Blader door transcripties » Stadsarchief Mechelen

archieftoegang 2, inventarisnummer 935, pagina 210

voirscreven Janne ende Jorys Quyte van ende tot
eeuwegen dagen ende allen anderen des quitancie
behoevende geheelic ende al
XVIIa octobris
Johannes Beckere
et georgs
Coesaert
Item. De selve Meester Jan de Witte inder manieren
als boven heeft quytgeschonden den voirscreven Janne ende Jorys
vander sommen van dertich ponden zeven scellinge groten
der voirscreven munten van Vlaenden toecomende ende ve
den
als boven te wetene vande voirscreven Janne den Beckere van
veerthien ende eenen scellinge ende den voirscreven Jorys van
zesthien ende zesse scellinge in forma
ut supra
cammen
Johannes vanden
Item deselve Meester Jan inder manieren als boven heeft oic
gekent ontfangen hebbene van Janne vander Cammen blauwe
de somme van thien pond groten der voirscreven munten spruytende
oic vut Franchoisen goeden als boven van Sinte Quintens
schuldende hem daeraf quyte in eccles forma
ut supra
Idem Johanne
Beckere et
Georgers
Coesaert
Item Bouwen vander Berct ende Rommond zyn zone hebben
openbairlic voir ons gelost ende elc van hen besundere den
voirscreven Janne den Beckere ende Jorys Coesaert altyt schadeloos
ende costeloos quyt te houdene ende tontheffene van allen
coste ende leste die henlieden van ons genadich heeren wegen
tsHertogen etcetera in toecomende tyden zullen mogen toecomen ende
gedaen worden, mids zekeren penningen die zy den voirscreven met
Janne den Witte alias Commisse st:t; desselfs ons genadich heeren
ende tot sinen behoef by huerliker execucien als knchoisen ende
ende verbeurt wesende hebben moeten opleggen ende betalen, Ende die
dair vanden selven Meester Janne Bordinancien ende consente
selfs ons geve heeren by nemen van Recompensatien ontfangen
gehaven heeft voir zekere schaden die de selve Bouwen bynnen
der stad van Parys vander Conincx officien gehadt ende gelegen
heeft gelyc alle dat voirscreven staet, claerlyc blyct by eenen malen
ende anderen besloten ende des voirscreven ons genadich heeren op een
gepasseert ende bezegelt, Ende oic by quitancien die deselve
Meester Jan den voerscreven Janne ende Jorys ende anderen opten die
van heden voir ons wettelic verkent ende verleden heeft heeft
voer verbindende alle haerlieder haeffelike ende erffelicke goeden hen
ende toecomende infra etcet in forma
ut supra
Johannes de
Spenbeke et uxore
Hanne, Diest. Jan Hansen Jan vander Beke weert Neefs ende Jan
de Blare als gesworene ende inden name vanden ambachte
vanden schoenmakers bynnen Mechelen hebben vercocht Janne
van Diepenbeke tot synen ende Barblen Baecx syns wyfs
behoef, Een huys geheeten geleyde, metter plaetsen gronde
gelegen byde Broemerct, tusschen Johannen van Keerberge
erve aen deen zyde ende Daneels van Oprode erve, Ende
van Keerberge erve ende Jans vander Hayct erve. A beneficatie
deen huys gelegen inde Coestrate tusschen de voirscreven Jehannen
de Zelle, Waranderende. Op achtien chysgulden vuten voirscreven gersten
huyse ende de weerde van anderhalven geliken chysgulden
vuten voirscreven anderen huyse jaerlicx gaende
Assignavit C Rynsgulden
X octobry tempore simile
Jans
Ingelram
Item. Brueder Jan dest:t; Anthonis vanden Boxtuyne
minister des goidshuys vanden Bogaerden, heeft op inden name
vanden selven opre, heeft opgedragen ende overgegeven
tot behoef van Lodewycken Ingelram, Een huys metten
gronde etcetera gelegen inde Aedegemstrate tusschen Henricx
Smeets erve ende Rommonts vanden Hove erve aen dander
dwelc brueder Jan de Meyere rentmeester desselfs goidshuys
voir achterstelligen chys die tvoergenoemde goidshuys dair op hadde
wettelic vutgewonnen ende verreyct heeft. A Domino Mechliniensi, Waranderende etcetera.
behoudelic den selven goidshuyse daerop syn voirscreven chys ende aen
als etcetera
ut supra
te
Johannes vanden
Kerchove et uxore
Bossche, Berct. Reyner vander Haelt ende Goedele vanden
Stock syn wyf, hebben vercocht Janne vanden Kerchove beckere
ende Katheline Loys synen wive, de helft van twee huyse
metten plaetsen gronde etcetera daer af dander helft Henricken
van Bergen toebehoert gelegen deen neven dander inde
Hooghstrate tusschen Jan Smeets erve aen deen zyde ende
Peters van Genuechten erve. A Johannes de Oeyenbrugge, Waranderende.
opte helfst:t; weerde van seven scellinge groten Brabants
gelts vuten voirscreven twee geheelen huysen metten plaetsen
jaerlicx gaende
supra tempore simile