Blader door transcripties » Stadsarchief Mechelen

archieftoegang 2, inventarisnummer 935, pagina 150

Ende aen
Mol, Bossche. Wouter ende Willem Gast gebruederen ende Jan
Tymmermans woenende tot Sinte Jan inde Scryeck, hebben
ongevrydt van
gelooft ende elc van hen besunden ende voir al te geven ende
te betalene, Janne Gast, tot behoef van Lysbetten van
R Ryemen wylen Henricx van Ryemen dochter synder
nichten, Tweentwintich gouden Peters vander munten
goede etcetera, te weten achtien stuvers voir elken van dien
gerekent bynnen eenen jaere tyts naestcomende. Behoudelic
dien oft gebuerde, dat de voirscreven Lysbeth storve d bynnen
de selven tyde ste dat alsdan de voirscreven scult toecomen
ende versterven sal, op haere gerechte erfgename van haer
moeder zyden, sonder eenich wede insgelycx heeft
ongevryd al voir
heeft oic de voirscreven Wouter Gast gelooft den voirscreven Willeme
synen brueder ende Janne Tymmermans vanden voirscreven gelooft ende
oic van alle coste ende lasten, die sy daerom soude moegen hebben
ende lyden, altyt scadeloos quyt te houden ende tontlastene
sonder eenich wederseggen
XVIII may
Rumoldus Groote
Mol, Dyest. Willem opte Beke, de voogge, belovende onserlieven
Vrouwen Wavere, heeft gelooft ongevrydt na der diverecht
oft deen van deen
te geven ende te betalen Rommond de groten vierentwintich
gouden Rynsgulden goede etcetera, te wetene veertich groten Vlaems
gelts voir elken van dien gerekent ende tweentwintich
veertelen Rogs goede ende custbair Mechelscher maten
ten terminen hier naer volgende, Te wetene, de vyf Ryns
gulden dairaf tot Sinxen naestcomende. Item derthien
Rynsguldenst:t; daeraf ende de voirscreven elff veertelen
Rogge tot Bamisse daer naer volgende. Item de thien
Rynsgulden oic daeraff tot Kersmisse, oic daer naer volgende
Ende de voirscreven andere elff veertelen Rogge tot Onser Lieve
Vrouwen dage Lichtmisse daer naer oic ter stont sone
middel vervolgende
XX may
Johanne de Battele
et loco
Beyere, Duffle. Jan Smet doude, als een tochtenere, Ende Jan
Smet syn soon, als erfgenaem, hebben vercocht Janne van
Battele, Eenen gouden Rynsgulden goet etcetera te wetene veert
groten Vlaems gelts voir elkest:t; dien gerekent erffelicx chys
Te heffene altyt opten yersten dach van meye, Op ende aen
des voirscreven tochteners ende erfgenaem huys metter plaetsen
gronde etst:t; dat wylen Henricken de Bock plach toe te hoiren
over de Zacbrugge
gelegen inde Vetterstrate tusschen een cleyn straetken
dat ter Delen waert gaet aen deen zydest:t; met eenen
waterscape, aen deen zyde ende thuys den Torf geheeten
toehoerende Everaert vanden Wyere aen dander zyde. A Domino Mechliniensi,
Waranderende. Opte weerde van sesse scellinge sesse penninge groten Brabant
gelts daer jaerlicx voir vutgaende
prima Juny
Philips Valkenere
Voesdonck vanden Willem Gheerds heeft vercocht Janne de Valkens
eenen gouden Rynsgulden goet et te wetene veertich groten
Vlaems gelts voir dien gerekent erffelic chys Te heffene
altyt opten XVIen dach van meye, Op de voirscreven
Willems stuc lants metten gronde houdende omtrent
anderhalf vierendeel geheeten ter Koten, gelegen buyten
de Coepoorten neven den Nuwensteenwech, tusschen Peters
vanden Rymeren erve aen deen zyde ende de strate aen dander
zyde. A Monialibus, Waranderende. Op eenen ende een halven chysgulden
ende twee pond payments daervoir vutgaende, met condicien
dat de voirscreven Willem de voirscreven Rynsgulden des voirscreven chys
sal mogen quyten altyt als hem dat gelieven sal te
wetene met zesthiene der geliker Rynsgulden ende
met vollen chyse daervoir te betalen
Assignavit den XXVI denier
XXIa may
Jan Balemans wylen Henricx sone, heeft quytgeschonden
los vry ende ledich, Claren Henricx weduen wylen des voirscreven
Henricx van allen den haeffeliken goeden die hem byder doot
vanden voirscreven wylen Henricken Balemans synen vader ende die
man was doen hy leefde vander voirscreven weduen synder moeder
in eeniger manieren verstorven mogen syn
syns Vetteken
den bosch, Jehanne tSalaerts weduwe wylen Jan Vettekens met Wouteren
den Wolf haeren man heeft opgedragen haer tocht die sy hadde
in twee derdendeelen van eenen huyse metten hove commen gronde
gelegen inde Hanswycstrate, tusschen Peters vander Beke erve
aen deen zyde ende Jan Megaerts erve aen dander zyde, streckende
achterweerts totter Delen toe. A Marie de Schoenhoven jur etcetera
tot behoef van Lodewyc vetteken haeren sone de welke daer
inne gegoedt ende geerft waert, Waranderende etcetera
XVII may tempore simile
Peters Willem
Jan tSalaerts
Item. De voirscreven Lodewyc heeft vercocht den voirscreven Wouteren ende
Jehannen synen wive, Acht gouden Rynsgulden goede etcetera te
wetene XL groten Vlaems gelts voir elken der selver Ryns
gulden gerekent erffelic chys, Te heffene deen helft daeraf
tot Kersmisse ende dander helft tot Sint Jansmisse, Op des voirscreven
Lodewycx twee derdeel vanden voirscreven huyse metten hove
gronde etcetera A Magriete, Johannes de Schoenhoven, Waranderende met
voirscreven hadde meer
condicien oft de voirscreven Jehanne de weest:t; storve ende aflivich
worde voir den voirscreven Wouteren haeren man, dat nochtan
de selve Wouter haer man alsdan de voirscreven acht Rynsgulden
synen leefdach lange sal bliven heffene ende gebruyken, de wedue
seggene der voirscreven Lodewycx oft yemants anders niet tegenstaen
ut supra
te de voirscreven Lodewyc heeft bewesen der voirscreven Jehannen haer tocht
paysselic ende vredelic gebruyken inde voirscreven twee
de Bouwen vanden voirscreven huyse metten hove aengaende
ut supra tempra
Johanne de Schoenhove, Waranderende etcetera