Blader door transcripties » Stadsarchief Mechelen

archieftoegang 2, inventarisnummer 935, pagina 213

Wouter, soe wanneer men de voirscreven lyfrente coopen sal
moeten opleggen ende betalen, alsoe vele penningen, als
gebreken selen, opte voirscreven hondert Rynsgulden dair mede
den coopen sal, de voirscreven twaelf Rynsgulden lyftochten
Behoudelic oic oft gebuerde dat de selve Denys storven
sonder wettich hoir van synen live gecomen achter te
latene, naer dat de voirscreven penningen verscheven ende al
eer deselve lyfrente gecocht waer, dat dat die scult
toecomen ende versterven sal, den ghenen dien na den
rechte vander selver stad van Mechelen, sculdich es toe te
comene ende te verstervene, et sal acht predit Margarete
na dispone
XVI augusty
Mol, Bossche. Katheline dragene alias Beckers, heeft voir haere
vutersten wille ende in puerder aelmoessen bekent sculdich
wesene, Janne Denys tot behoef van Cornelis Peteren ende
Lysbetten sBruynen die wylen Gabriel de Bruyne van haer
vercregen heeft hondert ende vyftich gouden Peters
vander munten etcetera goede etcetera oft de weerde daervoer
Te betalene naer haer doot, Ende hier voir heeft zy
verbonden alle haere haeffelike ende erffelike goeden presenta
et futura infra etcetera. A Domino Mechliniensis. Behoudelic dien dat
de voirscreven Katheline de voirscreven scult sal mogen meerderen
minderen veranderen ende te nyeuwte doen mal oft in deele
als haer dat gelieven sal, sonder ge eenighe wederseggen
oft eenich vanden
voirscreven kinderen storve
sonder wettich, Henrich
dat die diens deel
toecomen sal den ghenen
die langeleven alle
oft leven sal ende
XXIaAugusti
Item. Jan Tymmerman, dat Margrieten sBocx weduen
wylen Daneels sCranen, sevenentzestich gouden Ryns
gulden ende een halven, te wetene op stuvers voir
elken gulden gerekent Te betalen tot haerer
manissen, Ende hier voir heeft hy verbonden alle haer
syne haeffelike ende erffelike goeden presenta et futura.
infra et futura. A Domino Mechliniensi,
ut supra tempore simile
Hamme, Mol. Laureys de Bueve ende Lysbeth vander Hagen syn wyf
Peter Janne Masman van Duffle, vierthien gouden Peters
vander munten op goede etcetera te wetene XXXVI groten Vlaems gelts
voir elken Peter gerekent Te betalen de twee Peter
daeraf tot Bamisse naestcomende. Item twee Peters daeraf tot
pe Kersmisse daer naer volgende. Item twee Peters daeraf
tot Paesschen daer naer volgende. Item twee Peters daeraf
tot Sinxenen daer naer volgende, Ende alsoe voirtaen telken
vanden voirscreven vier terminen twee Peters over etcetera
hier voir hebben zy verbonden alle haere haeffelike ende ende erffelicx goeden
presenta et futura infra et
XIII augusty
Aa, Diest. Katheline sDonckers wylen Claes sDonckers dochter, heeft
Recompensatien ende vergeldingen van vele getrouwer diensten die
Lijsbeth vanden Brande Joes dochter, haer over menich jaer gedaen
heeft ende oft godwilt noch doen sal bekent sculdich wesen Diericken
Adriaens tot behoef vanden voirscreven Lysbetten, tzestich gouden Ryns
gulden goede etcetera te wetene XL groten Vlaems gelts voir elken dat
selve Rynsgulden gerekent Te betalene naer haer doot hier
voir heeft zy verbonden alle haere haeffelike goeden ende synde linge
haer huys metten hove ende lande daer aen liggende houdende omtrent
een half buender, gelegen te Hombeke tot Expoele, tusschen
Willems vanden Wynckele ende des voirscreven Joes erve. A Domino Mechliniensi,
Behoudelic dien dat de voirscreven Katheline de voirscreven scult sal
mogen meerderen minderen veranderen ende te nyeuwte doene
XXIII Augusti
Hamme, Diest. Lembrecht de Wale den Willeme Hennemanssone van vut
Waltgeren vier pondt vo thien scellinge groten Vlaems
contelant
gelts Te betalen, de drie pondt daeraf van Bamisse
naestcomende over een jair daer naer volgende, Ende dander
anderhalf pondt groten daeraf tot Kersmisse daer naer
terstont volgende, Ende hier voir heeft hy verbonden alle
sine haeffelike ende erffelike goeden presenta et futura infra
A Domino Mechliniensi,
ut supra
Hamme Groten Lembrecht van Gheerdt dest:t; Janne van Yndevelden
Sesse pondt groten Brabants gelts Te betalen tot Groot Vastelavont
naestcomende, Ende hier voir heeft hy verbonden alle syne haeffelike
ende erffelike p goeden presenta et futura et futura
m
IX septembry tempore simile
Hanne Diest, Claes van Lupegheem dat jonchen Katlyne van Boxhem
hondert Rynsgulden goede te betalene ter manissen
voer verbindende alle syne haeffelike goeden jegewoirdich by
XV septembry
Item de voirscreven Claes ende jouffrou Katlynen dat Janne de
Kerstiaens den jongen vier pond groten Vlaems gelts ende
een half te betalene tot Achtmisse naestcomende
by voer verbindende alle huer haeffelike goeden ut supra ende oic
huer erffelike goeden presenta etcetera infra etcetera
ut supra