den leesten Aprilis 1618

Compareerde ec. Dirck hem coopman binnen deser voorss. Stede

Ende heeft Inder bester forme geconstitueert end machtich

gemaect soo hij constitueerde ene machtich maecte bij desen

Willem teuling coopman tot hensden Omme Inden naeme ende

van wegen hem constituant te maennen eijschen ende vercrijgen

van Pieter goverts fockertsz Laeckencooper tot hensden

voorss. de somme van een hondert Achtentseventich gul. die

den selven pieter Goverts hem constituant schuldich is

Daeromme des noot sijn Te lites contesteren allen termijnen

van rechten te observeren eedt calumnie ende alle andere eeden die

t'recht ter saecke dienstich admitteert In sijne constituant

ziele te passeren ende de saecke tot diffintive sententie ende

executie te Brengen pen. te ontfangen quitantie te passeren

ende voorts generalijck desen aengaende alles te doen dat hij consti¬

tuant selfs present sijn soude cunnen mogen ende behooren te doen

met macht om een ofte meer andere te mogen substitueeren

Belovende hij constituant t'allen tijden voor goet vast ende van

waerden te houden alle t'gene bijden voorn. Willem teuling ende

desselfs gesubstitueerden desen aengaende gedaen ende gehandelt

sal werden Ende hunluijden daer van te Indempneren, vrij

costeloos ende Schadeloos te houden Onder allen verbandts

nae rechten daer toe staende sonder argelist versoeckende hier

van te hebben acte Gedaen Binnen Amsterd. ter presentie van

Adriaen vander Meer ende Jacob Jacobsz Burgers deser stede

als getuijgen hier over gestaen den lesten Aprilis 168

Dirck Hen

0