Blader door transcripties » Nationaal Archief / Rijksarchief Zuid-Holland

archieftoegang 1.01.02, inventarisnummer 3257, pagina 94

qu‛elles ne seroient pas appuijées de tant d'instances,
comme celles faictes de la part dudict Amibrr
qui de son costé ne perd poinct de temps a satisfaire
a tout ce qui luij est recommandé de la part de
leursdictes ss: pour l‛exacte observation du mesme
Traicté de Paix, en quoij il est prest de tousiours
continuer avec le mesme soingh et application que
du passé tant par sa propre inclination que par
les ordres tres expres quil en a du Roij son Maistre,
Et d'autant que par dessus les plaintes et recla„
mations contenues auxdicts precedents memoriaux
ensurviennent chacun jour quelques autres tres
pressantes de la part des parties interessées, ledict
Ambr. parmi un grand nombre vient a choisir
et mettre en avant les quatre suivantes.
Qu‛ aucuns subjects et Vassants de sa Mate.
qui levent des rentes sur les Domaines de hollande
et de Zeelande, et speciallement hijpothequees
sur les Thonlieu de Zelande devant l‛an 1572.
Rentheffers opde
domainen van Hollant s‛estant addresses aux Seigneurs Estats de la„
en Zeelant
dicte Province de Zelande et a leur Receveur
a Middelbourg, pour avoir paijement de ce
qui estoit escheu depuis le Jour de la Publi„
cation de la paix, ils n‛en ont peu rien obtenir
jusques a maintenant, ce qui leur vient á
grand dommage et Interest, et qui estant
directement contre le texte expres de l‛article
Douziesme de la pacification, on prie et
requiert lesdicts Seigneurs Estats Generaux
d'ij pouvoir effectivement.
Qu‛un certain Religieux de Floreff au Comté
de Namur nominé Louis Mans demeurant
a Arendencq Village au quartier d'Anvers,
Louis naus Religieux et cij devant Curé á Legemierde Maijerie
van Floreff
de Boisleduc, estant venu audict Lieu pour
ses affaires particulieres ij auroit esté faict
Prisonnier par le substitut Escoutette de
Boisleduc nommé Willich le dernier d'Aoust
de l‛anpassé 1650. et attaché a la queul d‛un
Cheval pour le conduire en la prison, ou il
est estroicttement detenu et rudement traicté
sans feu nij autre commodité de la Vie a la
ruine de ses moijens et santé, dont aijant forme
plaintes, il a esté ordonné par Ll: Is: ou
par le Conseil d'Estat en une apostille sur
sa requeste, quil seroit relasche sous caution,
laquelle il luij est impossible de fournir,
et ainsij s‛est offert et s‛offre d'avoir sa
Liberté sur son serment, moijennant quoij il
sera prest de se presenter par devant ledict
Conseil d'Estat et i respondre audt. officier;
Qui sont les requisitions dudict particulier
Religieux de Floreff, mais celles dudit Ambr.
12. Januarij vas dent plus avant en demandant quil soit
relasche purement et simplement, et l‛Officier
condamné á touts ses depends frais, et
dommages, avec ordre de neplus commettre
tels attentats contre le prescrit des articles second,
quatreiesme et vnziesme dudict Traicté de Paix.
Que le St. Robert d'Ittersom Capne. a Mastricht
auroit chassé et dejetté du Lieu de Rodelduc Philippe
Tonnis, Conrard Korvers, Gerard Hens, Francois
Poiteghens, et Balthasar Kirehoff avec leurs femmes
et Enfants, deffendant de plus aux habitants
dudict Rodelduc, de les recevoir nij loger, ou de
leur vendre chose aucune pour leur subsistance
a peine de trente florins d'or, sans autre
subject nij fondament sinon qu'ils estoient au
Service de Sadicte Mate. lequels exces n‛estant
pas tollerables, et ne tendant avec plusieurs
autres qui se font par les Receveurs de ll: Ss.
en ce Paijs la quelque mauvaise suitte et
confusion, Ledict Ambr. prie et requiert
quils soient reprimes tant pour le passé que
pour l‛advenir, et non seulement par re„

medes particuliers, mais par celuij plus
General qui est l‛establissement de la
Chambre Miparthije convenu et accordé entre
Sa Mate. et ce hant et Puissant Estat,
et depuis concerté au regard de la forme et
toutes ses dependances, de sorte que l‛on ne
peut endifferer davantage l‛execution sans
violer et en freindre trop avant et trop long
temps ledict Traicté de Paix en l‛vn de ses
principauxe poincts et fondamentaux, dont
sadte. Mate. n‛a point esté autheur, mais
bien lesdts. Seigneurs Estats Generaux, a
qui par consequent il touche d'autant plus de
le maintenir et garder.
3
Que le Doijenne du Chapitre de St. Oedenrode,
.
en la Maijerie de Boisleduc estant incorpore
a l‛Evesché de Ruremonde, l‛Evesque dudt. Lieu
a tousioins des lors joii des revenus dependants
Gecame van
St. oenderodedudict Doyenné comme des dixmes et autres,
et quant la mort de l‛Evesque est survenue
le Chapitre Episcopal a pareillement joui
dixmes et autres revenues pendant la vacance
de l‛Evesche, de sorte que lesdts revenus pendant
la Vacance de l‛Evesché, de sorte que lesd.ts
revenus sont accessoires et Membres de„
pendants d‛un principal benefice situé riere
la Jurisdiction de sa Mate. tel qu‛est
ledict Evesche de Ruremonde dont l‛Evesque
par consequent doit jouijr et ij entrer de
son Authorité privée et sans aijde de Justice
en conformité du contenu en l‛article quarante
Ingesetenen van
s'hertogenrade