Blader door transcripties » Stadsarchief Mechelen

archieftoegang 2, inventarisnummer 935, pagina 19

Peter drie veertelen Rogs als de voirscreven wylen Jan Tack
gelooft heeft opter divisen recht toe van Margriete
Stevens te betalene alsoe lange als sy leven sal, Ende des
soe sal de voirscreven Lysbeth hebben ende heffen tot Kersmisse
anno LXX allen alsulken pacht alsmen jaerlicx heffende
es vanden voirscreven goeden tot Heyendonck gelegen metten
pachte die ten selven Kersmisse anno LXXII verschynen sal
ende heer Lovens geheet Machtilden Meyers
ende post XXIII may positus
III Juny tempore simile
ende metter helft van eenen
anderen huyskene ende
ware int eynde vanden
selven hove staende ende oic
metten gronde
hem van Bergen
Kerman, Duffle, Gielis van Gestelle sone wylen Willems van Gestelle
heeft vercocht Henricken van Bergen wylen Odyns sone
Een huys metten hove gronde etcetera, dat Willem Gheerd
Everaerts toe plach te hoiren, gelegen inden Nuwenbruel
tusschen Jans de Bock erve ende Gielis van Wilgaerden erve
A Domino Mechliniensi, Waranderende. Opte helft van sesse zeven chysgulden
ende eenen halven scelling Lovens daer vutgaende behoudelic
syn toebehoirt
dien dat tselve huys metten hove oude medepant es ende
bliven sal voir dander helft vanden voirscreven chyse gaende vut
des voirscreven Gielis van Wilgaerden huyse
Assigna
VII Juny tempore simile
Willem van Muysene
man, Duffle. Peter van Muysene heeft vercocht Willeme van
Muysene synen brueder de helft van zesse muddeken Rogs
erffelicx pacht daeraf dander helft den selven Willeme
toe gehout die hy hadde ende hem verstorven syn byder doot
van wylen Janne van Muysene op haerlieder brueder op
een huys metten hove ende niet lande daeraen liggende
ende oic metten gronde toebehoirende Machielen vander
Bossche gelegen in Heysbroeck tusschen wylen Lambrecht
Peter ende wylen Claes Blaer, Ende op omtrent een
vierendeel lants geheeten de Heyde, den selven
Machielen toebehoerende gelegen achter tvoirscreven Heysbroeck
neven den wech aldair men gaet te heffene weert
tusschen der kisten erve ende des voirscreven wylen Lambrechte
erve. A Domino Mechliniensi, Waranderende etcetera
Assignavit
met
Jo vander Hoven et
Sor
Hane, Duffle. Jan de Borgere sone wylen Jans heeft vercocht Janne
vander Hoeven tot synen ende jouffrou Kathelinen vander Hoeven
begen
synder zuster behoef, Een stuc lants metten gronde houden
omtrent drie vierendeel, gelegen te Heffene aende Heerstrate
tusschen des voirscreven Jans erve ende der kynder wylen Peter Hoeckaerts
erve aen dander zyde. A Domino Mechliniensi, Waranderende. Op een veertele Rogs vier
penninge Lovens ende drie scellinge payments daer vutgaende
Assignavit XXXVIII Peters
VIII Juny tempore simile
Barthonis ende
Gheerdt vander Aa
Hamme, Duffle. Heer Anthonis vander Aa Ridder ende Gheerd
vander Aa syn brueder, approberende confirmerende ende van
weerden houden, alsulken scheydinghe ende deylinge als sy
tanderen tyden van allen den haeffelike erffelike ende hen goeden
buyten ende bynnen der stad ende vryheyt van Mechelen wesende
ende gelegen, die de voirgenoemde gebruederen vander Aa, by
haer ouderen doot in eeniger manieren, gebleven ende verstorven
hebben
syn voir notaris ende getuygen gedaen ende gemaect hebben ende
Voort
hebben gelooft ende elc van hen besunder voir hem syn hoir
ende nacomelinghen, de selve scheydinge ende deylinge
in alle der vuegen, alsoe distrument daerop byde voirscreven
notaris gemaect, dat inhoudt ende begrypt, goet vast
onverbrekelic ende van weerde te houden ten eeuwigen
daghen ende daer tegen nemmermeer te doen te seggen
oft te comen in gheender wyf, sonder argelist
VIIa Juny
Heer Anthonis vander Aa
Item de voirgenoemde Gheerd vander Aa, heeft navolgende de
scheydingen ende deylingen, tusschen hem ende den voirscreven
heer Anthonisen synen brueder tanderen tyden gedaen ende gemaect
vanden goeden hen byder doot van haere onderen verstorven
gegeven ende bewesen, de voirgenoemde heer Anthonisen, derthien
gouden Rynsgulden goede etcetera te wetene veertich groten
Vlaems gelts voir elken derselve gerekent erffelicx chys
Te heffene altyt tot Kersmisse, Op des voirscreven Gheerds
huys oft woeninghe, me geheeten tHof van
bewillemen
halven, metten hove plaetsen, gronde etcetera gelegen inde
Bogaertstrate, tusschen Jans van Muysene huys aen deen
van wylen Janne de Berct
zyde ende der wedue ende kynderen erve aen dander zyde, Ende op
alle des voirgenoemde Gheerde, andere erffelike ende onberuerlike
goeden metten gronde etcetera bynnen etcetera gelegen, die hyst:t;
heeft ende namaels hebben ende vercregen, A Domino Mechliniensi, Waranderende etcetera.
ut supra tempore simile
Joorys Consaert
Item Jan Godevant aldaer inde Creeft ende Jan Halfbuende
als proviseurs ende inde name vander taflen des Heylich
Gheests van Onse Vrouwe prochien, et pretera hebben opgedragen
tot behoef van Jorys Consaert, twee huysen oft cameren
metten gronde, die Jacoppe van Wesendale toe plagen te hoiren
ende die Janne de Verwere, tot voirscreven taflen des Heylichs
Gheests behoef, tanderen tyde voir achterstelligen chys, die
de selve tafle daerop heeft, wettelic verreyct ende vutgewonnen
heeft, gelegen inde Steenstrate tusschen Henricx Booms
huys aen deen zyde ende Jans vanden Bloke huys aen dander
zijde. A Domino Mechliniensi, Waranderende etcetera. Behoudelic der voirscreven taflen des
Heylich Gheest haeren voirscreven chyse ende alle anderen dien
voir chys, op hebben
ut supra tempore simile