Blader door transcripties » Stadsarchief Mechelen

archieftoegang 2, inventarisnummer 935, pagina 144

Johannes vander
Nuwermoelen
ende bywesen
Mol, Gorttere. Cornelis Vrouwe, by consente van Henricken de Moor
aldaert wordich wesende heeft vercocht Janne vanden
Nuwermolen een stuck bempts metten gronde geheeten der
Musschen bempt houdende omtrent negen vierendeel gelegen
achter Hanswycke byde Spoye, tusschen de oude ende Nyeuwe
wylen
Dele aen vde twee zyden ende jouffrouwen sMoor alias
inden Polboom, aende derde zyde. A Domino Mechliniensi, Waranderende. Op thien
scellinge payments erfflic ende zesse veertelen Rogs
lyftochter staende ten live van Symoen Huens kynderen
vuten daer vutgaende
Assignavit XXXIIII Peters
XXVI aprilis
Idem
Item. De voirscreven Cornelis Vrouwe ende Claes goet hove eteter
van Londerssele, hebben gelooft voir hen ende voir haer nacomelingen
ongevrydt naer der divisen recht dat zy de voirscreven stuck bempt
vut saken vanden veertich Rynsgulden erffelic die sy op all
des voirscreven Henricx de Moor goeden bynnen tot Muysene oft
daer omtrent gelegen jaerlicx hebben, daer inne den selven
bempt oic begrepen is, nemmermeer aenspreken oft belasten
en zelen oft aenst:t; in eeniger manieren, Ende dat sy daer
af de voirscreven Janne vander Nuwermolen synen zoo ende erfgename
van Berke ende
quyt houden ende
ut supra
altyt scadeloos ontheffen zelen, sonder argelist
Johannes Mol
Gortter, Diest. De voirscreven Cornelis Vrouwe endest:t; by bywesen ende volcomen
consente vanden voirscreven Henricken de Moor heeft vercocht
Janne Mol onsen medescepenen, een stuck bosch houdende
omtrent anderhalf vierendeel, gelegen te Hevere opte Brande
tusschen den selven Janne Mol ende Reyner de Heelt, Ende
vier capuynen erffelic chys, die zy hadde op een huys
metten gronde, toebehoirende Janne de Roeve, gelegen te
Hevere inde Nederstrate tusschen Peter Caluwaerts erve ende
tSer toe. A Domino Mechliniensi, Waranderende. Op vyfthien scellinge payments
daer vutgaende
Assignavit X Peters
XXVII aprilis
de voirscreven Cornelis ende Claes Goes priseert ut supra
Johannes Scholier
Gorttere, Diest, Gheerdt Soyken ende Margriete Ghysels syn wyf woenende
tot Puersse hebben gelooft ende elc van hen besunder ende voir al ongevrydt
naer der divisen recht Te hen gevende ende tot Mechelen
te betalene, Janne Scholier alle van soe lange als Henrick
ende Magriete Scholiers syn kindere ende de langhstlevende van
hen beyden leven zelen, Elcx Jans altyt opten yersten
dach van meye, daeraf den yersten termyn van betalinge
syn sal vanden yersten dage van meye naestcomende
als
over een jaer, twee gouden Rynsgulden goede etcetera
te wetene veertich groten Vlaems gelts voir elken van
dien gerekent jaerliker lyfpensien, gelyc als de voirscreven
Janne scholier
man ende wyf de de selve twee gulden voir op zeker
huer goede tot Puersse gelegen bewesen ende bepant hebben
gelyc de oepenen brieve van Puersse daer op gemaect dat
claerliker inhouden ende begrepen
XXVII aprilis
Katlyne sBruynen
Gorttere, Duffle. Wouter Verteynen inden name van hem selven ende
oic inden name van Andriesen synder dochter alsoe
ende onder haer jaeren van discrecien wesende die hy in hen vervange
heeft, Ende Jan Schore inden name van Lysbetten Verteynden
synen wive ende oic inden name van Janne Schore synen sone
infra annos etcetera die hy in hem vervangen heeft, hebben quytgeschonden
los vry ende ledich Kathelinen sBruynen weduwe wylen Jans
verteynden van allen alsulken haeffeliken goeden als henlieden
de goeden
byder doot vanden voirscrevenst:t; Janne Verteynden des voirscreven wylen Jannen
wylen
Verteynden ende Kathelinen sone, haerlieder neve in eeniger manieren
verstorven mogen syn
ut supra tempore simile
Henrick Smet
Mol, Gorttere. Willem vanden Dorpe als proviseur ende inde name
vanden convente van Lelyendale staende bynnen den beghynhove
van deser stad, daer, heeft vercocht Henricken Smet, anderhalve
gouden Rynsgulden goede etcetera, te wetene XL groten Vlaems voir
dien gerekent erffelicx chys, die tvoerscreven convent hadde ende
een huys metten hove gronde etcetera dat Janne Gulden toe
plach te hoeren, ende dat nu den selve Henricken toebehoert
gelegen inde Keyserstrate, tusschen Diericx van Breen erve
ende Jans Pagie erve diemen heet de Creve. A Domino Mechliniensi, Waranderende etcetera
e
XVI aprilis tempore simile