Blader door transcripties » Stadsarchief Mechelen

archieftoegang 2, inventarisnummer 935, pagina 69

Johanne de Houthem
Mol, Bossche. Margriete Yngelrams wedue wylen Jan Abyoes met
eenen momboir haer metten rechte verleent heeft opgedragen
haer tocht die sy hadde in tderdendeel vanden erffeliken goeden
metten gronde hiernan gescreven ander yersten van eenen stuck
lants houdende int geheele omtrent een half buender, gelegen
tot Hevere opte Zelle, tusschen der heeren van Zellaene ende des
voirscreven Jans van Houte erve, Item vanst:t; Item van eenen stuck
lants houdende int geheele omtrent een vierendeel gelegen
aldair opte voirscreven Helle, tusschen t Jan Mols erve aen deen
zyde ende Peter Caluwaerts erve. Item van eenen stuck
lants houdende omtrent anderhalf vierendeel int geheel geheeten
den Blasschaert gelegen te Hevere op Hevervelt tusschen dlant
den Pollepel geheeten, dat wylen heer Rommond vanden Putten
toebehoirde ende den wech de he Lindat geheeten. Item van
eenen stuck lants houdende omtrent een vierendeel gelegen
aldair neven den Torfwech, tusschen den selven ende Peter
vanden Rode erve. Item van eenen stuck lants houdende een
vierendeel gelegen aldaer opte Baerle, tusschen des voirscreven Jan Mols
erve ende der capittulen van Sinte Rommonts erve. Item van
eenen stuck lants houdende omtrent een vierendeel gelegen
aldair opte voirscreven Baerle, tusschen der cueren erve van Hever
ende der kynderen van wylen Aerde van Lent, Ende van eenen
stuck lants houdende omtrent een vierendeel een half vierendeel
gelegen tot Hevere byde Nuwelande, tusschen de waterleede
ende Henricx van Eygen, A Domino Mechliniensi, Juravit tot behoef van bruederen
Willem Rommonden, Margrieten Barblen ende Kathelinen
Sst:t; Loys haeren kynderen, tot wyens behoef de momboiren
hier naer bescreven werden dairinne gegoedt, Ende daer
naer Soe hebben brueder Jan Nots prior des voirscreven goidshuys
vanden Augustinen, inden name vanden selven bruederen Willem
Abjoys, Aerdt Mathys, Jacop Zelle van svaders wegen, Cornelis
Yngelram ende Willem Yngelram vander moeder wegen
als momboeren ende inden name vanden selven Rommond
Margrieten, Barblen ende Kathelinen Abyons, onder haere
van discretien wesende, die sy in hen vervingen, hebben
vercocht Janne van Houtst:t; Houthem, tvoerscreven derdendeel
vanden erffeliken goeden boven gescreven daer af dander
twee derdendeelen den selven Janne van Houthem
toebehoiren, Waranderende. Opte weerde van vyf groten Brants gelts
van geheelen goeden jaerlicx gaende
Willeme Abyons
present goidshuys
vanden augustinen
ende van
assigna
XX octobry tempore simile
Martens de
Ryemen
Baerdege, Bossche. Peter van Yssche heeft vercocht Merten van Riemen
tot behoef van Jacoppen van Riemen synen sone die hy van wylen
Lysbetten Marty synen jersten wive heeft, Eenen gouden
Peter vander munten etcetera te wetene zessendertich groten Vlaems voir
dien Peter gerekent erffelicx chys Te heffene altyt tot Kersmisse
daer af den yersten termyn van betalingen syn sal van Kersmisse
over een jair dair naer volgende, Op des voirscreven Peters huys
metten gronde etcetera gelegen in Sinte Kathelinenstrate tusschen
Henricx Huyghs erve ende der weduen ende kynderen wylen Jans
vander Berct erve. A Beato Rumoldo, Waranderende. Op anderhalven geliken
Peter ende de weerde van vyf scellinge groten Brabants gelts
daer voir vutgaende
Assignavit den XXVI denier
XX octobry tempore simile
Idem
Schael vander
Beke
Reerdegeem, Mol. Jan Peters woenende ter Boenhouden, heeft opgedragen
tot behoef van Machielen vander Beke, drie huysen metten
hove gronde gelegen op Neckerspoele opten Pleyn tusschen
Henric van Waes erve ende Wouters de Bruyne erve. A Domino Mechliniensi,
Waranderende etcetera
Nova assisia Cornelis de Boxhem
XXII octobris
Philips Francois
vierdege, Bossche, Claes Deelmans inden name van Lysbetten van
Blaesberghe, synder hy synen wive absent ende goet gaende, met
kynderen die hy byin hem vervingh, hebbende oic volcomen macht
vanden selven syne wive om te doene tgene dat hier na bescreven
staet, gelyc dat by eenen oepenen brieve daerop gemaect ende bezegelt
met des persoons van Pauwels zegel claerlic bleke, heeft opgedragen
ende overgegeven, tot behoef van Janne Francois alle de erffelike
goeden binnen etcetera gelegen, die de voirscreven Lysbetten, byder doot
van wylen Kathelinen van Blaesberge, harer moeyen ende desselfs
Jans wive in eeniger manieren verstorven moegen syn, Endest:t; A Domino Mechliniensi,
Waranderen etcetera voertaen soe heeft de voirscreven Claes inde name vander
voirscreven Lysbetten synen wive, die hy oic in hen vervinghe, quytgesconden
los vry ende ledich, den voirscreven Janne Francois van allen den
haeffelike goeden, die de selve Lysbetten byder doot vanden voirscreven
wylen Katlyne haerer moeyen, oic gebleven ende verstorven syn
moegen sta, Ende heeft daer toe gelooft, den voirscreven synen wive
alsulc ende in dien te hebben, alsoe gecrygen, als van haere voirscreven
met heer
kynder gelegen sal syn, dat sy ten coste des voirscreven Jans Francois
alhier comen sal ende confirmeren approberen ende van weerde houden
gele
al tgene dat de voirscreven haer man voir gedaen heeft ende voertaen
daer inne doen te besorghenisse des voirscreven Jans daer toe dienen
ende behoeren sal, sonder argelist
ut supra
Johanne de Coelen
et
Bossche. Rommont Smet vendidit Janne van Coelen, een huys
metten hove gronde etcetera gelegen inde Cattestrate tusschen
Jacops Bruynincx erve ende Laureys Smets erve. A Domino Mechliniensi, Waranderende.
op twee chysgulden ende eenen halven dair vutgaende
Assignavit IIII Peters
XXIIa octobris