betalen, Rommond Ymbrecht veerthien
gouden Peters vander munte etcetera goede etcetera te wetene XXXVI groten
Vlaems gelts voir elken derselve Peters gerekent, totten termynen hier
naer volgende, te wetene deen derdendeel daeraf tot Paesschen
naestcomende, dander derdendeel daeraf tot Sinte Jansmisse daerna
volgende ende tderde derdedeel, tot Bamisse daer naer terstont
vervolgende, ende welke gelooft alsoe tonderhouden ende om
meerder zekerheyt wille, den voirscreven Rommonde daeraf te doene
soe hebben de voirscreven Henrick Brueselman ende syn wyf, den selve
haer
Rommonde verbonden ende te pande geset synst:t; scip oft schuyse met
alle synde toebehoirten, dwelck sy gewilt ende geconsenteert
hebben, byden voirscreven Rommonde, in alle havene ende wateren
oft noot
aenveerdt te worden, om daeraen syn voirscreven scult te verhalen
ende te gecrigen, Behoudelic oic dien oft de voirscreven Henrick
ende syn wyf, eenich vanden voirscreven termynen liete overgaen betaelt
dat alsdan de voirscreven geheel scult gevallen ende verschenen sal wesen
ut supra
Dale
Ridders vanden
Voesdonc, Mol. Lysbeth Ottemans wedue van wylen Gielis van
Hamme, heeft getransporteert tot behoef van Rommond vanden
daer alsulke scult van Seven gouden Rynsgulden goeden
etcetera te wetene XL groten Vlaems voir elken van dien ende van
acht groten ende eenen halven Brabants gelts als jouffrou Alyt
haer van wive sculdich ende tachter in hueren
ac volens ut in forma
ut supra tempore simile
Jo vanden Bloke
Woelputte
Baerdege, Bossche, Jehanne vanden Woelputtest:t; weduwe wylen Jans de
Costere cum tutore heeft vercocht Janne vanden Bloke wylen Laureys
sone een huys metten hove gronde etcetera gelegen buyten
de Kerchofpoorte opten hoeck vanden Scheyselberge, tusschen
der weduen ende kynderen wylen Gheerds vander Straten erve
aen deen zyde ende Jans Wittebroecs erve aen dander zyde. A Domino Mechliniensi, Waranderende.
opte helft van vyf scellinge twee ende eenen halven
ende van
penning groten Brabants daer vutgaende sesse scellingen
Lovens ende twaelff scellinge payments daer vutgaende
Ende oic op alsulken last dat tselve huys metten hove
onderpant es ende bliven sal voir dander helft desselfs
chys gaende jaerlicx vuten voirscreven huyse de voirscreven weduen
ende haeren kynderen toebehoirende, saligaende, sal die
Jehanne oft inde ende cum tutore
Assignavit IIII Peters
XI decembris
Jan de Vos
Bege, Diest. Peter vander Varent wylen Jans sone, heeft
vercocht Janne de Vos, te vyf chysgulden erffelicx chys
Te heffene altyt tot Sinte Martensmisse daer af den yersten
termyn van betalingen syn sal tot Sinte Martensmisse naestcomende
Op ende aen des voirscreven Peters zesse huysen metten hove
gronde gelegen by Onser Vrouwen kerchof in een
straetken dat cont vanden selven kerchove tot inde
Nieuwstrate tusschen de Cluyse aen deen zyde ende
de voirscreven Nuwstrate aen dander zyde, gelyc ende inder
maniere de selve Peter de voirscreven huysen met haeren toebehoirten
aldair opten dach van heden besittende is. A Johannes de
Oeyenbrugge, Waranderende. Opte weerde van twee goudenst:t;
Rynsgulden thien scellinge groten Brabants daer voir
vutgaende
Assignavit den denier
decembry tempore simile
Mensa Johan Byest
priester
Mol, Duffle. Heer Bouden Creyt vendidit Meester Janne Byest
Eenen gouden Rynsgulden goede etcetera te wetene veertich
van vier gelike vanst:t; gouden Rynsgulden
groten Vlaems voir dien gerekent erffelicx chys die hy
erffelic
chys die
des voerscreven Meester Jans heeft
hij heeft
hadde op een wyngaert met eenen hove ende oic
met eenen duyfhuyse daer op staende es oic metten
gronde etcetera gelegen buyten der Coepoirten, byden
Quaden kerchof inde Scytstrate ende opten hoeck vanden
straten aldaer men gaet ten Bruynen Cruyce weert
tusschen de selve strate aen deen zyde, Claes de Vos
erve aen dander zyde ende der infirmeren erve vanden crancke
beghynen bynnen den beghynhove van deser stad aende derde zyde
A Domino Mechliniensi. Ende op syn huys metten hove gronde etcetera gelegen
inde Blockstrate byde kerchofpoorte in Sinte Jans prochie
tusschen der weduwe huys van wylen Janne van Vesschelle alias
de Wechtere aen deen zyde ende een huys dat Marien vanden
Roost toe plachter es dat nu den goidshuyse van
Onse Lieven bruederen toebehoirt aen dander zyde. A
ven
Egidio de Muysene, Waranderende etcetera
XII decembris