Blader door transcripties » Stadsarchief Mechelen

archieftoegang 2, inventarisnummer 935, pagina 174

Relicta et libery de
Johannes de Afscheyden
Baerdeghem Mol, Ghysbrecht van Campenhout, tot behoef
vander weduen ende kynderen van wylen Jans van Afscheyde
des jonghen doen hy leefde, heeft verreyct, Een huys
metten gronde etcetera dat wylen Janne Fruytier toe plach
te hoiren, inde Vettersham gelegen, tusschen Hubrecht
w Gheerds de Bruyne erve, dat wylen Lysbetten
Hellemans toe plach te hoiren, aen deen zyde ende Gheert
van Leest erve aen dander zyde, voir gebreck van
achterstelligen chyse ende lyfpensien, die de voirscreven wylen
tanderen tyden
Jan Fruytier gelooft heeft te betalen vut zinen huyse
metten hove inde voirscreven Ham gelegen, dwelc hy tegen
wylen Willem van Campenhout gecrege ende daeraf den
altyt
selven Willem ende syn huys oic aldaer gelegen scadeloos
quyt houden ende ontlaste
XXIIII July
Claes Wynters
Duffle, Bossche. Aert Cleynaert, tot behoef van Lysbetten
de helft
sWinters synder huysvrouwe, heeft verreyct eenen huyse
metten hove, dat Henricken tSoudens toehoirde, gelegen
inde Nieuwen Bruel, tusschen Ymbrechts de Roeve erve
aen beyde zyde. Item de helft van twee huyse metten
gronde etcetera, die de voirscreven Henricke toehoirde, gelegen deen
neven dander inde Nokerstrate tusschen Jorys de Greve
erve aen deen zyde ende Rommond vander Stappen erve
aen dander zyde. Item de helft van twee huyse
metten hove ende die de voirscreven Henricke oic toehoirde
gelegen deen neven dandere inde voirscreven Bruel, tusschen
Henricx van Eyge erve aen deen zyde ende Gheerde
sWeelder erve aen dander zyde, Ende alle de erffelike
goeden metten gronde etcetera bynnen der stad etcetera gelegen
die oic de voirscreven Henricke toebehoirde, voir
achterstelligen lyfpene van drie Peter die de voirscreven
Lysbeth tot haren live heeft, Op alle de voirscreven goeden
ut supra tempore simile
Execucie testam
Johannes Massys
Baerdegeem, Duffle. Steven vander Hoeven tot behoef vander
execucien vanden testamente ende vutsteen wille van wylen
Janne Massys heeft verreyct de erffelike goeden metten
gronde etcetera die Janne de Cuypere toehoirden ierst
Een huys metten hove ende met omtrent anderhalff buender
lants daeraen liggende, gelegen tot Hanswyc byde Driesch tusschen
Willeme vander Moelen erve ende wylen Jans de Heymaer
erve. Item omtrent een vierendeel lants gelegen op
Hanswyckervelt, tusschen wylen Augustyn Cale erve ende des
goidshuys van Hanswyc erve. Item omtrent een vierendeel
lants gelegen aldaer, tusschen desselfs goidshuys erve aen beyden
zyden. Item een cleyn stuc lants, houdende omtrent tweendertich
goeden gelegen aldaer, tusschen desselfs goidshuys erve aen
deen zyde ende wylen Jan Raberts erve aen dander zyde, Item
omtrent een half buender lants gelegen aldaer, tusschen des voirscreven
goidshuys erve aen deen zyde ende de strate aen dander zyde. Item
omtrent een vierendeel lants aldaer opte Velt gelegen tusschen
desselfs goidshuys erve ende Jan Campioens erve. Item
Item omtrent drie vierendeel lants gelegen aldaer achter de kercken
van Hanswyck, tusschen des voirgenoemde goidshuys erve aen beyde zyde
Item omtrent een vierendeel lants gelegen op Mechelenvelt
tusschen der capittule van Sinte Rommonts erve ende Claes vanden
waere erve, Ende omtrent een buender bempts gelegen tot
Hofstad, tusschen Gheerd vander Aa erve ende Gielis vander
Eyken erve. Ex censu quamen Florencen sal
XXIII July tempore simile
in ecclesia Petry
Capitten Smouts
Gorttere, Bossche. vanden Creys priester heerst:t; tot behoef vanden
capelryen vanden Heyligen Cruce in Sinte Peters kerken
heeft verreyct, Een huys metten hove, dat de wylen Aerde
Versteveren toehoirde, gelegen op Neckspoele inde Wyngaertstrate
tusschen Machiels vander Beke hof aen deen zyde ende Lambrecht
schien
de Weend erve aen dander zyde. Ex censu
ut supra tempore simile
Eet Leeuws
den Mol, Godevaert Gebuers inden name van hen selven ende
oic inden name van Janne, Kathelinen ende Dignen Gebuers
synen brueder ende zusteren absent wesende die zy in hem verving
heeft quytgeschonden los vry ende ledich, Lysbetten sLeeuw
wedue wylen Goesen gebuers van allen den haeffeliker
goeden die den voirscreven kynderen gebrueders byder doot vanden
voirseyde wylen Goessene gebuers haerlieder brueder ende der
selver weduen man doen hy leefde in eeniger manieren
verstorven mogen syn
XXVI July
tutore hem
Neve
Roeden, Bossche. Henrick de Neve sone wylen Peters de Neve
heeft bekent dat hem Jan de de Neve Willeme sone
Jan de Neve Henricx sone ende Henrick vander Hulst syn
momboiren goede dueghdelike ende rechtverdige Rekeninge
ende bewys gedaen hebben van allen den haeffeliken erffeliker
ende onberuerliken goeden die hem byder doot vanden voirscreven
wylen Peteren de Neve synen vader in eeniger manieren verstorven
mogen syn, tot desen dage toe ende oic van al tgene de
zy daeraf ontfangen ende vutgegeven moegen hebben vander
welken ende oic van alle der moyenissen quellingen somme
van penningen ende anderen dingen die hy den voirscreven synen
momboiren vut saken vanden voirscreven goeden oft regimente
der selve oft oic anderssins in wat manieren het ware
soude mogen heysschen, Soe heeft de voirscreven Henric quytgeschonden
den voirscreven synen momboiren ende alle andere dies quitancie behoeven
geheelic ende al
XXV July