Blader door transcripties » Stadsarchief Mechelen

archieftoegang 2, inventarisnummer 935, pagina 161

de voirscreven Katheline Andries de wedue ende met
Jan Janne tyts chys haeren man de den voirscreven momboiren
tot behoef van Henricken Janne ende Kathelinen sWynnen
haeren kynderen, hondert ende vyftich Peters goeden te
wetene zessendertich groten Vlaems gelts voir elken
der selver Peters gerekent, Te betalen syn soe wanne
eenegelyc vanden voirscreven kynderen tot synen jaeren van discretie
gecomen sullen syn, Ende soe lange heeft de selve Katheline
met haren voirscreven man gelooft de voirscreven kynderen met haer
binnen haren huyse te houden ende hen daeren bynnen
elken drincken cleederen schoene ende al tgene des haren
leven noot wesen sal tamelic te gevene, sonder
mindernisse vander voirscreven scult, Ende daer voir heeft
sy verbonden ende tonderpande geset alle haere haeffelike
goeden presenta et futura, wie locorum exester
Magriete Johannes
de Berlaer et
weduwe wylen Gielis Leemans
Diest, Bossche, Katheline dochter met Meester Janne van Berlaer
haren man heeft opgedragen haer tocht die sy hadde
in twee huysen metten hove gronde gelegen deen
neven dander inde Hanswycstrate, tusschen de Cornelis
Leemans erve de voirscreven Kathelinen zoon aen deen zyde
ende Gielis van Wilgaerden erve aen dander zyde. A con
in etcetera tot behoef vanden voirscreven Cornelissen haeren sone daer
heeft inne gegoedt ende geerft was, Ende daer naer
heeft de selve Cornelis vercocht den voirscreven Meester
Janne van Berlaer ende Kathelinen Docx synen wive, als
tot haerer beyder tocht ende tot behoef van Kathelinen
dochter
van Berlaer haerer beyder dat als tot der selver
Kathelinen erffelicheit, de voirscreven twee huysen metten
hove gronde etcetera Waranderende. Op twaelff scellinge ende zesse
penninge groten Brabants gelts daer vutgaende
de
XX Juny tempore simile
Muysene
Willems de
Baerdege, Bossche. Willem de Voerden Jan Voes soon, heeft vercocht
Willem van Muysene, Eenen gouden Peters goete, te wetene
XXXVI groten Vlaems gelts voir dien gerekent erffelicx chys Te
heffene altyt tot Sinte Jansmisse, Op ende aen de voirscreven Willeme
voer huys metten hove ende schueren, gronde etcetera houdende omtrent
een half vierendeel gelegen tot Heffene over dese brugge
aldaer
aenden Steenwech, tusschen Gielis van Steynemoelen erve aen
deen zyde ende wylen Denys Lambeerts erve aen dander zyde. A Domino Mechliniensi,
op twee capuynen ende een hynne ende een halven chysgulden
ende anderhalve veertele rogge, daer jaerlix voir vutgaende, Endest:t;
de erffelis de Willem voirsrevenst:t;
lant vander onde gelegen daer opte st:t;
tusschen Jan Haege erve aen deen zyde ende tot aen dander zyde
opst:t;
XXV Juny
Domino Willems
Schillen posita et
Katlyne vander Eyken
Baerdegeem, Bossche Daneel de Bruyne heeft vercocht heer Wouteren Schellen
priester tot synen live ende tot behoef ende ten live van
Kathelinen vander Eyken Aerds vander Eyken wettige dochter
synder Peter ende tot des langhstlevende live vanden selven
lyfpensien
heer Wouteren ende Kathelinen, drie chysgulden lyftochtenst:t;
Te heffene altyt tot Sint Jansmisse, Op des voirscreven Daneele
huys metten hove gelegen inde Zeelstrate, tusschen des
voirscreven Daneels ander huys aen deen zyde ende Henricx de
Moor erve aen dander zyde, opte weerde van eenen
mottoen ende eenen chysgulden daer vutgaendest:t;dest:t;
alle desselfs Daneels ander erffelic haeffelike ende erffelike
goeden metten gronde etcetera bynnen etcetera wesende ende gelegen, die zy
nu heeft ende namaels hebben ende vercrygen sal. A Domino Mechliniensi, Waranderende.
op eenen chysgulde ende opte weerde van eenen mottoen vuten
voirscreven huyse metten hove jaerlicx voir vutgaende. Behoudelic
dien, dat de voirscreven heer Wouter, de voirgenoemde lyfpensie altyt
ten voirscreven termyne, heffen sal ende daermede disponeren ut in forma
XXV Juny tempore simile
Katlyne Lepelere
Baerdege, Bossche. Jan vanden Wynkele wylen Peters soon vanden
Welle heeft vercocht Willem de Lepelere, diemen heet in
inden Ezel tot behoef ende ten live van Kathelinen de Lepele
synder natuerliker dochter, die hy van Barblen Pauwels
vercregen heeft, Ende van Janne de Lepelere, Joerdaens
de Lepelere natuerlic soon, die hy van Katheline Beerts
oic vercregen heeft ende tot des langhstlevenden live vander
voirscreven Katheline ende Janne de Lepelere, drie gouden Rynsgulden
goede te wetene veertich groten Vlaems gelts voir elken
der selver Rynsgulden gerekent, jaerliker lyfpencien
Te heffene altyt tot twee termynen te wetene deen helft daeraf
tot Kersmisse ende dander helft tot Sinte Jansmisse, Op de voirscreven
Jans vanden Wynkele huys metten hove gronde etcetera gelegen
inde Coestrate, tusschen der weduen van wylen Bartelmeus
vanden Eede erve aen deen zyde ende der weduen ende kynderen
erve van wylen Augustinen de Wytte, aen dander zyde. A Domino Mechliniensi,
Waranderende op sevenenveertich oude groten es Turnoyse, twee
capuynen ende drie huere dair jaerlicx voir vutgaende
Behoudelic datst:t; den voirscreven Willeme dair inne syn heffen
ende dispositien
ut supra tempore simile
alias Pot
Philips de Hubraken
Baerdegeem, Mol. Katheline vanden Else met haere momboir, heeft
vercocht, Janne van Hoebraken, diemen heet Port, Een huys
met eenen cleynen plaetsken ende oic metten gronde etcetera dat Jacoppen
Hagheman toe plach te hoiren ende dwelc de voirscreven Katheline
by wylen Magrieten vanden Rode, in testamente gemaect ende
gelaten is, gelegen inde Honestrate, tusschen Jan Schillemans erve
aen deen zyde ende Jans de Heelt erve aen dander zyde. A Domino Mechliniensi,
Waranderende opte weerde van vyf scellinge groten Brabants gelts die
jaerlicx vutgaende. Behoudelic dien gaeter min vut
dat sal den voirscreven Janne van Hoebeken te baten comen
Assignavit XLIII Rinsgulden
XVI tempore simile