Blader door transcripties » Stadsarchief Mechelen

archieftoegang 2, inventarisnummer 935, pagina 187

Johannes Hemelrycx
et uxor
Mol, Bossche. Heer Cornelis de Hertoge priester, meester Casius vanden
voerde, Peter du Parck ende Merten Gheerds alias
executeurs ende inden name vanden testamente ende ven
wille van wylen Meester Peter Claessone van Asse
Damme, hebben vercocht Janne Hemelrycx deele tsiaen
synen w wive, Een huys metten hove gronde dat
den selven Meester Peteren toe plach te hoirende, gelegen
inde Kerchofstrate byde Midderstrate brugge tusschen
de Hergracht aen deen zyde ende Jans de Hantzittere ende
aen dander zyde. A Magie de Egidio de Muysene, Waranderende.
opte weerde van vyfthien scellinge ende zesse penningen
groten Brabants daer vutgaende
Assignavit XXVI libris
Xa
Rumoldus
Schilleman
Hamme, Bossche. Thomas Danckaert inden name vanden godshuys
van Thabor, staende buyten de mueren vander stad van Mechelen
hebbende de selve Thomas volcomen macht ende sunderlinge
vander pryorinne ende gemeynen convente, desselfs goidshuys
gelyc ons dat by eender procuracien dair op gemaect ende bezegelt
met des voirscreven convents zegel, gebleken heeft, Peter, heeft
vercocht Rommonde Schilleman beckere, Sesse scellingen seven
penninge groten ende eenen halven groten Brabants gelts erffelicx
de
chys, die tvoirgenoemde goidshuys heeftst:t; op desselfs Rommonts huys
metten hove gronde etcetera gelegen in Sinte Kathelinen strate
tusschen desselfs Rommonts Schillemans huys, aen deen zyde
ende Jan Gommaers spellemakers erve aen dander zyde. A Beato
Rumoldo, Waranderende etcetera
ut supra
Egidius Gaster
Elizabeth de Ryemen
Hamme, Bossche. Willem de Byn wylen Henricx de Byn
soon, woende ter Boenheyden, heeft gelooft voir hem
ongevrydt in den divisen recht
ende syne nacomelingen, Te betalen ende te leveren
Gielis Gast, Jan Gast soon ende Lysbette van Ryemen
wylen Henricx van Ryemen dochter, alle tot haer
huyse tot Mechelen, alle jaere, alsoe langhe als sy
ende de langhstlevende van hen beyden leven zelen
altyt tot Onser Liever Vrouwen dage half oeghst
alsulke sesse veertelen Rogs goede etcetera Mechelsche
maten, jaerlike lyfpensien, alle de voirgenoemde Willem den
voirscreven Gielise ende Lysbetten, tot haerer beyder liven
vercocht ende op zeke syne goeden ter Boenheyden
gelegen, bewesen ende bepant heeft, gelyc daer scepenen
brief vander Boenheyden daerop gemaect dat claerlic
vutwyst ende begrypt, sonder eenich wederseggen
XXIIII may
Jans Johanne
dEyken
Hamme, Mol. Gielis vanden Brande, heeft vercocht heer Janne vanden
Eyken priester, drie chysgulden ende drie vierendeel van eenen geliken
chysgulden erffelic chys, die hy hadde, op een huys metten hove
gronde etcetera, dat Lodewyck vanden Plassche toe plach te hoiren ende dat
nu den voirscreven heer Janne vander Eyken toebehoirt, gelegen inde
Kerchofstrate byde Middelbrugge, tusschen dwater aldaer, aen
deen zyde ende wylen Peters Suyters huys, dat nu synen kynderen
toehoirt, aen dander zyde. A Magriete, Egidio de Muysene, Waranderende etcetera.
XXIII augusti tempore simile
Michalots
contract te
Apra
et cum uxore
quo
XXIII Augusti
XVI
Renamant
van Scabin
Aa, Hamme. Aerdt vanden Rode ende Beatris vanden Zype
syn wyf seggene dat zy gheen wettige kynderen en hadden ende
hebben daerom voir ons gewilt ende openbaerlic geordineert
dat de langhstlevende van hen beyden soe lange die alsdan leven
sal paysselic ende vredelic sal gebruyken alle der haeffeliker ende
erffelike goeden bynnen der stad ende vryheit van Mechelen
gelegen, die sy nu tertyt hebben oft namaels sullen mogen
vercrigen, oft oic henlieden zelen mogen toecomen ende versterven
den wederseggen van yemande oft oic den rechten ende costumen
daeraf te contrarien onderhouden niet tegenstaende. Behoudelic
dien dat alle de voirgenoemde goeden na de langhstlevende doot
vanden voirscreven Aerde ende synen wive bliven, toecomen ende versterven
zelen haeren gerechten erfgenamen dien sy naer den rechte
vander stad sculdich zelen syn toe te comene ende te versterven
oft den ghenen dien sy die samentlic met testamente oft
anderssins gheven ende maken zelen, welke ordinancie wy
ende oic Bossche Ghooten ende Berct onse medescepenen by crachte
vanden statute tanderen tyden daer op gemaect geconfirmeert
ende geapprobeert syn ende by onser ordinaerder macht confirmeren
ende afberen, Alle argelist vutgescheyden
XXVI augusti tempore simile
Johanne de
Yetegheem
Hamme, Mol. Jan Robs ende Rommond vanden Dale van svadere wegen
Bartelmeus van Axele ende Jan Weyns vander moeder wegen
van Yetegeem wettige dochter infra annos etcetera, die sy in hen vervingen
als momboiren ende inden name van Lysbetten van Yetegem Jans
hebben quytgeschonden los vry ende ledich den voirscreven Janne van
Yetegem de voirscreven Lysbetten vader van allen den haeffelike goeden
die hy de selver Lysbetten byder doot van wylen Barblen van
Axele haerer moeder ende die wyf was doen zy leefde des voirscreven
Jans van Yetegeem in eeniger manieren verstorven mogen syn
XXVI Augusti
de
Yeteghem
Item. De voirscreven Jan van Yetegem de den voirscreven momboiren, der
de voirscreven Lysbetten behoef, viventwintich mottoene, te weten
XII groten voir elken mottoen gerekent Te betalene soe