Blader door transcripties » Stadsarchief Mechelen

archieftoegang 2, inventarisnummer 935, pagina 118

de st:t; Jabraen
et eus uxor
Voesdonck, Haerdegeem. Jan Braen ende Beatris van Nyvele
syn wyff, hebben gewilt ende openbaerlic voir ons geordineertst:t;
seggende dat sy gheen wettige kynderen en hadde, Ende hebben
daerom gewilt ende openbairlic voir ons geordineert, dat
de lestlevende van hen, na de de doot vanden yersten
stervende van hen, paysselic ende vredelic gebruyken sal
alle der haeffelike ende erffelike goeden, bynnen etcetera wesende
ende gelegen, die sy nu hebben ende namaels hebben ende
vercrigen zelen ende metten selven haeffelike goeden in synder
noot moegen disponeren ende ordineren, Behoudelic dien
dat na de heeft doot vanden voirscreven langhstlevende van
hen beyde, alle de voirgenoemde goeden, toecomen ende versterven
zelen haeren gerechte erfgenamen, dien sy naer de rechte
vanden voirscreven stad, sculdich zelen syn toe te comen, oft de
ghenen, dien sy die goeden samentlic met testamente
oft anderssins geven ende maken zelen, Ende w de voirscreven
ende oic Mol, Goeten, Diest ende Bossche, onse medescepen
hebben by crachte vanden statute daerop gemaect, dese voirscreven
ordinancie, geconfirmeert ende geapprobeert
XVIII february tempore simile
de Heer vander
Borch et eus uxor
Bege, Mol. Henrick vander Borch ende Katlyne sWitten syn wyf
seggende dat zy egheene wettige kinderen en hadden, Ende
hebben, dair om gewilt ende openbaerlic voir ons geordineert
dat de lestlevende van hen na de doot vanden yersten stervende
van hen paysselic ende vredelic gebruyken sal alle der
haeffelike ende erffelike goeden bynnen etcetera wesende endest:t;
gelegen, die sy nu hebben ende namaels hebben ende vercrigen
zelen ende metten selven haeffeliken goeden in zynder
noot mogen disponeren ende ordineren. Behoudelic dien dat
na de doot vanden voirscreven langstlevende van hen beyden, alle
de voirgenoemde goeden toecomen ende versterven zelen, haren
gerechten erfgenamen, dien sy naer den rechte vanden voirscreven
stad sculdich selen zyn toe te comene, oft den ghenen
dien hy die goeden samentlic met testamente oft anderssins
geven ende maken zelen, Ende de voirscreven ende oic, Gorttere
ende Bossche onse medescepenen hebben by crachte vanden
statute daer op gemaect dese voirscreven ordinancien geconfirmeert
selve geapprobeert
XXI february tempore simile
Anthonis
Blancke
Jans by bywesene ende
volcomenen consente
van zuster Lysbetten
vanden Velde
maten de
selfs goidshuys
Baerdegeem, Mol. zuster Lysbeth vanden Velde, nomen int goidshuys
van Bethanien staende by deser stad, met Gheerde de Neve haeren
ende oic
st:t; momboir, heeft vercocht Anthonis Blancke, vier gouden
Peters vander munten etcetera goede etcetera te wetene XXXVI groten Vlaems
gelts voir elken van dien gerekent erffelic chys, die sy hadde
gereken geheeten, toebehoerende den voirscreven Anthonisen, gelegen
op een huys metten metten plaetsen gronde etcetera den Clyppel
opte Corenmarct, tusschen thuys de Leeuw geheeten toehoirende
Janne Schoeff, aen deen zyde ende Willem Cools huys, aen dander zyde
Willemo Schooff, Waranderende etcetera
Assignavit den XXVI denier
ut supra
Barbara et
Jan de Berge
Baerdeghem, Mol. Jan vander Hoeven scoemaker, heeft vercocht
Henricken Boyke syns soon van Berghen, dat behoef ende ten
Barblen
live van Katheline van Bergen synder wettst:t; dochter ende van Katheline
die
Barblen van Berghen wylen He van Bergen dochter syne
nichte ende tot des langhstlevende live vander selver Katheline
hebben ende
ende vallen drie veertelen Rogs goede etcetera Mechelsschen te
maten, lyfpachts Te betalen altyt opten twintichsten dach
van februario Op ende aen des voirscreven Jans vander Hoeven
vierendeel, dwelc hy hadde, in een halff buender bempts
metten gronde etcetera gelegen buyten der Oeversterpoirten, opt
Hooghelt, tusschen Gheerd vander Meere erve aen deen zyde
ende wylen Jan vanden Walle erve aen dander zyde, op eene
dwelc hy oic hadde in een stuc lants houdende int geheelen
chysgulden dier jaerlicx voir vutgaet, Ende op syn vierendeel
Item
omtrent drie vierendeel, gelegen opt voirscreven velt, tusschen
de Gemeyn strate aen deen zyde ende wylen Symoen Lathouders
erve aen dander zyde, Op zesse scellinge payments vuten
voirscreven geheelen stuc lants jaerlicx voir vutgaende, Ende
op synen hof metten gronde, houdende omtrent vyftien goeden
gelegen alle buyten de voirscreven poirte, tusschen Jan van Berzele
erve aen deen zyde ende Jan van Hoeven erve aen dander
zyde, op vyff scellinge Loevens, daer jaerlicx voir vutgaende
A Domino Mechliniensi, Waranderende etcetera
XXI february tempore simile
Cristia infra
Herdegeem, Duffle. Janne de Verwere, tot behoef vander kyst
bynnen etcetera, heeft verreyct, Een huys metten hove etcetera dat toe te
Oeversterpoirte, tusschen der infirmarien vanden crancken beghinne
hoeren plach de goidshuys van Hanswyck, gelegen buyten der
erve aen deen zyde ende Willems vanden Wuwe erve aen dander
zijde. Ex censu
XX february tempore simile
den
Item de ad op heden oic est, Een huys metten hove
dat wylen Henricken Borreman toe plach te hoiren, gelegen inde
Plaemstrate, byde Sluysbrugge, tusschen Jans vander Stappen erve ende
Claes Becker erve. Ex censu
ut supra tempore simile
den
Item te doene, Consach es, Twee huyse metten hove
gelegen inde Peperstrate, tusschen die wylen Janne tSeroot
toe plagen te hoire, tusschen Jan Stoops erve ende Peter
Woytst:t; erve. Ex censu
ut supra tempore simile
Mensa
Marte
Item ende Roye tot behoef vander taflen des Heylichs Gheest van
onse Vrouwe heeft verreyct, Een huys metten hove, dat Cornelis
Jolyns toehoirde, gelegen buyten de Brueselpoirte tusschen Willeme
Zomers erve aen deen zyde ende Dieric Gommaers erve aen
dander zyde. Ex censu
ut supra
de
ende Joos tot behoef vanden voirscreven tafle heeft verreyct Een
huys metten hove, dat wylen heer Laureys van Steenwynckele priester
toe plach te hoiren, gelegen inde Byest, tusschen desselfs wylen
heer Laureys erve aen deen zyde ende Symoen Vlemingen
erve aen dander zyde. Ex censu
ut supra