Blader door transcripties » Stadsarchief Mechelen

archieftoegang 2, inventarisnummer 935, pagina 111

Arnoldus vanden
Walle
Diest, Bossche. Peter van Brecht, inden name van hem selven ende
oic inden name Gielis van Brecht oic inden name
van hem selven Katheline vanst:t; ende oic Margriete van
Brecht inden name van haer selven, Ende oic de
selve Peter Gielis ende Margriete inden name van
Katheline ende Geertruyden van Brecht de selver
Margrieten zusteren, als die sy in hen vervingenst:t;
Ende oic inden name van allen den anderen hueren
mede erfgenamen absent wesende die sy oic in hen
vervingen, hebben opgedragen tot behoef van
Aerde vanden Walle, alle haer recht ende deel dwelc
zy hadde in een huys metten hove gronde gelegen
buyten Sinte Kathelinen poorte inde Vingebecstrate
tusschen Jan Woyts erve ende Jan Vekemans erve
Ende alle trecht dat zy hadde in een huys metten
gronde gelegen tegen tvoirscreven yerste huys over
tusschen jouffrou sWalen erve ende Joes de Nuwelke
gelyc ende meder manieren hen dat byder doot van wylen
des voirscreven Aert wy ende
chynen vander Brecht zuster vander voirscreven Magriete
Kathelinen ende te vander Brecht ende moeye vanden
Gheertruyden
alle voirscreven Peteren ende Gielisen van Brecht in eenige
manieren verstorven mach wesen, A de Oeyenbrugge
Waranderende etcetera. Ende daer toe soe hebben de voirscreven
opdrage inden name als voer quytgeschonden los
vry ende ledich den voirscreven Aerde vanden Walle van
allen den haeffeliken goeden die henlieden byder doot
vander voirscreven wylen Clynen, des voirscreven waerts wyf
deen zy leefde in eeniger manieren verstorven mogen
syn tot desen dage toe
XXV January
Dominus gebrach vanden
de Berchem
poirten te et Machtilden
jaere, Bossche Adriaen Persoons als een tochtenere ende Peter
Persoons syn soon, als erfgenaem, hebben vercocht heer Gabriel
vander Poirten priester tot synen live ende oic tot behoef ende ten
live van Machtilden van Berchem, wylen Jans dochter van
Berchem synder maerte ende tot des langhstlevende live
vandenst:t; hen beyden, vyf gouden Rynsgulden goede etcetera
te wetene veertich groten Vlaems gelts voir elken der
selve Rynsgulden gerekent jaerlike lyfpensien, Te heffene
altyt tot twee termynen, te wetene deen helft, daeraf opte
yersten dach van Augusto ende dander helft opten yersten
dach van februario Op ende aen den voirscreven tochtenere
erffeliken
ende erfgenaem vierendeel vanden goeden ende erve metten
gronde ende haere toebehoirten hier naer bescreven ierst
van eenen huyse metten hove den Yngel geheeten gelegen
opte Tyechelene, tusschen Willems vander Nuwmoelen
erve aen deen zyde ende der kynderen vanwylenst:t;dest:t; Claes
erve aen dander zyde streckende achterweerts met twee
huyse oft cameren, tot inde Moelenstrate opte weerde
van sesse scellingen drie penningen groten Brabants gelts daer jaerlicx
voir vutgaende. Item van Sesse gouden Peters vander munten
etcetera goede, te wetene zessendertich groten Vlaems gelts voir
elken derselve Peters gerekent erffelicx chys, die sy hebben op ende
aen alle de onberuerlike ende erffelike goeden metten gronde etcetera
toebehoirende, Lysbetten van Campenhout, Jan Winters wive
die der selve Lysbetten, byder doot van wylen Henricken van
Campenhout haeren vader verstorven syn bynnen etcetera gelegen
Item van derthien chysgulden ende eenen halven oic erffelicx
chys, die sy hebben op een huys met eenen cleynen hove
ende met eenen vutgange totter Delen toe ende oic metten gronde etcetera
toehoerende Janne Scelleman broeder, gelegen inde Kerchofstrate
tusschen desselfs Jans Scellemans huys st:t;st:t; aen deen
zyde ende der weduen ende kynde van wylen Jans vanden
Else aen dander zyde, Ende van sesse chysgulden oic erffelicx
chys, die sy oic hebben op een huys metten gronde etcetera, dat
wylen Janne van Middeldonck toe plach te hoiren ende dat nu
toehoirt, Katheline wylen Andries vander Poirte dochter
gelegen byde Marct van Mechelen, tusschen wylen Gielis
van Bosbeke erve aen deen zyde ende thuys geheeten gelisen
toehoerende Marten vander Brugghen, aen dander zyde
A Domino Mechliniensi, Waranderende. Salvo deene die Gabriel propriet et inde
disponet
Ultima January tempore simile
betten Back
Duffle, Dyest. Jacop van Axele heeft getransporteert tot
behoef van Hubrecht Back alsulken scult van drientwintich
pond groten Vlaems gelts als Adriaen Persoone, Adriaens soon, hem
wettelic sculdich ende tachter is, gelyc dat byder scepenen brief daerop
gemaect, claerlic vanst:t; Wyct, Tefferens ac volens ut in forma
ut supra tempore simile
Jan Gommaer wylen Janssone heeft quytgeschonden
los vry ende ledich, Diericken Adriaens vander sommen van
hondert ende sevenentnegentich Peters vander munten etcetera
die hy den voirscreven Janne vut saken van eenen coope van
zeekeren goeden tot Leest gelegen sculdich ende tachter was
ende alle andere dies quitancie behoeven geheelic ende al
Willems
Snellissone
Duffle, Dyest. Aert vanden Hoede ende jouffrou Magriete van Cuyct
syn huysvrouwe hebben vercocht Willem Cornelissone drie gouden
Rynsgulden goede etcetera te wetene sessendertich st:t; veertich groten
Vlaems gelts voir elken der selver Rynsgulden gerekent erffelic
chys Te heffene half tot Sint Jansmisse ende dander helft tot
Kersmisse Op ende aen des voirscreven Aerts huys met vier cammeren
aen beyde zyden vanden selven huyse staende ende metten gronde
gelegen inde Penningstrate tusschen Gielis Vensel erve
ende Gielis Dregge erve streckende achterweerts tot
Godevaerts Yswyns erve. A monialibus, Waranderende. Opte weerde
te wetene XXXVI groten Vlaems voir elke
van negen gel
Peters vuterst:t; daer voir vutgaende
Assignavit
ut supra tempore simile