Blader door transcripties » Stadsarchief Mechelen

archieftoegang 2, inventarisnummer 935, pagina 113

Cristaus sessens
Baerdeghem, Mol. Jan vanden Eynde wylen Jans sone, heeft
vercocht Staes sessens een stuck lants houdende omtrent
anderhalf vierendeel cum quaden die sustum fundere
gelegen tot Gheerdegeem tusschen des voirscreven Staes van
aen deen zyde ende Jan Goyheers erve aen dander zyde
d streckende achterweert tot eender straeten
dairmen gaet te Broeke weert aldaerst:t; A Domino Mechliniensi,
Waranderende. Op Sesse mottoene dair vutgaende
Assignavit XXX Peters
IIII february
Johannes vander
Eynde
Baerdegeem, Mol. Henrick wylen Dins sone van Bergen heeft terve
gegeven Janne vanden Eynde wylen Jans sone vander
Eynde twee huysen metten hoven gronde gelegen
inde Ravenberchstrate tusschen Jan Kerstiaens erve
aen deen zyde ende Jan sDammans hof aen dander zyde
A Johannes de Oeyenbrugge. Te besittene op drie gouden
Peters vander munte ende eenen halven vander munte
te wetene XVI groten Vlaems gelts voir elken de
selve Peters gerekent, Te heffene deen helft dairaff
al
tot Kersmisse ende vander helft tot Sint Sint Jansmisse
dairaff den yersten termyn van betalingen syn sal tot
Kersmisse naestcomende, Ende opten voirchys van eenen
halven chysgulden ende elf pond ende achte scellinge payments
dair vutgaende ende oic op alsulken last dat de selve twee
huysen metten hove onderpant syn ende bliven zelen voir
drie capuynen gaende jaerlicx vut des voirscreven Jan Ammans
hove voirgenoemde met alsulker condicien dat de voirscreven Jan
vanden Eynde sculdich sal syn te quyten ende te lossene van
Sint Jansmisse naestcomende over een jair dair naer volgende
eenen halvenst:t; halven Peter vanden voirscreven drie Peter een
ende eenen halven des voirscreven chys. Item noch eenen halven
Peter dairaf van Sint Jansmisse alsdan bynnen twee jaeren
daer naer volgende, Ende alsoe voirtaen telken twee
jaeren alsdan deen dander volgende eenen halven Peter
tot dat de selve drie Peters ende eenen halven geheelic
ende al afgeleeght sullen wesen ende elken Peter dairaff
met geliker Peters eens met vollen chyse dair
voir te betalen
Assignavit XIII Peters
ut supra tempore simile
es Arnolde
Ploeven
Baerdegeem, Dyest. Aert van Haven, heeft gewilt ende openbairlic voir ons
voir synen vutersten wille geordineert, by consente ende bywesen van
Janne van Loeven synen soon, dat de selve Jan ende Lijsbeth van Loeven
syne natuerlike kynderen, die hy van Lysbetten Pauwels vercregen
heeft ende oic Katheline van Loeven syne natuerlike dochter, die hy
van Katheline vanden Wouwe vercregen heeft, evengelyc ende in
geliken deele ende porcien, hebben houden ende deylen zelen, alle
syne haeffelike goeden, waer die bevonden zelen worden, die
naer syn doot in eeniger manieren zelen bliven. Behoudelic dien
dat hy oic vuterlic wilt, dat de voirscreven Katheline syn dochter
inden deylinge, die tusschen haer ende den voirscreven Janne ende
Lysbetten van Loeven synen anderen kynderen geschieden sal voir vut
vuten voirscreven goeden
hebben sal, thien gouden Peters vander munten etcetera goede etcetera te
wetene XXXVI groten Vlaems gelts voir elken van dien gerekent
ende niet te min moegen deylen, metten selven Janne ende Lysbetten
inde voirscreven goeden, alsoe dat boven verclaert staet
VI february tempore simile
Polla Sinte Jacobs
Dyest, Bossche. Henric vander Voirde wylen Henricx soon, heeft vercocht
Janne Waelpoyt ende Henricken vanden worde Ghootens als proviseurs
ende tot behoef van Sinte Jacops Capellen, staende byde Overstepoirte
Eenen gouden Rynsgulden goet, te wetene tweenveertich groten
Vlaems gelts voir als dien gerekent Te heffene altyt tot Onser
Liever Vrouwen dage Lichtst:t; Purificatio Op ende aen des voirscreven
Henricx huys metten gronde gelegen inden Nieuwen Bruel, tusschen
Jans van Outersgaten erve aen deen zyde ende Claes van Faessen
erve aen dander zyde. A Domino Mechliniensi, Waranderende. Op zesse pond payments
daer jaerlicx voir vutgaende
VI february tempore simile
selve Cokeroel
Baerdege, Mol. Willem de Lepelerckere alias Inden Ezel heeft opgedragen
syn tocht die hy hadde in eenen gouden Peters vander munte
hic erffelic chys die op een huys metten gronde geheeten deen
Stuer dat Janne vanden Bossche die toe plach te hoiren ende dat
nu toebehoirt Willem Cokeroels, gelegen over de Grootbrugge
tusschenst:t; opten hoeck vander Steenstraten tusschen de selve aen
deen zyde ende Jans van Aelst erve aen dander zyde, Ende op des
Willem huys gelegen achter voirscreven yerste erve inde voerscreven
Steenstrate, tusschen Diericx de Poorte erve aen deen zyde ende
tvoirscreven yerste huys aen dander zyde. A Willem Schooff, Juravit etcetera
tot behoef van Joerdane de Lepelereke synen sone cum fuit adhedaen
Ende dair heeft de selve Joerdaen vercocht den voirscreven Willeme
Cokeroels, de voirscreven Seven Peters des voirscreven chys Waranderende etcetera
ut supra