Blader door transcripties » Stadsarchief Mechelen

archieftoegang 2, inventarisnummer 935, pagina 11

haeffelike
by drie voeren een Cortte zelen, eenen Rendeel een kiste een
Scotelt met synder toebehoirten, alle de hantbeken
de ommeliken ende alle de voorst:t; vervallen, XVI pont len
Garens een men waelt ende twee motien poorten
van welken voirscreven XVIII Peters ende vanden Peeten vanden
genoemt
goeden boven gescrevenst:t; heeft de voirscreven Lysbeth, den
voirscreven momboiren tot des voirscreven Adriaen Vyd behoef
quytgeschonden los vry ende ledich ende alle andere dies quitancie
behoeven geheelic ende al, Ende dair toe heeft de selve
Lysbeth gelooft dat sy den momboiren oft oic den voirscreven
drien vadt emmermeer aensproken oft moeyen ende sal
oft henlieden geheysschen voir ghiffstelike oft weerlike gericht
van gheenderhande gerecht vut saken van haere voirscreven
gescreven oft elc anders naer
de Floracien oft makingen boven genoemt endest:t; dat sy dese
quitancie ten eeuwigen dagen vongoet vast ende van weerden
houden sal ende dat daer tegen by hen haer selven oft by
yemande anders nemmermeer seggen oft doen es
gheender manieren, alle argelist vutgescheyden
XXI may tempore simile
jouffrou Lucie vrouwe voir haer selve, Ende
heer Jan van vutgingen, natuerlic soone, des eerwerdighen
vaders in gode, heer Jan van Rode, bisscopen van
Cameryck Ridders
Heer Pape et uxore
Voesdonc, Duffle. Jouffrou Lucie Breuwe, Ende heer Jan van Rongoingen
Ridder ende joncheer Aert van Bourgoingen natuerlike kynderen
vanden eerwerdigen vader in gode ende hen heer Jans van
Borgen busscopen van Cameryck ende Greve van Cambres
inden name van hen selve ende oic inde name van Janne
van Borgen, de voirgenoemde jouffrou Lucien natuerlike soon, die
de voirscreven eerwerdige vader van haer vercregen heeft, onder
syne jaeren wesende, die sy alle drie in hen vervingen, hebben
vercocht, Henricken de Pape, wylen Henricx soon, Een tot
huys oft syne ende Lysbetten van Ryemen syns wyfs behoef
Een huys oft woeninghe metten hove gronde etcetera dat Aerde
vanden Hoede ende jouffrou Magrieten van Cuyct synder huysvrouwe
toe plach te hoiren, gelegen byden Berthoutshof, tusschen
wylen Claes van Boxthuyne huys, dat nu de voirscreven Henricke
ende synen kynderen toebehoirt aen deen zyde ende wylen Goessen
schoemaker huys, dat nu Peter doude toebehoirt aen dander
zyde ende streckende achterweerts totten vester toe van Mechelen
ende totten vlyete toe aldaer. A Domino Mechliniensi. Op vyf pond payments
twee capuynen ende eenen halven twee oude groten ende eenen
halven ende sesse gulden van Florencien, voir de welke Peter
drie cameren met haere toebehoirten, die wylen Cristoffle
ende Henricken Hofmans gebruederen toe plagen te hoiren, gelegen
byde vesten van Mechelen tusschen de Zantpoirte ende
de Neckerspoelpoirte, tusschen wylen Willem Reyners erve
aen deen zyde ende wylen Symoen Caluwaerts erve aen
dander zyde, in tytule van gewarigen pande mede verbonden
staen, vuten voirscreven huyse metten hove jaerlix gaende
Assignavit XLII Peters
XII may tempore simile
gulden op
voirscreven Janne ende
Dierick van
Breen toebehoerende
Voesdonc, Duffle. Katheline Vlemings met eenen momboir, Ende Katheline
Vleming, Claes dochter met Peteren vanden Broeke haeren man
hebben vercocht Janne Gulden op eenen gouden Peter goet te
oft de weerde dairvoer lyfpensien die sy haer leven lange
huys
geduerende hadden op des voirscreven Jans huys metten hove den
gelegen inde Keyserstrate tusschen Rommond Hemelrycx erve
ende Jan Pagie diemen heet de Kemmer erve. A Domino Mechliniensis, Waranderende etcetera
XXII may tempore simile
Katlyne Vleming et
Katlyne Vleming
Nicola
Voesdonc, Duffle. Jan vander Voort ende Lysbeth sRidders syn wyf
hebben vercocht Kathelinen Vlemincx, tot haeren ende lantsst:t;
Vleming
live ende oic tot behoef ende ten live van Kathelinen we
Claes dochter ende ten langhstlevende live van hen beyden
eenen gouden Peter goet te wetene veertich zessendertich
groten Vlaems van dien Peter gerekent lyfpensien Te heffene
altyt opten tweentwintichsten dach van meye, Op
ende synen wyf
des voirscreven Jans ^ huys met eenen stalle dair achterstaende
ende oic metten hove gronde gelegen inden Ouden Bruel
tusschenst:t; tegen thuys over de Munte geheeten, toebehoirende
Janne van Muysene, gelegen tusschen een ander huys
dat de selven Janne ende synen wive toe plach te hoiren
ende dat nu Merten vanden Hulst toebehoirt aen deen
zyde ende Jans Pauwels huys aen dander zyde, streckende
achterweerts tot Jans van Blanckene erve. A Beato Rumoldo
Waranderende. Op derthien scellinge ende zeven penninge Lovens daervoir
tselve huys
vutgaende, ende oic op alsulken last dat mede pant is ende
bliven sal voir vierthien gelike scellinge Lovens die vut
des voirscreven Mertens huys voirgenoemde jaerlicx gaen, dicta presenta
Katheline levabit et inde disponet
XXII may tempore simile