Blader door transcripties » Stadsarchief Mechelen

archieftoegang 2, inventarisnummer 935, pagina 55

Te heffene altyt tot Sint Jansmisse daer af den yersten termyn
van betalingen syn sal tot Sint Jansmisse naestcomende, Ende opten
voirchys van drie gelike chysgulden ende zesse penningen
Lovens daer vutgaende, met condicien dat de voirscreven bonden
ende syn wyf de voirscreven drie gulden de voirscreven chys zelen
mogen lossen ende quyten altyt als hen dat gelieven sal
te wetene met eenen gulden tsmaels ende niet min ende
elken gulden dairaff met zesthiene gelike gulden eens
met vollen chys dairvoir te betalen
may tempore simile
XXIII augusti tempore mile
Voesdonck Baerdeghe
Johanne de Beringen
filia
Item Gielis Verwilgaerden heeft vercocht Henricken van
Ghele tot behoef van Janne van Beringen Aerts sone van
Beringen drie veertelen Rogs goede et Mechelscher maten
erffelic pachts die hy hadde op een huys metten hove houdende
omtrent een vierendeel toebehoerende der weduen ende kynderen
wylen Marten Boeyenhals gelegen tOuwegen, tusschen Jacop Craen
erve aen deen zyde ende Bartelmeus vanden Bossche erve aen dander
zijde. A Domino Mechliniensi, Waranderende etcetera
Assignavit XXX Peters
ut supra
Joes Pauwels
et Rumoldo
Lyedekens
Item Aerd Ledekens heeft vercocht Janne Grauweels als
tot synder tocht ende tot behoef van he Kerstiane ende Katheline
Ledeken, Rommond Ledekens kynderen als tot haere erffelicheit
vyf chysgulden erffelic chys, die hy hadde op een huyse
metten hove gronde toebehoerende den voirscreven Rommond ende synen
kynderen, gelegen inde Scepstrate tusschen Philips de Wynte
erve ende Jan voirst:t; Rommonds van Puersse erve. A Domino Mechliniensi, Waranderende.
op vyf chysgulden lyftochten staende ten live van Augustinen van
Boxhem ende synen wive vuten voirscreven vyf chysgulden erffelic jaerlicx
voir vutgaende, met condicien oft gebuerde dat eenich vanden
voirscreven twee kynderen storve sonder wettich hoir van sinen live
levende achter te laten dat alsdan diens gedeelte alsoe sterven
toecomen ende versterven sal opten anderen langhstlevende van hen
vanden
ut supra tempore simile
Relicta quondam Jo
de Voesdonck
Item. Wouter ende Anthonis van Voesdonck wylen Jans
kynderen van Voesdonck, hebben quytgeschonden los vry ende
ledich, jouffrou Lysbetten sGortters wedue des voirscreven wylen
Jans haerer moeder van allen den haeffeliken goeden
die den selven Wouteren ende Anthonisen, byder doot vanden
voirscreven wylen Janne haeren vader ende die man was doen
hy leefde vander voerscreven jouffrou Lysbetten in eeniger manieren
verstorven mogen syn ende allen anderen dies quytancie
behoeven geheelic ende al
ut supra tempore simile
Heer vander
Heyden et uxore
Voesdonc, Dogge. Jan Gregods heeft vercocht Lysbetten Brans Aerds vanden
Heyden wive tot haeren ende desselfs Aerts haers mans behoef
twee huysen oft cameren metten gronde, gelegen inden
aenden Minne huyse
Crommenelleboghe tusschen Andries Schuetens erve aen deen
zyde ende de Mynnebruggest:t; den vliet aldair. A Domino Mechliniensi, Waranderende.
op twee chysgulden elf pondt payments ende eenen capuyn
daer vutgaende
Assignavit X Peters
XX augusti
Relicta onde ende
Vrancx
Segere, Diest. Joes Vrancx heeft bewesen, Lysbetten vanden
bruggen weduen wylen Gielis Vrancx synder moeder, haer
tocht paysselic ende vredelic te gebruykene in vier gouden
Rynsgulden goede erffelic chys die de selve Joes heeft
op vyf ende eenen halven gelike Rynsgulden erffeliker renten
die wylen Claes Wechters erfgenamen hebben opte stad
van Mechelen. Item op zesse chysgulden erffelic chys die de
selve erfgenamen hebben op een huys metten hove toebehoerende
Pauwels van Turnout gelegen inden Vettersham, tusschen
Jans vander Heyden erve ende des voirscreven wylen Claes erve. Item
opte helft van twee huysen metten plaetsen, die den voirscreven
wylen Clase toe plagen te hoeren gelegen inde Drapstrate
tusschen jouffrou Barblen van Hofstaden ende Peters vanden Houwe
erve. Item op des voirscreven wylen Claes huys metten hove gelegen
inden Vettersham, tusschen Anthonis Caluwaert ende wylen Aert
Abyor erve. Item opte helft van eenen stuc bempts houdende
in geheele omtrent een half buender, gelegen te Muysene
tusschen Peter Robbrechts erve ende Henricx vanden Broeke erve
Item twee capuyne erffelic chys die des voirscreven wylen Claes
erfgenamen hebben op dander helft vanden voirscreven stuc bempts
Ende op alle de voirscreven wylen Claes erfgenamen erffelike goeden
metten gronde die hy vercregen hadde oft namaels vercrigen soude
bynnen der stad ende vryheit van Mechelen gelegen. A Domino Mechliniensi. Ende
haer tocht in twee huysen metten grondest:t; een huys metten
hove gronde etcetera gelegen inde Kerchofstrate tusschen des
selfs Joes erven in beyde zyden streckende achterweert
met eenen vutgange tot inde Lange heeft. A Domino Magriete
te gele, Waranderende etcetera
XXIII augusty