Blader door transcripties » Stadsarchief Mechelen

archieftoegang 2, inventarisnummer 935, pagina 171

Johannes de Holze
de Cattenstrate
Baerdeghem, Dyest. Cornelis van Rymenam ende Jan van H Houten
als executeurs ende inden name vander cucien des testamente een
vutersten wille van wylen Willem van Campenhout, hebben, om
des meestes orboirs ende prouffyts wille vander selve vercocht
Janne van Holze, de erffelike goeden metten gronde etcetera, die de
voirscreven wylen Willeme te plagen te hoiren, hierna bescreven
ierst een stuc lants, houdende anderhalf vierendeel, gelegen inde
prochie van Hombeke opt Middelvelt, tusschen der taflen des
Heylichs Gheests erve van Hombeke aen deen zyde ende den
Anthonis vander Aa erve aen dander zyde. Item een stuc lants
houdende een half vierendeel, gelegen aldaer op tselve velt, tusschen
Jan Schooff erve aen deen zyde ende der erfgenamen erve van
wylen der weduen van Keham, aen dander zyde. Item een
stuc lants, houdende een half vierendeel, gelegen oic aldaer
op tselve velt, tusschen des goidshuys van Cortenberge erve
aen deen zyde ende des goidshuys erve van Lelyendale aen
dander zyde. Item een hofstad, houdende drie vierendeel
lants, dat zyn bogaert is ende daer een gracht tusschen
gaet, gelegen aldaer, tusschen des voirscreven Jan Schoofs erve aen
deen zyde ende Jans van Ympele erve aen dander zyde, Item
een vloe, houdende drie vierendeel ende een halff gelegen
aldaer, dweers over de strate, tusschen des voirscreven goidshuys
van Lelyendale erve aen deen zyde ende des Heeren strate geheeten
aen dander zyde. Item een van stuc lants houdende anderhalf
vierendeel, gelegen aldaer opten Varenberch, tusschen
tusschen desselfs goidshuys van Lelyendale erve aen deen
zyde ende de voirscreven taflen van Hombeke erve aen dander
zyde, Ende een stuc lants houdende een vierendeel, gelegen
aldaer, op tantelaer, tusschen der selver tafle erve aen
deen zyde ende der voirscreven weduen van Kexhem erve
aen dander zyde. A Domino Mechliniensi, Waranderende. Op twaelf veertelen Rogge
goede etcetera Mechelscher mate ende opte weerde van
vier scellinge groten Brabants gelts, daer jaerlicx vutgaende voir
Behoudelic dien, gaeter meer oft min vutte, dat zelen
voir
de cooper ende vercoopers deen den anderen geven ende
afslaen, te wetene voir elken penninge des meer oft
minne chys, zeventhien gelike penningen eene sonder
wederseggen
Assignavit XXIIII Peters
XVIII July tempore simile
Anne Versteveren
Hoevel, by bywesen ende consente van Janne Mettens synen
Item. Jan vanden Hoevel, wylen Gielis soon vanden
Neve heeft quytgesconden los vry ende ledich, Annen
Versteveren, weduen des voirgenoemde wylen Gielis endest:t;
nu synder moeder van alle de haeffelike goeden
die den voirgenoemde Janne vanden Hoevel, byder doot vanden
voirscreven wylen Gielisen synen vader, die der selve Annen
synder moeder yerste man was doen hy leefde in eenige
manieren verstorven moegen syn
ut supra tempore simile
Rumoldus
Dryvere
Molivier van Boven haeren man
Gorttere, Dyest. Lysbeth van Lynth, Ende oic Jan ende Margriete, wylen
Willems laet kynderen ende der voirscreven Lysbetten meerst:t; kynderen, hebben
openbairlic voir ons bekent ende verleden, dat sy gehadt ende
ontfangen hebben van Rommonden den Dryvere, thien pond thien
scellinge groten Brabants gelts als voir de lossinge ende quitinge van
vierentwintich scellinge groten oic Brabants gelts lyfpensien, die sy
jaerlike
hadde hadde tot haeren daer live ende tot des langhstlevende
live van hen drien, hadde, op een huys metten gronde etcetera den
voirscreven Rommonde toehoirende, gelegen opte Veemarct, opten hoeck
vander Blocstrate tusschen de selve strate aen deen zyde ende Gielis
van Boschoven huyse aen dander zyde ende op een huyse metten hove
ende syne toebehoirten, toehoerende der weduen van wylen Marten
de Coster, gelegen buyten de Hanswycpoirte inde Rechtstrate
Ende op der selver weduen huys metten hove ende oic inne
toebehoirten, geinde voirscreven Blocstrate gelegen, gelyc daer scepenen
brief daerop gemaect, dat claerlike inhoudt ende begrypt, Endest:t;
e van dien thien pond thien scellinge groten ende oic vanden
voirscreven lyfpensien, hebben de voirscreven Lysbeth van Lynth ende oic
met zynen voirscreven man
Jan ende Magriete haere kynderen Quytgesconden los vry ende
ledich, den voirscreven Rommonde de Dryvere de voirgenoemde drie
huyse met haere toebehoirten ende alle andere dies quitancie
belenere geheelic ende al
XI July tempore simile
Hubertus
Back
de Diest. Floreys noyt heeft opgedragen ende getransporteert
tot behoef van Hubrechten Back, negen pondt drie scellinge
ende vier penninge groten Vlaems gelts alle trest van hondert
Beyers gulden, de welke hem Jacop vanden voir scepenen
van Mechelen bekent heeft sculdich wesen Transferen
ac volens et ut in forma
XI July tempore simile
Willems Wolf
Beye, Diest. Ghysbrecht Bruynbaert heeft opgedragen tot behoef
van Wouteren de Wolf, eenen hof metten gronde, die toe te
behoeren plach, Dignen myn Wouters vanden Venne wive
gelegen buyten de Hanswycpoorte tusschen eenen anderen hof
die Janne van Ost toe plach te hoiren ende die nu Janne
vanden Dale toebehoert aen deen zyde ende des voirscreven Ghysbrecht
hof aen dander zyde. A Domino Mechliniensi, Waranderende. Op thien scellinge Lovens
daer vutgaende
XIX July tempore simile
Judocus
Vrancx
Beye, Diest. Margriete tusseleren weduwe wylen Rommond Goels
diemen hiet van Campenhout, cum tutore, heeft vercocht Aerde
Cleernaerts tot behoef van Joes Vrancx sesse chysgulden
erffelic chys Te heffene altyt tot Sint Jansmisse daeraf
den yersten termyn van betalingen syn sal tot Sint Jansmisse naestcomende
Op ende al aen der voirscreven weduen helft van twee huysen