Blader door transcripties » Stadsarchief Mechelen

archieftoegang 2, inventarisnummer 935, pagina 154

Hubrechts sCranen
twee
Duffle, Bossche. Hubrecht sCranen heeft verreyct een huysen met
hove gronde, die Janne Croes toe plagen te hoiren, gelegen
deen neven dander inden Heembempt, tusschen Willem Paeps
erve aen deen zyde ende Jans vaders van Verlaet erve
streckende achterwaert tot op Sinte Kathelinen kerchof
Ex debito in quo dat sins qua Johannes Croes es
obligatus
X may
Augustyns
Huyghs Junio
Diest, Bossche. Henrick vander Voort diemen heet van Moke
heeft terve gegeven Augustinen Huyghs den jongen twee
huysen metten hove gronde etcetera gelegen deen neven dander inde
Zeelstrate tusschen den properst:t; Papegay toebehoirende
den kynderen vanden Wynckele, aen deen zyde ende desselfs
Henricx van Mokenborch erve gelyc ende ander manieren
opten dach van heden afgescheiden ende met eenen huyse ende
twee huysen metten hove voir desselfs Henricx erve van
gement syn. A monialibus Te besittene op eenen scellinge
groten Brabants, te heffene altyt tot Sint Jansmisse daeraf den
yersten termyn van betalingen syn sal van Sint Jansmisse
naestcomende over een jaer daer naer volgende, Ende opten
voirchys van twaelf gelike scellinge grote Brabants daer
vutgaende. Behoudelic dien dat de selve twee huysen
ondersant syn ende bliven zelen voir twaelff der selve
selve ende vyf penninge groten Brabants gaende jaerlicx vut
des voirscreven Henricx anderen twee huysen daer naest gelegen
met vorwerde dat de heymelycke staende in haerer
beyder muer ende strate tusschen de besitter vanden
selven twee huysen ten eeuwigen dagen gemeyn gewesen
sal ende dat te ten gemeynen coste geruyt sal worden
de selve heymelicheit
alle argelist vutgeschonden
Assignavit XVI Rynsgulden
XX novembry
kynderen
Potters vander
Mol, Diest, Marie zele weduwe wylen Henricx van Ruffene
cum tutore heeft vercocht Cristofflen vander Lynden een
huys metten hove gronde etcetera gelegen te Neckerspoele
inde Sceffertstrate tusschen des voirscreven Cristoffel hof
aen beyde zyden. A Magriete Egidio de Muysene op twee
chysgulden twee scellinge Lovens ende negen scellinge
paymente daer vutgaende
Assignavit XIII Peters
Ultima may
Mensa Petro
Beye, Mol. De voirscreven Cristoffel heeft vercocht Janne vanden
Beke als rentmeester ende tot behoef vander taflen des Heyliche
Geests van Sinte Peters vier gouden Rynsgulden goeden
etcetera te wetene veertich groten Vlaems voir elken der selve
Rynsgulden gerekent erffelic chys, die hy hadde op ende
aen de drie vierendeel van eenen huyse metter cammere
daer achterliggende geheeten de Sterre metten gronde etcetera
gelegen overde toebehoerende Lenaerde vander Lynden des
voirscreven Cristoffels broeder, gelegen over de Grootbrugge
by Johuys tusschen tselve tothuys ende de Dele aen
deen zyde ende de Cluyse toebehoerende den kynderen van
Berken aen dander zyde. A Domino Mechliniensi, Waranderende. Op vier gelike
Rynsgulden vuten voirscreven geheelen huyse met synen
toebehoirten jaerlicx gaende, Ende om der meerder
zekerheit de voirscreven taflen vander betalingen de voirscreven
chys te doene, Soe heeft de voirscreven Cristoffel daer voir
verbonden ende tonderpande geset synen hofst:t; drie derdendeel
van eenen hove metten eenen huysen daer op staende
ende oic metten gronde, gelegen te Neckerspoele, tusschen
de weduen ende kynderen wylen Joes Wynants erve aen
deen zyde ende de Wyngaertstrate aen dander zyde, Ende
syn huys metten hove dwelc hy tegen der voirscreven Marien
gelyc voirscreven staet gecocht heeft ie opte weerde
van zesse Rynsgulden erffelic ende sesse Rynsgulden
lyftochten daer voir vutgaende. A Domino Mechliniensi,
ultima
Johannen Eppegheem
et uxor
Berdege, Mol. Jan van Eppegem ende jouffrou Margriete sMonicx
syn wyf seggende dat sy gheen wettige kynderen en hadden ende
hebben daerom voir ons gewilt ende openbaerlic geordineert
dat de langhstlevende van hen beyden soe lange die alsdan leven
sal paysselic ende vredelic sal gebruyken alle der haeffeliker ende
erffelike goeden bynnen etcetera wesende ende gelegen die sy nu tertyt
hebben ende namaels hebben ende vercrigen zelen den wederseggen
van yemand ende oic den rechten ende coustumen daeraf ter care
onderhouden niet tegenstaende. Behoudelic dien dat alle de
voirgenoemde goeden na de langhstlevende doot vanden voirscreven Janne
ende synen wive blivende, toecomen ende versterven zelen haeren
gerechten erfgenamen dien sy naer der rechte vander stad sculdich
zelen syn toe te comene ende te versterven oft den ghenen die
sy die met haeren testamente samentlic oft anderssins geven ende
maken zelen welke ordinancie wy ende oic, Gorttere, Diest ende
Bossche onse medescepenen by crachte vanden statute daerop
tanderen tyden gemaect geconfirmeert ende geapprobeert
hebben ende by onse ordinander macht confirmen ende
approberen, eer ergelist vutgeschonden
XXVIII may