Blader door transcripties » Stadsarchief Mechelen

archieftoegang 2, inventarisnummer 935, pagina 62

Johannes van Boots
Gege, Bossche. Gheerdt vander Biest alias vander Mere, heeft vercocht Janne
Rabboots, Een stuck lands metten gronde etcetera, houdende omtrentst:t; een
dach vierendeel, gelegen op Gheerdegeemvelt, tusschen Rommondt
van Baerdegeem aen deen zyde ende des scauters lant aen dander zyde
streckende met eenen eynde tot Andries inde Pe pris alias inde Boeven
A Domino Mechiniensi, Waranderende eenigen last van chyse daer vutgaende
Verst:t;XVIII Peters
XXV septembry
Pitancie mon
de Lelyendale
van Sinte Machiel
in Onser Vrouwen
kercke
Driesschen Andries van Achele diemen heet vander Straten, heeft vercocht
heer Janne de Beere proest ende tot behoef vander Pitancien vanden
goidshuyse van Lelyendale, Een stuck bempts metten gronde
houdende omtrent een buender luttel meer oft min, geheeten
Scloesblock gelegen in Oudegemerbroeck, tusschen des voirscreven
goidshuys van Lelyendale erve aen deen zyde ende der capelrien erve
streckende metten eenen eynde tot aende Zenne, A Domino Mechliniensi, Waranderende.
op zeventhien scellinge payments, daer vutgaende
Assignavit XIII Peters
ut supra
Egidius de
Hondswyck et uxore
ende opten voiren
van twee
chysgulden
daer vutgaende
Dyest, Bossche. Meester Jan Biest eender heeren van Zellaer in Sinte
Rommonts kerke heeft terve gegeven, Gielisen Hanswyck
ende Dignen Lybens synen wive Eenen wyngaert met
eenen hove ende duyfhuyse daer op staende ende oic
quaden kerchoff aldair inde Schytstrate opten hoeck vander
metten gronde etcetera gelegen buyten der Coepoirten, byden
straten aldair men gaet ten Bruynen Cruyce weerde, tusschen
de selve strate aen deen zyde, Claes de Vos erve aen
dander zyde ende der infirmarien erve vanden crancken
beghynen bynnen den beghynhove van deser stad aende
derde zyde. A Domino Mechliniensis. Te besittene op eenen erffeliken chys
van twee gouden Rynsgulden goede etcetera te wetene XL groten
Vlaems gelts voir elken der selver Rynsgulden gerekent
Te betalen altyt tot Kersmisse daeraf den jersten termyn
van betalingen syn sal tot van Kersmisse naestcomende
over een jaer daer naer volgende, Om welken erffelike
chys aldus den voirscreven Meester Janne Byest te betalen
ende om der meerder zekerheyt den selven Meester Janne
dairaff te doene Soe hebben de voirscreven Gielis ende Digne
syn wyf den selven Meester Janne in tytule van gewarigen
pande verbonden ende tonderpande haer huys metten hove
gronde etcetera geheeten tVosken, gelegen in Sinte Kathelinen
strate tusschen Henricken Yngels ende Claes Ghysels erve
oft weerde van achte schellingen op twee capuynen
acht scellinge groten Brabants gelts erffelic ende drie chysgulden
lyftochten, staende ten live van Lysbetten Zegers
beneficiaten de Zellaer
dair vutgaende, met condicien dat de voirscreven Gielis ende
syn wyf zelen mogen quyten als hen gelieven
sal de voirscreven twee Rynsgulden des voirscreven chys, tot
eenen male ende elken gulden dairaff met zesthien
gelike gulden daer eens met vollen chyse daervoir
te betalene, Behoudelic dien, dat soe wanneer
de voirscreven Gielis ende syn wyf de voirscreven twee Rynsgulden
des voirscreven chys, afqueten sullen hebben, dat alsdan des
voirscreven Jans Gielis ende syns wyfs huys vanden voerscreven verbanden
los vry ende quyt sal syn ende bliven. Behoudelic oic d dien
met synen voir
dat de voirscreven Gielis ende syn wyf den voirscreven Wyngaert negheenssen
toebehoerten
neghen noch vanderen en zelen, maer zelen dien ende alsoe hy
staet in goeden wesen al houden sonder dien vut te comen, alsoe
lange, tot dat de sy de voirscreven twee Rynsgulden des voirscreven chys
afgequeten zelen hebben
XXVII septembris
doot
goeden et forma
deen, Bossche. Jan van Beerssele doude, heeft vercocht jouffrou Magrieten
inden bezynen tot zinen live ende tot behouff ende ten live van Symoene
oeden haeren brueder ende ten lanxste levende live van hen beyden, Sesse
Bootelen Rys goet ende custbaer Mechelscher maten blyftochten, te heffene
tot twee termynen deen helft opten jersten dach van April, ende dander
heeft opten jersten dach van Octobry Op ende aen des voirscreven Jans
stuck lands metten gronde etcetera houdende anderhalf vierendeel gelegen
inde prochie van Leest op hoochvelt tusschen Willem vanden Winckele
ende aen beyden zyden, Ende o Item op syn helft van eenen stuck
bemps, daeraff dander helft meester Janne de Leeuw toebehoirt houdende
int geheele een halff buender gelegen tot Leest opte Beke tusschen
den selve Meester Janne de Leeuw aen deen zyde ende de voirscreven Willem
vanden Winckele aen dander zyde, Ende op syn stuck lands metten
gronde etcetera houdende een buender gelegen tot Hombeke inde Cattestrate
tusschen Jan Schooff, aen deen zyde ende de wedue Wagemans, aen
dander zyde. A Domino Mechliniensi, Waranderende. Op eenen twee chysgulden eenen capuyn
cum XII stuvers ende voir vutgaende preter ons die levabit et
inde disponet
XXVII septembry tempore simile
Mathys
vander Beke
Baerdege, Bossche. Lysbeth vander Beke, Mathys wettige dochter vander Beke
Wullewevere, heeft quytgesconden los vry ende ledich, de selve Mathysen
haeren vader van allen den haeffelike goeden, die de voirscreven Lysbetten
byder doot van wylen Barblen Smeets haerer moeder, die desselfs
Mathys yerste dochter was wyf was doen sy leefde in eeniger manieren
verstorven moegen syn
XVIII septembris