Blader door transcripties » Stadsarchief Mechelen

archieftoegang 2, inventarisnummer 935, pagina 41

Jan van Ryemen
Katlyne Dorpe Jan Massys ende Katheline tSermertens syn wyf
hebben vercocht Merten van Ryemen tot behoef
van Jacoppen van Ryemen synen sone, twee gouden
Peters vander munten etcetera goede etcetera, te wetene XVIII
stuvers voir elken der selver Peters gerekent erffelicx
chys, die sy hebben op de helft vanden erffeliken
goeden hier naer bescreven inden jersten van eender
hoeven metten huysen hoven gronde etcetera houdende
omtrent drie vierendeel gelegen tot Battele inde
Heysbroeckstrate, tusschen Jans Blaren erve ende Janne
Beren erve, streckende achterweerts tot aenden Battelsschen
wech, Item van eenen stuck lants houdende omtrent
een vierendeel gelegen aldaer op Battelerevelt tusschen
wylen Jan Stevens erve ende Rommonts van Puersse erve
Item van eenen stuck lants houdende oic omtrent een
vierendeel gelegen aldair opten Langen achter, tusschen
de Heerstrate dairmen gaet te heffene weert ende des
voirscreven Jans Blaren erve. Item van eenen stuck lants
houdende omtrent een half buender geheeten tHeyken
gelegen aldair, tusschen der kysten bynnen den beghynhove
van Meche erve aende twee zyden ende de Heerstrate aende
derde zyde. Item van eenen stuck lants houdende omtrent
anderhalf vierendeel, gelegen aldaer opte Strepe, tusschen
Gielis Vrancx erve ende Wouter Robbyns erve. Item van eenen
stuck lants houdende omtrent een half buender, gelegen
oic aldair opte Strepe, tusschen des voirscreven Gielis Vrancx
erve ende Wouter Robbyns erve. Item van eenen stuck
lants houdende een half buender gelegen aldaer, aen
tVleerken, tusschen der kynderen wylen Jans van Haren erve
aen beyde zyden. Item van eenen stuck lants houdende
een half buender, gelegen aldair opt Middelveldeken
tusschen de voirscreven kysten erve ende Jans vander Messien
erve. Item van eenen stuck lants houdende omtrent
een buender gelegen aldaer op Oudegemervelt
tusschen der capelryen erve van Onsen Vrouwen erve
ende der selver kysten erve. Item van eenen stuck
lants houdende zesse quartier gelegen aldaer opte
Tyelt tusschen de Warande aldair ende des voirscreven
Rommonts van Puersse erve, Ende van vier stucken
bempts gelegen aldair aende Heysbroeckstrate
tusschen der voirscreven kysten erve ende jouffrou Keermans erve
A Domino Mechliensi, Waranderende etcetera.
XIII July
Jo vanden Bossche
Dorpe, Hamme. Cornelis van Berthem wylen Jans sone van Berthem
ende Lijsbeth vanden Gouberge syn wyf hebben vercocht
Janne vanden Bossche een huys metten gronde den Baers
geheeten gelegen over de Grootbrugge tusschen thuys
den Ram geheeten Symoen Huens toebehoerende aen deen zyde
ende thuys den Cleynen Baers geheeten, toebehoirende Janne
van Aelst, aen dander zyde streckende achterweert tot
int Stoofstraetken. A Willemo Schooff, Waranderende. Opte weerde
van zesse Peter gouden Peters vander munten goede ende
gerechte vuten voirscreven huyse jaerlicx gaende
Assignavit
XV July
Jaquisthout
Broeke, Hamme. Claes Vrancx alias Brosius ende Katheline Berthouts
wylen Aert Berthouts dochter met Merten zine metten haren
man, hebben vercocht Janne Quisthout, de helft van eenen
stuc lants metten gronde houdende int geheele omtrent een
buender geheeten de Daesheit gelegen te Leest ende
dWaesheit, tusschen Peter Lyndemans erve ende Jan Nouts
selve A Walterobeerthout, Waranderende. Op eenen halven capuyn
ende eenentwintich scellinge payments vuten voirscreven geheele
stuc lants jaerlicx gaende
Assignavit XXX Peters
XVIa
Pennen
Item. Merck de Neve heeft vercocht Peteren de Neve synen
brueder, Een huys metten gronde, dat heer Janne vander Straten
priester toe plach te hoiren gelegen inde Coestrate tusschen
Wouters vander Strepe erve ende een erve dat wylen Gielisen
van Aelst toe plach te hoeren ende dat nu toebehoert jouffrou
Kerstinen vander Grecht diemen heet van Aelst om
beneficiaten de Zellaer, Waranderende. Opte weerde van vyfthien scellinge
groten Brabants gelts daer vutgaende
Assignavit XL Peters
ut supra tempore simile
Jo Vensel
cum tutore
Hamme, Duffle. Katheline Vensel, heeft opgedragen tot behoef van
Janne Vensel haeren brueder, allet recht dat sy hadde
in een huys metten hove gronde etcetera geheeten de Crauwel
gelegen inde Aedegemstrate tusschen des voirscreven Jan Vossele
erve aen deen zyde ende een cleyn staet aldair aen dander zyde
A Beato Rumoldo, Waranderende etcetera.
XIIII July tempore simile