vestbrief le

Inscrite

• Cornelis Scheijne, Partij 1.1
• Otte van Galen, Partij 1.2
• Jan van Galen, Partij 1.3
• Meeus Josephs de Wildesoon, Partij 2.1

Remarque

Scepenen doen condt dat gecomen zijn partij 1.1, screijnwercker, gesworen op dese tijt van den ambacht der screijnwerckers en andere hantwercken dair onder sorterende, 1.2, 1.3 zijn soon, Henric Marcus Cornelis Raessen, alle beeldsnijders, en Thomaes van Breempt de screijnwercker gesellen en mannen van den ambacht voirs in d' een parthije, en 2.1 oic van den ambacht voirs wesende in d' ander parthije, en bekenden alsoo in voirigen tijden, doen der screijnwerckers ambacht met die dair onder sorterende bij ordonnantie van den Heere en van den stadt gesceijden werden van der tymmerluyden ambacht met die dair onder sorterende, sekere gescillen geresen waren tusschen hen parthijen voirs, mits den puncte in den ambachtbrief van den screijnwerckers voirs, luydende dat geen screijnwerckers, beeldsnijders, metscreijsnijders? Oft cleijnstekers ennige knapen te wercken souden moghen stellen van ennigen werck dair sij self metten hant geen meester af waren, mer wel eenen die meester ware van sulcken werck soe verre hij soe cloeck ware dat hij de proeve soude connen gedaen etc, gelijc het voirs punct hier af breeder verclairt, bij den welcken 2.1 zustineerde dat hij te zeer beswaert soude zijn want hij aldoen de tafelen aengenomen hadde dair hij knechts toe behoefde, en hij altijt sulcx hadde mogen doen, en bekenden parthijen voirs bij advyse en ordonnantie van de wethouderen van Breda, dat zij geaccordeert zijn dat 2.1 voortaen wel sal mogen stellen knechten van screijnwerckers, beeldsnijders, metschijsnijders? En cleijnstekers, al ware hij zelve geen meester van sulcken hantwerck oft de proeve dair af nyet gedaen hadde, nyettegenstaende het punct in desen in den ambachtbrief begrepen. Dies sal 2.1 der kercken van Breda dienen dair se sijnre behoeft in bordt te snijden, patroonen te maken en dergelijcke op zijnen behoirlicken loon en salaris. Behoudelic oic van alsulcken hantwercken dair 2.1 selve geen meester in is en geen proeve gedaen heeft, dat hij tot sulcke wercken eenen meester van hier bynnen, de proeve gedaen hebbende, nemen sal. En hier en boven heeft 2.1 doen maken een beeldt, 5 voeten lanck van Sint Jan Baptisten, des ambachts patroon, dwelck in de kercken geset sal worden. Wel verstaende dat tgene dat voirscreven is den voirs 2.1 in zijnen persoon alleen toegelaten is en nyet voir zijne nacomelingen oft voir yemant anders.

Citation de la source

Ville archive Breda à Breda, Vestbrieven
Schepenbank Breda 1499-1811, Bron: boek, Part: 430, Période: 1524, Breda, numéro d'inventaire 430, 31 août 1524, Vestbrieven 1524, folio 92v, 093v